Friday, April 20, 2018

ਆਸਿਫ਼ਾ ਨਾਲ ਹੋਏ ਅਣਮਨੁੱਖੀ ਕਾਰੇ ਵਿਰੁੱਧ ਰੋਸ ਵਖਾਵੇ ਜਾਰੀ


Fri, Apr 20, 2018 at 6:14 PM
ਤੇਜ਼ ਹੋ ਰਹੀ ਹੈ ਰੋਹ ਅਤੇ ਰੋਸ ਦੀ ਲਹਿਰ 
ਪਟਿਆਲਾ: 20 ਅਪਰੈਲ 2018:(ਪੰਜਾਬ ਸਕਰੀਨ ਬਿਊਰੋ):: 
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਕਰਮਚਾਰੀਆਂ ਨੇ ਵੱਡੀ ਗਿਣਤੀ ਵਿਚ ਇਕੱਠੇ ਹੋ ਕੇ ਕਠੂਆ ਅਤੇ ਊਨਾਓ ਵਿਚ ਹੋਏ ਸਮੂਹਿਕ ਬਲਾਤਕਾਰਾਂ ਖਿਲਾਫ਼ ਮਨੁੱਖੀ ਕੜੀ ਬਣਾ ਕੇ ਰੋਸ ਵਖਾਵਾ ਕੀਤਾ। ਇਸ ਮਨੁੱਖੀ ਕੜੀਨੇ ਪੰਜਾਬੀ ਯੂਨੀਵਰਸਿਟੀ ਦੇ ਆਰਟਸ ਬਲਾਕ ਤੋਂ ਹੁੰਦੇ ਹੋਏ ਸਾਇੰਸ ਬਲਾਕ ਤੱਕ ਦੇ ਖੇਤਰ ਨੂੰ ਆਪਣੇ ਘੇਰੇ ਵਿਚ ਲਿਆ। ਇਸ ਵਿਰੋਧ ਵਖਾਵੇ ਵਿਚ ਵਿਦਿਆਰਥੀ ਜਥੇਬੰਦੀਆਂ ਪੀ.ਐੱਸ ਯੂ. (ਲਲਕਾਰ), ਡੀ.ਐੱਸ.., ਪੀ. ਐੱਸ.ਯੂ., ਐੱਸ.ਐੱਫ. ਆਈ ਤੇ ਏ.ਆਈ.ਐੱਸ.ਐੱਫ ਦੇ ਨਾਲ ਅਧਿਆਪਨ ਤੇ ਗ਼ੈਰ-ਅਧਿਆਪਨ ਕਰਮਚਾਰੀਆਂ ਨੇ ਸਾਂਝਾ ਮੋਰਚਾ ਬਣਾ ਕੇ ਸ਼ਮੂਲੀਅਤ ਕੀਤੀ। ਇਸ ਦੌਰਾਨ ਤਕਰੀਬਨ ਇੱਕ ਘੰਟਾ ਮਨੁੱਖੀ ਕੜੀਬਣਾ ਕੇ ਰੱਖਣ ਤੋਂ ਬਾਅਦ ਪਰਦਰਸ਼ਨਕਾਰੀ ਗੁਰੂ ਗ੍ਰੰਥ ਸਾਹਿਬ ਭਵਨ ਦੇ ਨੇੜੇ ਇਕੱਠੇ ਹੋਏ ਜਿੱਥੇ ਵਿਦਿਆਰਥੀ, ਅਧਿਆਪਨ ਅਤੇ ਗ਼ੈਰ-ਅਧਿਆਪਨ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਨੇ ਸੰਬੰਧਿਤ ਮਸਲੇ ਬਾਰੇ ਆਪਣੇ ਵਿਚਾਰ ਰੱਖੇ। ਇਸ ਵਿਰੋਧ ਪ੍ਰਦਰਸ਼ਨ ਵਿਚ ਸੰਸਦ ਮੈਂਬਰ ਧਰਮਵੀਰ ਗਾਂਧੀ ਨੇ ਵੀ ਸ਼ਿਰਕਤ ਕੀਤੀ ਅਤੇ ਇਕੱਠ ਨੂੰ ਸੰਬੋਧਿਤ ਕੀਤਾ। ਇਸ ਪਰਦਰਸ਼ਨ ਦੌਰਾਨ ਇਕ ਨੁੱਕੜ ਨਾਟਕ ਦੀ ਪੇਸ਼ਕਾਰੀ ਵੀ ਕੀਤੀ ਗਈ। ਇਸ ਦੌਰਾਨ ਬੁਲਾਰਿਆਂ ਨੇ ਔਰਤਾਂ, ਦਲਿਤਾਂ, ਘੱਟ-ਗਿਣਤੀਆਂ ਅਤੇ ਕਬੀਲਿਆਂ ਖ਼ਿਲਾਫ਼ ਹੋ ਰਹੀ ਹਿੰਸਾ ਖਿਲਾਫ਼ ਇਕੱਠੇ ਹੋ ਕੇ ਆਪਣੀ ਆਵਾਜ਼ ਬੁਲੰਦ ਕਰਨ ਦਾ ਸੱਦਾ ਦਿੱਤਾ। ਵਿਦਿਆਰਥੀ ਜਥੇਬੰਦੀਆਂ ਦੇ ਬੁਲਾਰਿਆਂ ਤੋਂ ਇਲਾਵਾ ਪਰੋਫੈਸਰ ਸੁਰਜੀਤ ਸਿੰਘ (ਪੰਜਾਬੀ ਵਿਭਾਗ), ਪਰੋਫ਼ੈਸਰ ਚਰਨਜੀਤ ਕੌਰ, (ਪੰਜਾਬੀ ਵਿਭਾਗ), ਪਰੋਫ਼ੈਸਰ ਬਲਵਿੰਦਰ ਸਿੰਘ ਟਿਵਾਣਾ (ਅਰਥ ਸ਼ਾਸਤਰ ਵਿਭਾਗ), ਪਰੋਫੈਸਰ ਜੋਗਾ ਸਿੰਘ (ਭਾਸ਼ਾ ਵਿਭਾਗ) ਅਤੇ ਪੀ.ਐੱਸ. ਢਿੱਲੋਂ (ਗ਼ੈਰ-ਅਧਿਆਪਨ ਅਮਲਾ) ਮੁੱਖ ਬੁਲਾਰੇ ਸਨ। ਪਰੋਫ਼ੈਸਰ ਮੋਨਿਕਾ (ਅੰਗਰੇਜ਼ੀ ਵਿਭਾਗ)ਨੇ ਮੰਚ ਸੰਚਾਲਨ ਕੀਤਾ।
ਘਨੌਰ: ਕਾਲਜ ਘਨੌਰ ਵਿਚ ਵਿਦਿਆਰਥੀ ਜਥੇਬੰਦੀ ਪੰਜਾਬ ਸਟੂਡੈਂਟਸ ਯੂਨੀਅਨ ਵਲੋਂ 'ਆਸਿਫ਼ਾ' ਅਤੇ ਉੱਤਰ ਪਰਦੇਸ਼ ਦੇ ਇਕ ਬੀ.ਜੇ.ਪੀ ਦੇ ਵਿਧਾਇਕ ਵੱਲੋਂ 17 ਸਾਲਾਂ ਲੜਕੀ ਨਾਲ ਜਬਰ ਜਨਾਹ ਤੇ ਉਸ ਦੇ ਪਿਤਾ ਦੇ ਕੀਤੇ ਕਤਲ ਦੇ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਲਈ ਕਾਲਜ ਤੋਂ ਘਨੌਰ ਦੇ ਬਾਜ਼ਾਰਾਂ ਵਿਚੋਂ ਹੁੰਦੇ ਹੋਏ ਬੱਸ ਸਟੈਂਡ ਤੱਕ ਰੋਸ ਮਾਰਚ ਕੱਢਿਆ ਗਿਆ। ਇਸ ਮੌਕੇ ਰੋਹ ਭਰੇ ਵਖਾਵਕਾਰੀਆਂ ਨੇ ਪੀੜਤਾਂ ਦੇ ਹੱਕ ਵਿਚ ਨਾਅਰੇ ਲਗਾਉਂਦੇ ਹੋਏ ਇਨਸਾਫ਼ ਦੀ ਮੰਗ ਕੀਤੀ ਗਈ। ਇਸ ਮੌਕੇ ਪੰਜਾਬ ਸਟੂਡੈਂਟਸ ਯੂਨੀਅਨ ਦੀ ਜ਼ਿਲਾ ਪਟਿਆਲਾ ਦੀ ਸਰਗਰਮ ਆਗੂ ਦਲਜੀਤ ਕੌਰ ਨੇ ਕਿਹਾ ਕਿ ਦੇਸ਼ ਅੰਦਰ ਔਰਤਾਂ ਪ੍ਰਤੀ ਮਾੜੀ ਮਾਨਸਿਕਤਾ ਨੇ ਉਹਨਾਂ ਦੀ ਸੁਰੱਖਿਆ 'ਤੇ ਸਵਾਲੀਆ ਨਿਸ਼ਾਨ ਲਗਾ ਦਿੱਤਾ ਹੈ।  

ਆਸਿਫ਼ਾ ਮਾਮਲੇ ਨੂੰ ਲੈ ਕੇ ਜਲੰਧਰ ਵਿੱਚ ਵੀ ਰੋਹ ਦੀ ਲਹਿਰ

 Fri, Apr 20, 2018 at 4:11 PM
ਜਲੰਧਰ ਸਕੂਲ ਭਾਰੀ ਰੋਸ ਵਖਾਵਾ 
ਜਲੰਧਰ: 20 ਅਪਰੈਲ  2018: (ਰਾਜਪਾਲ ਕੌਰ//ਪਲਵਿੰਦਰ ਸਿੰਘ//ਪੰਜਾਬ ਸਕਰੀਨ ਟੀਮ)::
ਅੱਜ ਜਲੰਧਰ ਵਿੱਦਿਅਕ ਸੋਸਾਇਟੀ ਵਲੋਂ ਚੱਲ ਰਹੇ ਅਦਾਰੇ ਜਲੰਧਰ ਸਕੂਲ ਗਦਾਈਪੁਰ ਵਿਖੇ ਜਲੰਧਰ ਵਿੱਦਿਅਕ ਸੋਸਾਇਟੀਨ  ਦੇ ਚੇਅਰਮੈਨ ਪਲਵਿੰਦਰ ਸਿੰਘ ,ਸਕੂਲ ਦੀ ਮੁੱਖਅਧਿਆਪਕਾ ਰਾਜਪਾਲ ਕੌਰ ਅਤੇ ਸਮੁਚੇ ਸਟਾਫ ਦੀ ਅਗੁਵਾਈ ਵਿੱਚ ਬੱਚਿਆਂ ਨਾਲ ਰੱਲ ਕੇ ਬੱਚੀ ਆਸਿਫ਼ਾ ਨੂੰ ਨਿਆਂ ਦਿਵਾਉਣ ਲਈ ਇਕ ਰੋਸ਼ ਪਰਦਰਸ਼ਨ ਕੱਢਿਆ ਗਿਆ। ਬੱਚਿਆਂ ਨੇ "ਅਸੀਫਾ ਕੇ ਲੀਏ ਨਿਆਇ ਚਾਹੀਏ, ਬਲਾਤਕਾਰੀਆਂ ਨੂੰ ਫਾਂਸੀ ਤੇ ਲਟਕਾਇਆ ਜਾਵੇ,ਜਿੱਥੇ ਬੇਟੀ ਦੀ  ਇੱਜ਼ਤ ਖ਼ਤਰੇ ਵਿੱਚ ਹੈ, ਉਹ ਸਮਾਜ ਅਤੇ ਦੇਸ਼ ਖ਼ਤਰੇ ਵਿੱਚ ਹੈ, ਕੁੜੀ ਦਾ ਮਾਰਨਾ ਗਊ ਘਾਤ ਤੋਂ ਵੀ ਵੱਡਾ ਪਾਪ ਹੈ (ਬਚਨ-ਸ੍ਰੀ ਸਤਿਗੁਰੂ ਰਾਮ ਸਿੰਘ ਜੀ) ਕੁੜੀਆਂ ਨੂੰ ਤੰਗ ਕਾਰਨ ਵਾਲਾ ਗੁਰੂ ਨਾਨਕ ਦੇਵ ਜੀ ਦੇ ਦਰਬਾਰ ਵਿੱਚ ਕਦੇ ਬਖਸ਼ਿਆ ਨਹੀਂ ਜਾਵੇਗਾ (ਬਚਨ-ਸ੍ਰੀ ਸਤਿਗੁਰੂ ਦਲੀਪ ਸਿੰਘ ਜੀ) ਨਾਰੀ ਸ਼ਕਤੀ ਅਬ ਨਹੀਂ ਸਹੇਗੀ, ਦਰਿੰਦੋ ਕੋ ਸਜ਼ਾ ਦੇਕਰ ਰਹੇਗੀ ਅਤੇ ਹਮਾਰੀ ਬੇਟੀਆਂ ਸੁਰਕਸ਼ਿਤ ਹੋਂ "ਆਦਿ ਨਾਅਰਿਆਂ ਰਾਹੀਂ ਆਪਣਾ ਰੋਸ ਵਖਾਵਾ ਕੀਤਾ। ਮੈਡਮ ਰਾਜਪਾਲ ਕੌਰ ਨੇ ਦਸਿਆ ਕਿ ਸਮਾਜ ਵਿੱਚ ਆਏ ਦਿਨ ਵਾਪਰ ਰਹੀਆਂ ਅਜਿਹੀਆਂ ਸ਼ਰਮਨਾਕ ਘਟਨਾਵਾਂ ਨੇ ਸਾਡਾ ਅੰਦਰ ਝਿੰਝੋੜ ਕੇ ਰੱਖ ਦਿੱਤਾ ਹੈ, ਅਸੀਂ ਇਹ ਸੋਚਣ ਵਾਸਤੇ ਮਜਬੂਰ ਹੋ ਗਏ ਹਾਂ ਕਿ ਅੱਜ ਸਾਡੀਆਂ ਬੇਟੀਆਂ ਕਿਉਂ ਏਨੀਆਂ ਅਸੁਰੱਖਿਅਤ ਹੋ ਗਈਆਂ ਹਨ? ਸਰਕਾਰ ਅਜਿਹੇ ਪਾਪ ਕਰਨ ਵਾਲੇ ਅਪਰਾਧੀਆਂ ਪਰਤੀ ਕੋਈ ਠੋਸ ਕਦਮ ਕਿਉਂ ਨਹੀਂ ਚੁੱਕ ਰਹੀ, ਜੋ ਇਹਨਾਂ ਦੇ ਹੋਂਸਲੇ ਵਧਦੇ ਹੀ ਜਾ ਰਹੇ ਹਨ। ਸਾਡੇ ਪੰਜਾਬ ਵਿੱਚ ਤਾਂ ਮਾਤਾ ਚੰਦ ਕੌਰ ਜਿਹੀ ਮਹਾਨ ਹਸਤੀ ਦੇ ਦਿਨ ਦਿਹਾੜੇ, ਆਪਣੇ ਹੀ ਨਿਵਾਸ ਸਥਾਨ ਦੇ ਦਾਇਰੇ ਵਿੱਚ, ਕਤਲ ਵਰਗੀਆਂ ਘਟਨਾਵਾਂ ਵੀ ਵਾਪਰ ਚੁੱਕੀਆਂ ਹਨ ਅਤੇ ਅਜੇ ਤੱਕ ਨਿਆਂ ਨਹੀਂ ਮਿਲਿਆ। ਹੁਣ ਆਸਿਫ਼ਾ ਵਰਗੀ ਮਾਸੂਮ ਬੱਚੀ ਦੀ ਘਟਨਾ ਨੇ ਸਾਡੇ ਫਿਰ ਤੋਂ ਜਖਮ ਹਰੇ ਕਰ ਦਿੱਤੇ ਹਨ। ਉਹਨਾਂ ਨੇ ਅੱਗੇ ਦੱਸਦਿਆਂ ਕਿਹਾ ਕਿ ਅੱਜ ਅਸੀਂ ਬੱਚਿਆਂ ਨਾਲ ਰੱਲ ਕੇ ਇਹ ਰੋਸ ਵਖਾਵਾ ਇਸ ਲਈ ਕਰ ਰਹੇ ਹਾਂ ਤਾਂ ਜੋ ਬੱਚਿਆਂ ਦਾ ਮਨੋਬਲ ਉੱਚਾ ਹੋਵੇ, ਉਹਨਾਂ ਨੂੰ ਵੀ ਸਮਾਜ ਅਤੇ ਦੇਸ਼ ਬਾਰੇ ਆਪਣੇ ਫ਼ਰਜ਼ਾਂ ਦਾ ਅਹਿਸਾਸ ਹੋਵੇ ਅਤੇ ਸਰਕਾਰ ਅਪਰਾਧੀ ਨੂੰ ਛੇਤੀ ਤੋਂ ਛੇਤੀ ਫਾਂਸੀ ਦੀ ਸਜ਼ਾ ਦੇਵੇ। ਇਸ ਦੇ ਨਾਲ ਹੀ ਅਸੀਂ ਸਮੁੱਚੀ ਨਾਰੀ ਜਾਤੀ ਨੂੰ ਇਹ ਸੰਦੇਸ਼ ਦੇਣਾ ਚਾਹੁੰਦੇ ਹਾਂ ਕਿ ਦੇਸ਼ ਦੇ ਵੱਖ-ਵੱਖ ਥਾਵਾਂ ਤੇ ਆਪਣੇ ਸੰਗਠਨ ਬਣਾ ਕੇ ਇਹਨਾਂ ਜ਼ੁਲਮਾਂ ਦਾ ਟਾਕਰਾ ਆਪ ਵੀ ਕਰੇ ਅਤੇ ਸਮਾਜ ਦੇ ਅਜਿਹੇ ਅਪਰਾਧੀਆਂ ਨੂੰ ਐਸੀ ਸਖ਼ਤ ਸਜ਼ਾ ਮਿਲੇ ਕਿ ਦੁਬਾਰਾ ਐਸੀ ਹਰਕਤ ਕਰਨ ਦੀ ਕਿਸੇ ਦੀ ਹਿੰਮਤ ਨਾ ਪਵੇ। ਇਸ ਮੌਕੇ ਤੇ ਮੈਡਮ ਜਸਵੀਰ ਕੌਰ, ਮੈਡਮ ਮੀਨਾਕਸ਼ੀ, ਮੀਨਾ ਮਾਹੀ, ਮੀਨਾ ਕੁਮਾਰੀ, ਸ਼ਿਵਾਨੀ, ਸੋਨਮ , ਬਲਜੀਤ ਕੌਰ, ਤੌਸੀਨ, ਰੀਤੂ ਬਰਮਨ, ਅੰਜੁਬਾਲਾ ਅਤੇ ਸਕੂਲ ਦੇ ਬੱਚੇ ਹਾਜ਼ਰ ਸਨ। 

ਸੀਪੀਆਈ ਆਗੂ ਗੁਰਨਾਮ ਸਿੱਧੂ ਖਿਲਾਫ ਝੂਠੀ ਸ਼ਿਕਾਇਤ ਵਿਰੁੱਧ ਤਿੱਖਾ ਰੋਸ

Fri, Apr 20, 2018 at 10:18 AM
ਕਈ ਸੰਗਠਨਾਂ ਨੇ ਕੀਤੀ ਲੁਧਿਆਣਾ ਦੇਹਾਤ ਦੇ ਐਸ ਐਸ ਪੀ ਨਾਲ ਮੁਲਾਕਾਤ 
ਲੁਧਿਆਣਾ: 20 ਅਪਰੈਲ 2018: (ਪੰਜਾਬ ਸਕਰੀਨ ਟੀਮ)::
ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਸ਼ਹਿਰੀ ਸਹਾਇਕ ਸਕੱਤਰ ਕਾਮਰੇਡ ਗੁਰਨਾਮ ਸਿੰਘ ਸਿੱਧੂ ਨਾਲ ਨਾਲ ਕੀਤੀ ਗਈ ਗੁੰਡਾਗਰਦੀ ਅਤੇ ਫਿਰ ਉਹਨਾਂ ਦੇ ਹੀ ਖਿਲਾਫ ਲਿਖਵਾਈ ਗਈ ਝੂਠੀ ਸ਼ਿਕਾਇਤ ਦੇ ਖਿਲਾਫ ਕਈ ਜੱਥੇਬੰਦੀਆਂ ਦਾ ਇੱਕ ਸਾਂਝਾ ਵਫਦ ਜਗਰਾਓਂ ਜਾ ਕੇ ਲੁਧਿਆਣਾ (ਦੇਹਾਤ) ਦੇ ਐਸ ਐਸ ਪੀ ਸੁਰਜੀਤ ਸਿੰਘ ਨੂੰ ਮਿਲਿਆ। ਇਸ ਵਫਦ ਵਿੱਚ ਕਾਮਾਗਾਟਾ ਮਾਰੂ ਯਾਦਗਾਰੀ ਕਮੇਟੀ ਦੇ ਆਗੂ, ਰੋਡਵੇਜ਼ ਵਰਕਰਾਂ ਦੇ ਆਗੂ, ਬਿਜਲੀ ਬੋਰਡ ਮੁਲਾਜ਼ਮਾਂ ਦੇ ਆਗੂ, ਦਲਿਤ ਜੱਥੇਬੰਦੀਆਂ ਦੇ ਆਗੂ ਅਤੇ ਕਈ ਹੋਰ ਸਰਗਰਮ ਕਾਰਕੁੰਨ ਵੀ ਸ਼ਾਮਲ ਸਨ। 
ਕਾਮਰੇਡ ਸਿੱਧੂ ਨਾਲ ਇਹ ਗੁੰਡਾਗਰਦੀ ਕੁਝ ਦਿਨ ਪਹਿਲਾਂ ਲੁਧਿਆਣਾ ਦੇ ਹੀ ਪਿੰਡ ਵਲੀਪੁਰ ਵਿੱਚ ਵਾਪਰੀ ਜਦੋਂ ਕਾਮਰੇਡ ਸਿੱਧੂ ਕੁਝ ਮਜ਼ਦੂਰਾਂ ਦੀ ਬਣਦੀ ਕਿਰਤ ਕਮਾਈ ਦੁਆਉਣ ਲਈ ਇੱਕ ਵਿਸ਼ੇਸ਼ ਮਿਸ਼ਨ ‘ਤੇ ਇਸ ਪਿੰਡ ਵਿੱਚ ਗਏ ਸਨ। ਪੀੜਿਤ ਮਜ਼ਦੂਰਾਂ ਨੇ ਦੱਸਿਆ ਕਿ ਇਥੇ ਇੱਕ ਹਵੇਲੀਨੁਮਾ ਕੋਠੀ ਵਿੱਚ ਬਹੁਤ ਕੁਝ ਗੈਰ ਸਮਾਜਿਕ ਵੀ ਹੁੰਦਾ ਹੈ ਜਿਹੜਾ ਪੁਲਿਸ ਦੇ ਕੁਝ ਥਾਣਾ ਪੱਧਰ ਦੇ ਅਧਿਕਾਰੀਆਂ ਦੀ ਸ਼ਹਿ ਨਾਲ ਚੱਲਦਾ ਹੈ। ਜਦੋਂ ਕਾਮਰੇਡ ਸਿੱਧੂ ਨੇ ਇਸ ਸਬੰਧੀ ਮਜ਼ਦੂਰਾਂ ਦੇ ਬਿਆਨ ਅਤੇ ਸਬੰਧਿਤ ਕੋਠੀ ਦੀ ਫੋਟੋ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਤਾਂ ਸਬੰਧਿਤ ਕੋਠੀ ਅੰਦਰੋਂ ਗੈਰ ਸਮਾਜਿਕ ਕੰਮ ਕਰਨ ਵਾਲੇ ਅਨਸਰਾਂ ਨੇ ਤੁਰੰਤ ਆਪਣੇ ਗੁੰਡੇ ਭੇਜ ਕੇ ਕਾਮਰੇਡ ਸਿੱਧੂ ‘ਤੇ ਹਮਲਾ ਕਰਵਾਇਆ। ਕੈਮਰਾ ਵੀ ਖੋਹ ਲਿਆ ਅਤੇ ਕੁੱਟਮਾਰ ਵੀ ਕੀਤੀ। ਬਾਅਦ ਵਿਚ ਕੁਝ ਲੋਕਾਂ ਦੇ ਵਿੱਚ ਪੈਣ ਤੇ ਇਹਨਾਂ ਗੁੰਡਾ ਅਨਸਰਾਂ ਨੇ ਕੈਮਰਾ ਵੀ ਵਾਪਿਸ ਕਰ ਦਿੱਤਾ ਅਤੇ ਮੋਬਾਈਲ ਫੋਨ ਵੀ।  ਇਸਦੇ ਨਾਲ ਹੀ ਕਾਮਰੇਡ ਸਿੱਧੂ ਕੋਲੋਂ ਮਾਫੀ ਵੀ ਮੰਗ ਲਈ।  ਇਹ ਸਭ ਕੁਝ 27 ਮਾਰਚ 2018 ਨੂੰ ਵਾਪਰਿਆ। ਇਸ ਤੋਂ ਬਾਅਦ ਕਾਮਰੇਡ ਸਿੱਧੂ ਨੇ ਇਸ ਗੱਲ ਨੂੰ ਇਥੇ ਹੀ ਛੱਡ ਦਿੱਤਾ ਅਤੇ ਆਪਣੇ ਮਜ਼ਦੂਰ ਭਲਾਈ ਮਿਸ਼ਨ ਵਿੱਚ ਰੁਝ ਗਏ। 
ਘਟਨਾ ਤੋਂ ਕਈ ਦਿਨ ਬਾਅਦ 11 ਅਪਰੈਲ ਨੂੰ ਇਹਨਾਂ ਗੁੰਡਾ ਅਨਸਰਾਂ ਨੇ ਹੀ ਪੁਲਿਸ ਕੋਲ ਕਾਮਰੇਡ ਸਿੱਧੂ ਦੇ ਖਿਲਾਫ ਝੂਠੀ ਸ਼ਿਕਾਇਤ ਦੇ ਦਿੱਤੀ। ਇਸ ਗੱਲ ਦਾ ਪਤਾ ਲੱਗਣ ‘ਤੇ ਸਮੂਹ ਲੋਕ ਪੱਖੀ ਜੱਥੇਬੰਦੀਆਂ ਵਿੱਚ ਰੋਸ ਦੀ ਤਿੱਖੀ ਲਹਿਰ ਦੌੜ ਗਈ। ਕਰੀਬ ਦਸ-ਬਾਰਾਂ ਜੱਥੇਬੰਦੀਆਂ ਦੇ ਨੁਮਾਇੰਦੇ ਇਸ ਸਬੰਧੀ ਜਗਰਾਓਂ ਜਾ ਕੇ ਲੁਧਿਆਣਾ ਦੇਹਾਤ ਦੇ ਐਸ ਐਸ ਪੀ ਸੁਰਜੀਤ ਸਿੰਘ ਨੂੰ  ਮਿਲੇ ਜਿਹਨਾਂ ਨੇ ਪੂਰੀ ਗੱਲ ਬੜੇ ਧਿਆਨ ਨਾਲ ਸੁਣੀ। 
ਜ਼ਿਕਰਯੋਗ ਹੈ ਕਿ ਕਾਮਰੇਡ ਸਿੱਧੂ ਅਤੇ ਉਹਨਾਂ ਦੇ ਕੁਝ ਸਾਥੀ  ਦਿੱਲੀ ਦੇ ਇੱਕ ਮੀਡੀਆ ਅਦਾਰੇ ਲਈ ਵੀ ਕੰਮ ਕਰਦੇ ਹਨ। ਇਸ ਤਰਾਂ ਉਹ ਆਪਣੀਆਂ ਖਬਰਾਂ ਅਤੇ ਰਿਪੋਰਟਾਂ ਨਾਲ ਲੋਕ ਵਿਰੋਧੀ ਸਰਗਰਮੀਆਂ ਨਾਲ ਸਬੰਧਤ ਲੋਕਾਂ ਨੂੰ ਮੀਡੀਆ ਰਾਹੀਂ ਵੀ ਬੇਨਕਾਬ ਕਰਦੇ ਹਨ। 
ਇਸ ਮੌਕੇ ਐਡਵੋਕੇਟ ਕੁਲਦੀਪ ਸਿੰਘ, ਪਰਸਿੱਧ ਲੇਖਕ ਮਾਸਟਰ ਜਸਦੇਵ ਸਿੰਘ ਲਲਤੋਂ, ਫਿਰਕਾਪਰਸਤੀ ਖਿਲਾਫ ਡਟ ਕੇ ਲੋਹਾ ਲੈਣ ਵਾਲੇ ਉਜਾਗਰ ਸਿੰਘ ਬੱਦੋਵਾਲ, ਮਲਕੀਅਤ ਸਿੰਘ, ਸੁਖਦੇਵ ਸਿੰਘ, ਸੀਪੀਆਈ ਦੇ ਸਹਾਇਕ ਜ਼ਿਲਾ ਸਕੱਤਰ ਕਾਮਰੇਡ ਚਮਕੌਰ ਸਿੰਘ, ਜੋਗਿੰਦਰ ਸਿੰਘ, ਕੇਹਰ ਸਿੰਘ, ਸਮਾਲ ਸਕੇਲ ਇੰਡਸਟਰੀ ਦੇ ਨੁਮਾਇੰਦੇ ਕਾਮਰੇਡ ਗੁਰਵੰਤ ਸਿੰਘ, ਪੱਤਰਕਾਰ ਸੁਰਿੰਦਰ ਕੁਮਾਰ, ਰਾਜੇਸ਼, ਨੈਸ਼ਨਲਿਸਟ  ਕਾਂਗਰਸ ਪਾਰਟੀ (ਐਨ ਸੀ ਪੀ) ਵੱਲੋਂ ਰਵੀ ਸੋਈ, ਪੀਪਲਜ਼ ਮੀਡੀਆ ਲਿੰਕ ਵੱਲੋਂ ਰੈਕਟਰ ਕਥੂਰੀਆ ਅਤੇ ਕਈ ਹੋਰ ਸਰਗਰਮ ਕਾਰਕੁੰਨ ਮੌਜੂਦ ਸਨ। 
ਐਸ ਐਸ ਪੀ ਨੇ ਵਫਦ ਦੀ ਗੱਲ ਬੜੇ ਧਿਆਨ ਨਾਲ ਸੁਣੀ। ਉਹਨਾਂ ਇਸ ਸਬੰਧੀ ਇੱਕ ਉੱਚ ਅਧਿਕਾਰੀ ਦੀ ਡਿਊਟੀ ਵੀ ਲਗਾਈ। ਇਸਦੇ ਨਾਲ ਹੀ ਉਹਨਾਂ ਯਕੀਨ ਦੁਆਇਆ ਕਿ ਦੋਸ਼ੀਆਂ ਖਿਲਾਫ ਐਕਸ਼ਨ ਲਿਆ ਜਾਏਗਾ। ਹੁਣ ਦੇਖਣਾ ਹੈ ਕਿ ਇਸ ਘਟਨਾ ਦੇ ਦੋਸ਼ੀਆਂ ਖਿਲਾਫ ਕੀ ਐਕਸ਼ਨ ਲਿਆ ਜਾਂਦਾ ਹੈ। 

ਕੰਮ ਦੇ ਬੋਝ ਹੇਠ ਦੱਬੇ ਰਹਿੰਦੇ ਬੈਂਕਾਂ ਵਾਲੇ ਬਾਬੂਆਂ ਦੀ ਦਾਸਤਾਨ

ਕੰਮ ਪੂਰਾ ਕਰਦਿਆਂ ਹੀ ਹੋ ਜਾਂਦੀ ਹੈ ਅੱਧੀ ਅੱਧੀ ਰਾਤ 
ਕਲਕੱਤੇ ਤੋਂ ਪ੍ਰ੍ਕਾਸ਼ਿਤ  ਅਖ਼ਬਾਰ `ਹਿੰਦੋਸਤਾਨ ਸਟੈਂਡਰਡ` ਦੇ ਮਿਤੀ 11.02.1940 ਦੇ ਅੰਕ ਵਿੱਚ ਬੈਂਕ ਦੇ ਕਲਰਕ ਦੀ ਹਾਲਤ ਇਸ ਤਰਾਂ ਬਿਆਨ ਕੀਤੀ ਗਈ ਸੀ "ਬੈਂਕਾਂ ਵਿੱਚ ਕੰਮ ਦੇ ਘੰਟਿਆਂ ਦੀ ਕੋਈ ਸੀਮਾ ਨਹੀਂ । ਗਰੀਬੜੇ ਬਾਬੂਆਂ ਨੂੰ ਸਵੇਰੇ ਦੱਸ ਵਜੇ ਦਫ਼ਤਰ ਆਉਣਾ ਪੈਂਦਾ ਹੈ ਅਤੇ ਕਦੋਂ ਦਫ਼ਤਰ ਤੋਂ ਵਾਪਿਸ ਜਾਣਾ ਹੈ, ਕੋਈ ਪਤਾ ਨਹੀਂ ਹੁੰਦਾ, ਕਿਉਂਕਿ ਜਦੋਂ ਤੱਕ ਬੈਂਕ ਦੇ ਉਸ ਦਿਨ ਦੇ ਸਾਰੇ ਖਾਤੇ ਮਿਲ ਨਹੀਂ ਜਾਂਦੇ, ਉਹ ਜਾ ਨਹੀਂ ਸਕਦੇ। ਬੈਂਕਾਂ ਵਿੱਚ ਲੈਣ-ਦੇਣ ਸ਼ਾਮ ਦੇ 4-5 ਵਜੇ ਤੱਕ ਚੱਲਦਾ ਰਹਿੰਦਾ ਹੈ, ਇਸ ਕਰਕੇ ਖਾਤਿਆਂ ਦਾ ਮਿਲਾਨ ਰਾਤੀਂ ਦਸ ਵਜੇ ਤੱਕ ਜਾਂ ਕਈ ਵਾਰ ਅੱਧੀ ਰਾਤ 12 ਵਜੇ ਤੱਕ ਵੀ ਜਾਰੀ ਰਹਿੰਦਾ ਹੈ। ਜਿਸ ਕਰਕੇ ਇਹਨਾਂ ਬਾਬੂਆਂ ਨੂੰ ਦਿਹਾੜੀ ਵਿੱਚ 12 ਤੋਂ 14 ਘੰਟੇ ਕੰਮ ਕਰਨਾ ਪੈਂਦਾ ਹੈ। ਦੂਜੇ ਪਾਸੇ ਇਹਨਾਂ ਕੰਮ ਦੇ ਬੋਝ ਦੇ ਮਾਰਿਆਂ ਨੂੰ ਵੇਤਨ ਬਹੁਤ ਹੀ ਘੱਟ ਦਿੱਤਾ ਜਾਂਦਾ ਹੈ। ਇਹਨਾਂ ਕੰਮ ਨਾਲ ਲੱਦਿਆਂ ਦੀ ਕੀਮਤ ਤੇ ਉੱਚ ਅਧਿਕਾਰੀਆਂ ਜਿਵੇਂ ਕਿ ਮੈਨੇਜਰਾਂ ਅਤੇ ਕੈਸ਼ੀਅਰਾਂ ਨੂੰ ਚੰਗੇ ਵੇਤਨ ਮਿਲਦੇ ਹਨ। ਇੱਥੇ ਇਹ ਵੀ ਵਰਨਣਯੋਗ ਹੈ ਕਿ ਬੈਂਕਿੰਗ ਕੰਪਨੀਆਂ ਨੂੰ ਸਾਲਾਨਾ 40 ਤੋਂ 50 ਲੱਖ ਰੁਪਏ ਦਾ ਮੁਨਾਫਾ ਹੁੰਦਾ ਹੈ। ਇਹ ਅਸਲ ਵਿੱਚ ਬੈਂਕਾਂ ਦੇ ਪ੍ਰਬੰਧਕਾਂ ਵੱਲੋਂ ਕੀਤਾ ਜਾਂਦਾ ਜੁਲਮ ਹੀ ਹੈ ਜੋ ਕਿ ਅੱਤ ਦੀ ਬੇਰੁਜਗਾਰੀ ਦਾ ਫਾਇਦਾ ਉਠਾਂਦੇ ਹੋਏ ਬੰਗਾਲੀ ਭੱਦਰ ਮਿਹਨਤਕਸ ਲੋਕਾਂ ਦੀ ਲੁੱਟ-ਖਸੁੱਟ ਕਰਨ ਤੇ ਤੁਲੇ ਹੋਏ ਹਨ । ਇਹ ਡਾਅਢੇ ਅਫਸੋਸ ਦੀ ਗੱਲ ਹੈ ਕਿ ਇੱਥੋਂ ਤੱਕ ਕਿ ਬੇਹੱਦ ਨਿਗੂਣੀ ਮਜ਼ਦੂਰੀ ਕਰਨ ਵਾਲੇ ਅਤੇ ਕੈਦੀਆਂ ਦੇ ਵੀ ਨਿਯਮਤ ਕੰਮ ਦੇ ਘੰਟੇ ਹੁੰਦੇ ਹਨ ਅਤੇ ਵਾਧੂ ਕੰਮ ਲਈ ਵਾਧੂ ਭੱਤਾ ਦਿੱਤਾ ਜਾਂਦਾ ਹੈ । ਪਰ ਇਹਨਾਂ ਬਦਕਿਸਮਤ ਬਾਬੂਆਂ ਨੂੰ ਇਸ ਤਰ੍ਹਾਂ ਦੀ ਕੋਈ ਸਹੂਲਤ ਨਹੀਂ ਹੈ। ਉਹਨਾਂ ਨੂੰ ਆਪਣੇ ਮਾਲਕਾਂ ਦੀ ਮਰਜੀ ਮੁਤਾਬਿਕ ਗਧਿਆਂ ਵਾਂਗ ਕੰਮ ਕਰਨ ਲਈ ਮਜਬੂਰ ਕੀਤਾ ਜਾਂਦਾ ਹੈ । ਨਤੀਜੇ ਦੇ ਤੌਰ ਤੇ ਕੰਮ ਦੇ ਬੋਝ ਅਤੇ ਘੱਟ ਵੇਤਨ ਕਰਕੇ ਸਮੇਂ ਤੋਂ ਪਹਿਲਾਂ ਹੀ ਇਹ ਗਰੀਬੜੇ ਮੜੀਆਂ ਵੱਲ ਘੜੀਸੇ ਜਾਂਦੇ ਹਨ। ਕੀ ਇਸ ਧਰਤੀ ਉੱਤੇ ਇਨਸਾਨਾਂ ਉੱਤੇ ਇਸ ਤਰ੍ਹਾਂ ਦੇ ਅਤਿਆਚਾਰ ਨੂੰ ਰੋਕਣ ਲਈ ਕੋਈ ਕਾਨੂੰਨ ਨਹੀਂ, ਜਦੋਂ ਕਿ ਜਾਨਵਰਾਂ ਉੱਤੇ ਅਤਿਆਚਾਰ ਦੇ ਵਿਰੁੱਧ ਤਾਂ ਕਾਨੂੰਨ ਹੈ।"
ਅੱਜ ਇਸ ਸਮੇਂ 20ਵੀਂ ਸਦੀ ਦੇ ਪਹਿਲੇ 3-4 ਦਹਾਕਿਆਂ ਵਿੱਚ ਸਾਡੇ ਦੇਸ਼ ਦੀ ਮਜਦੂਰ ਜਮਾਤ ਦੀ ਮਾੜੀ ਹਾਲਤ ਦਾ ਅੰਦਾਜਾ ਲਾਉਣਾ ਬੜਾ ਮੁਸ਼ਕਿਲ ਹੈ । ਉਸ ਸਮੇਂ ਦੌਰਾਨ ਅੰਗ੍ਰੇਜ਼ ਹਕੂਮਤ ਦੇ ਮਤਿਹੱਤ ਚਿੱਟ ਕੱਪੜੀਏ ਕਾਮੇ ਚੁੱਪ ਕੀਤੇ ਪਿਸ ਰਹੇ ਸਨ ਅਤੇ ਆਪਣੇ ਆਪ ਨੂੰ ਮਜਦੂਰ ਜਮਾਤ ਦਾ ਹਿੱਸਾ ਮੰਨਣ ਬਾਰੇ ਨਹੀਂ ਸੋਚਦੇ ਸਨ ਅਤੇ ਨਾ ਹੀ ਇੰਨੇ ਸੰਗਠਿਤ ਸਨ । ਪਹਿਲੀ ਸੰਸਾਰ ਜੰਗ (1914-18) ਨੇ ਸਾਡੇ ਦੇਸ਼ ਦੀ ਅਰਥ-ਵਿਵਸਥਾ ਨੂੰ ਹਿਲਾ ਕੇ ਰੱਖ ਦਿੱਤਾ ਅਤੇ ਦੇਸ਼ ਦੇ ਲੋਕਾਂ ਲਈ ਅਣਕਿਆਸੀਆਂ ਸਮੱਸਿਆਵਾਂ ਖੜੀਆਂ ਕਰ ਦਿੱਤੀਆਂ । ਜੂਟ ਅਤੇ ਕੱਪੜਾ ਉਦਯੋਗਾਂ ਵਿੱਚ ਕਿਤੇ ਕਿਤੇ ਸੰਘਰਸ਼ ਸ਼ੁਰੂ ਹੋਏ । ਚੌਥੇ ਦਹਾਕੇ ਵਿੱਚ ਰੇਲਵੇ ਅਤੇ ਡਾਕ ਵਿਭਾਗ ਦੇ ਕਾਮਿਆਂ ਵੱਲੋਂ ਇਤਿਹਾਸਕ ਹੜਤਾਲਾਂ ਨੇ ਮਜ਼ਦੂਰਾਂ ਵਿੱਚ ਜੋਸ਼ ਪੈਦਾ ਕਰ ਦਿੱਤਾ । ਸੰਸਾਰ ਜੰਗ ਦੀਆਂ ਜ਼ਰੂਰਤਾਂ ਪੂਰੀਆਂ ਕਰਨ ਲਈ ਉਦਯੋਗਾਂ ਵਿੱਚ ਮਜ਼ਦੂਰ ਜਮਾਤ ਨੂੰ ਮਜਬੂਰੀ ਵੱਸ ਕਿਤੇ ਕਿਤੇ ਆਰਥਿਕ ਫਾਅਦੇ ਦੇਣੇ ਪਏ । ਪਰ ਚਿੱਟ ਕੱਪੜੀਏ ਕਾਮਿਆਂ ਦੀ ਹਾਲਤ ਵਿੱਚ ਸੁਧਾਰ ਲਈ ਕੋਈ ਉੱਦਮ ਨਹੀਂ ਕੀਤਾ ਗਿਆ । ਇਸੇ ਸਮੇਂ ਦੌਰਾਨ ਦੁਨੀਆਂ ਨੂੰ ਹਿਲਾ ਦੇਣ ਵਾਲੀਆਂ ਘਟਨਾਵਾਂ ਵਾਪਰੀਆਂ। ਰੂਸ ਵਿੱਚ ਮਜਦੂਰ ਜਮਾਤ ਵੱਲੋਂ ਉਥੋਂ ਦੇ ਸਾਸ਼ਕ ਦਾ ਤਖਤਾ ਪਲਟ ਦਿੱਤਾ ਗਿਆ, ਜਿਸ ਨੇ ਦੁਨੀਆਂ ਭਰ ਦੇ ਮਜਦੂਰਾਂ ਨੂੰ ਇਹ ਹੌਸਲਾ ਦਿੱਤਾ ਕਿ ਜੇ ਸੋਵੀਅਤ ਯੂਨੀਅਨ ਵਿੱਚ ਮਜਦੂਰ ਸੱਤਾ ਹਾਸਲ ਕਰ ਸਕਦਾ ਹੈ ਤਾਂ ਇਸੇ ਤਰ੍ਹਾਂ "ਇਹ ਭਾਰਤ ਵਿੱਚ ਜਾਂ ਦੁਨੀਆਂ ਦੇ ਹੋਰ ਦੇਸ਼ਾਂ ਵਿੱਚ ਕਿਉਂ ਨਹੀਂ ਹੋ ਸਕਦਾ। ਇਸੇ ਸਮੇਂ ਵਿੱਚ ਉੱਤਰ ਪ੍ਰਦੇਸ਼ ਵਿੱਚ ਕਾਨਪੁਰ ਵਿਖੇ, ਬਿਹਾਰ ਵਿੱਚ ਰੇਲਵੇ ਬੰਬਈ ਵਿੱਚ ਕੱਪੜਾ ਉਦਯੋਗ, ਬੰਗਾਲ ਦੇ ਜੂਟ ਉਦਯੋਗ ਅਤੇ ਧੁਰ ਦੱਖਣ ਵਿੱਚ ਮਦਰਾਸ ਵਿਖੇ ਕੱਪੜਾ ਉਦਯੋਗ ਦੇ ਮਜਦੂਰਾਂ ਨੇ ਬਹੁਤ ਵੱਡੀਆਂ ਵੱਡੀਆਂ ਹੜਤਾਲਾਂ ਕੀਤੀਆਂ । ਕੇਂਦਰ ਸਰਕਾਰ ਦੇ ਲੇਬਰ ਵਿਭਾਗ ਦੇ ਰਿਕਾਰਡ ਮੁਤਾਬਕ ਇਸ ਸਮੇਂ 110 ਦੇ ਕਰੀਬ ਹੜਤਾਲਾਂ ਹੋਈਆਂ। ਜਲਿਆਂ ਵਾਲੇ ਬਾਗ ਦੇ ਖੂੰਨੀ ਸਾਕੇ ਨੇ ਸਾਰੇ ਦੇਸ਼ ਨੂੰ ਹਲੂਣਿਆਂ ਅਤੇ ਗੁਲਾਮੀ, ਜ਼ੁਲਮ ਅਤੇ ਆਰਥਿਕ ਲੁੱਟ ਖਸੁੱਟ ਦੇ ਖਿਲਾਫ਼ ਅੱਤ ਦਾ ਗੁੱਸਾ ਪੈਦਾ ਕੀਤਾ। ਇਸੇ ਸਮੇਂ ਦੌਰਾਨ 31 ਅਕਤੂਬਰ 1920 ਨੂੰ ਆਲ ਇੰਡੀਆ ਟਰੇਡ ਯੂਨੀਅਨ ਕਾਂਗਰਸ (ਏਟਕ) ਦਾ ਜਨਮ ਹੋਇਆ, ਜਿਸਦੇ ਪਹਿਲੇ ਪਰਧਾਨ ਉੱਘੇ ਦੇਸ਼ ਭਗਤ ਅਤੇ ਅਜ਼ਾਦੀ ਘੁਲਾਟੀਏ ਲਾਲਾ ਲਾਜਪਤ ਰਾਏ ਸਨ। ਇਹ ਜੱਥੇਬੰਦੀ ਲੱਖਾਂ ਮਿਹਨਤਕਸ਼ ਲੋਕਾਂ ਦੀ ਨੁੰਮਾਇਦਗੀ ਕਰਦੀ ਸੀ। ਅਚਾਨਕ 1939 ਵਿੱਚ ਸਾਡੇ ਦੇਸ਼ ਦੇ ਲੋਕਾਂ ਨੇ ਆਪਣੇ ਆਪ ਨੂੰ ਦੂਜੀ ਸੰਸਾਰ ਜੰਗ ਵਿੱਚ ਆਪਣੀ ਇੱਛਾ ਦੇ ਉਲਟ ਸ਼ਾਮਿਲ ਪਾਇਆ। ਭਾਵੇਂ ਇਸ ਯੁੱਧ ਵਿੱਚ ਬ੍ਰਿਟਿਸ਼ ਸਾਮਰਾਜ ਅਤੇ ਉਸ ਦੀਆਂ ਸਹਿਯੋਗੀ ਸ਼ਕਤੀਆਂ ਨੂੰ ਫ਼ਾਸ਼ੀਵਾਦ ਅਤੇ ਨਾਜ਼ੀਵਾਦ ਦੇ ਖਿਲਾਫ਼ ਜਿੱਤ ਪ੍ਰਾਪਤ ਹੋਈ, ਪਰੰਤੂ ਅੰਗਰੇਜ਼ ਸਾਮਰਾਜ ਨੂੰ ਭਾਰੀ ਕੀਮਤ ਚੁਕਾਉਣੀ ਪਈ ਅਤੇ ਉਸ ਦੇ ਟੁੱਟਣ ਦੀ ਸ਼ੁਰੂਆਤ ਹੋ ਗਈ ।
ਏ.ਆਈ.ਬੀ.ਈ.ਏ. ਦੇ ਜਨਮ ਤੋਂ ਪਹਿਲਾਂ ਹੀ ਕਲਕੱਤਾ, ਯੂ.ਪੀ., ਬੰਬੇ ਤੇ ਦਿੱਲੀ ਦੇ ਬੈਂਕ ਕਰਮਚਾਰੀਆਂ ਵਿੱਚ ਉਨ੍ਹਾਂ ਦੀਆਂ ਮਾੜੀਆਂ ਹਾਲਤਾਂ ਦੇ ਵਿਰੁੱਧ ਕਾਫੀ ਬੇਚੈਨੀ ਦੇ ਫਲਸਰੂਪ ਬੜੇ ਵੱਡੇ ਪੱਧਰ ਤੇ ਸਰਕਾਰ ਅਤੇ ਪਰਬੰਧਕਾਂ ਦੇ ਖਿਲਾਫ਼ ਰੋਸ ਮੁਜਾਹਰੇ ਅਤੇ ਵਿਰੋਧ ਸ਼ੁਰੂ ਹੋ ਗਏ । 1945 ਵਿੱਚ ਦੂਜੀ ਸੰਸਾਰ ਜੰਗ ਅਤੇ 1947 ਵਿੱਚ ਸਾਡੇ ਦੇਸ਼ ਦੀ ਆਜ਼ਾਦੀ ਦੀਆਂ ਦੋ ਵੱਡੀਆਂ ਘਟਨਾਵਾਂ ਅਤੇ ਹਾਲਾਤਾਂ ਦੇ ਵਿਚਕਾਰ 1946 ਵਿੱਚ ਏ.ਆਈ.ਬੀ.ਈ.ਏ. ਦਾ ਜਨਮ ਹੋਇਆ । ਇਸ ਸਮੇਂ ਦੇਸ਼ ਬੜੇ ਕਠਿਨ ਹਾਲਾਤ ਵਿੱਚੋਂ ਗੁਜਰ ਰਿਹਾ ਸੀ । ਫਿਰਕੂ ਅਧਾਰ ਤੇ ਵੱਡੇ ਘੱਲੂਘਾਰੇ ਪੰਜਾਬ ਅਤੇ ਬੰਗਾਲ ਵਿੱਚ ਵਾਪਰੇ, ਜਿਸ ਤੋਂ ਬੈਂਕ ਕਰਮਚਾਰੀ ਵੀ ਅਛੂਤੇ ਨਹੀਂ ਰਹਿ ਸਕੇ । ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਜਿਵੇਂ ਕਿ ਕਲਕੱਤਾ, ਕਾਨਪੁਰ, ਅਲਾਹਾਬਾਦ, ਲਖਨਊ, ਪਟਨਾ, ਲਾਹੌਰ, ਦਿੱਲੀ, ਬੰਬੇ ਅਤੇ ਮਦਰਾਸ ਵਿੱਚ ਬੈਂਕ ਕਰਮਚਾਰੀ ਸੰਗਠਤ ਹੋਣੇ ਸ਼ੁਰੂ ਹੋ ਗਏ ਸਨ ।
20 ਅਤੇ 21 ਅਪਰੈਲ 1946 ਨੂੰ ਏ.ਆਈ.ਬੀ.ਈ.ਏ. ਦੀ ਕਾਨਫਰੰਸ ਦੀਆਂ ਤਿਆਰੀਆਂ ਅਤੇ ਸੰਵਿਧਾਨ ਬਣਾਉਣ ਵਾਸਤੇ ਇੱਕ ਅਸਥਾਈ ਕਮੇਟੀ ਦਾ ਗਠਨ ਕੀਤਾ ਗਿਆ ਜਿਸ ਦੇ ਚੇਅਰਮੈਨ ਕੇ.ਸੀ. ਨਿਓਗੀ ਐੱਮ.ਐੱਲ.ਏ., ਆਨੰਤ ਡੀ.ਘੋਸ਼. ਨੂੰ ਜਨਰਲ ਸਕੱਤਰ ਬਣਾਇਆ ਗਿਆ ਅਤੇ ਬਾਅਦ ਵਿੱਚ ਆਰ.ਸੀ. ਚੱਕਰਵਰਤੀ ਨੂੰ ਉਹਨਾਂ ਦੀ ਥਾਂ ਕੰਮ ਕਰਨ ਲਈ ਜਨਰਲ ਸਕੱਤਰ ਬਣਾਇਆ ਗਿਆ। ਕੇ.ਸੀ. ਮੁਖਰਜੀ ਪਹਿਲੇ ਖਜਾਂਨਚੀ ਬਣਾਏ ਗਏ। ਇਨਾਂ ਤੋਂ ਇਲਾਵਾ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚੋਂ ਸੈਂਕੜੇ ਦੇ ਕਰੀਬ ਨੁੰਮਾਇਦਿਆਂ ਨੂੰ ਕਾਨਫਰੰਸ ਦੀ ਤਿਆਰੀ ਦੀ ਜ਼ਿੰਮੇਵਾਰੀ ਸੌਂਪੀ ਗਈ। ਮਿਥੇ ਸਮੇਂ ਤੇ ਏ.ਆਈ.ਬੀ.ਈ.ਏ. ਦੀ ਕੱਲਕਤੇ ਵਿੱਚ ਫਾਊਂਡੇਸ਼ਨ ਕਾਰਨਫਰੰਸ ਹੋਈ।  ਡੀ.ਐੱਨ. ਮੁਖਰਜੀ ਐੱਮ.ਏ. ਸੁਆਗਤੀ ਕਮੇਟੀ ਦੇ ਚੇਅਰਮੈਨ ਸਨ। ਕਾਨਫਰੰਸ ਵਿੱਚ ਕੇ.ਸੀ. ਨਿਉਗੀ ਐੱਮ.ਐੱਲ.ਏ. ਨੂੰ ਪਰਧਾਨ, ਆਰ.ਸੀ. ਚੱਕਰਵਰਤੀ ਨੂੰ ਜਨਰਲ ਸਕੱਤਰ ਅਤੇ ਐੱਨ.ਸੀ. ਮੋਇਤਰਾ ਨੂੂੰ ਖਜਾਂਚੀ ਚੁਣਿਆ ਗਿਆ। ਇਸ ਸਬੰਧੀ 35 ਮੈਂਬਰਾਂ ਤੇ ਅਧਾਰਿਤ ਕੇਂਦਰੀ ਕਮੇਟੀ ਬਣਾਈ ਗਈ। ਕਾਨਫ਼ਰੰਸ ਵਿੱਚ ਵੱਖ-ਵੱਖ ਮੁੱਦਿਆਂ ਤੇ 15 ਮਤੇ ਪਾਸ ਕੀਤੇ ਗਏ। ਦੇਸ਼ ਵਿੱਚ  ਅਦੋਲਨਾਂ ਦਾ ਦੌਰ ਸ਼ੁਰੂ ਹੋਇਆ। ਇਥੇ ਇਹ ਵਰਨਣਯੋਗ ਹੈ ਕਿ ਇੰਪੀਰੀਅਲ ਬੈਂਕ ਆਫ ਇੰਡੀਆ ਦੇ ਬੰਗਾਲ ਸਰਕਲ ਦੇ ਇੰਡੀਅਨ ਸਟਾਫ਼ ਯੂਨੀਅਨ ਵੱਲੋਂ 1 ਅਗਸਤ 1946 ਤੋਂ 15 ਸਤੰਬਰ 1946 ਤੱਕ 46 ਦਿਨ ਦੀ ਇਤਿਹਾਸਕ ਹੜਤਾਲ ਕੀਤੀ ਗਈ । ਸਿੱਟੇ ਵਜੋਂ ਸ਼੍ਰੀ ਆਰ.ਸੀ. ਗੁਪਤਾ ੀਛਸ਼ ਨੂੰ ਅਧਿਨਿਰਨਾਇਕ ਨਿਯੁਕਤ ਕੀਤਾ ਗਿਆ। ਇਹ ਬੇਸ਼ਕ ਇੱਕ ਬੈਂਕ ਵਾਸਤੇ ਹੀ ਸੀ, ਪਰ ਇਹ ਆਪਣੇ ਆਪ ਵਿੱਚ ਇਤਿਹਾਸਕ ਮਹੱਤਵ ਵਾਲੀ ਘਟਨਾ ਸੀ । 
 ਬੈਂਕਾਂ ਦਾ ਕੌਮੀਕਰਨ
ਦੇਸ਼ ਦੇ ਮੁੱਖ ਬੈਂਕ ਭਾਰਤ ਦੇ ਪ੍ਰਮੁੱਖ ਅਜਾਰੇਦਾਰ ਘਰਾਣਿਆਂ ਦੀ ਮਲਕੀਅਤ ਸਨ । ਜਿਨ੍ਹਾਂ ਦੀ ਕੁੱਲ ਪੂੰਜੀ ਉਸ ਸਮੇਂ ਸਰਕਾਰੀ ਅੰਕੜਿਆਂ ਮੁਤਾਬਕ ਦੇਸ਼ ਦੀ ਸਮੁੱਚੀ ਅਰਥ ਵਿਵਸਥਾ ਦਾ 85% ਬਣਦਾ ਸੀ। ਦੇਸ਼ ਦੇ ਆਮ ਲੋਕਾਂ ਵੱਲੋਂ ਜਮ੍ਹਾਂ ਕੀਤੀ ਪੂੰਜੀ ਇਹਨਾਂ ਘਰਾਣਿਆਂ ਦੇ ਮੁਨਾਫਿਆਂ ਵਿੱਚ ਵਾਧਾ ਕਰਨ ਲਈ ਹੀ ਵਰਤੀ ਜਾਂਦੀ ਸੀ। ਇਸ ਗੱਲ ਦਾ ਆਮ ਲੋਕਾਂ ਵਿੱਚ ਕਾਫੀ ਰੋਸ ਸੀ। ਦੇਸ਼ ਦੀਆਂ ਪ੍ਰਮੁੱਖ ਅੱਗੇ ਵਧੂ ਤੇ ਲੋਕ ਹਿੱਤ ਰਾਜਨੀਤਿਕ ਪਾਰਟੀਆਂ ਅਤੇ ਸੰਗਠਨ ਬੈਂਕਾਂ ਨੂੰ ਸਮਾਜਿਕ ਮਲਕੀਅਤ ਹੇਠ ਲਿਆਉਣ ਲਈ ਸੰਘਰਸ਼ ਕਰ ਰਹੇ ਸਨ। ਏ.ਆਈ.ਬੀ.ਈ.ਏ ਦੇਸ਼ ਹਿਤੈਸ਼ੀ ਅਤੇ ਦੇਸ਼ ਭਗਤ ਸੰਗਠਨ ਹੋਣ ਦੇ ਨਾਤੇ  ਆਪਣੀਆਂ ਸੇਵਾ ਸ਼ਰਤਾਂ ਵਿੱਚ ਬੇਹਤਰੀ ਦੇ ਨਾਲ-2 ਇਸ ਅੰਦੋਲਨ ਦਾ ਹਿੱਸਾ ਬਣੇ ਅਤੇ ਬੈਂਕਾਂ ਦੇ ਰਾਸ਼ਟਰੀਕਰਨ ਲਈ ਪਰਮੁੱਖ ਭੂਮਿਕਾ ਨਿਭਾਈ। ਨਤੀਜੇ ਵਜੋਂ 19 ਜੁਲਾਈ 1969 ਨੂੰ ਦੇਸ਼ ਦੇ 14 ਵੱਡੇ ਬੈਂਕਾਂ ਦਾ ਰਾਸ਼ਟਰੀਕਰਨ ਕੀਤਾ ਗਿਆ । ਇਸ ਤਰ੍ਹਾਂ ਦੇਸ਼ ਦੇ ਦੱਬੇ-ਕੁਚਲੇ ਲੋਕਾਂ ਅਤੇ ਬੈਂਕ ਕਰਮਚਾਰੀਆਂ ਦਾ ਇੱਕ ਸੁਪਨਾ ਪੂਰਾ ਹੋਇਆਂ ਜਿਸ ਨਾਲ ਬੈਂਕਾਂ ਦੇ ਸਰਮਾਏ ਤੱਕ ਛੋਟੇ ਕਿਸਾਨ, ਦੁਕਾਨਦਾਰ, ਛੋਟੇ ਅਤੇ ਮੱਧਮ ਕਾਰੋਬਾਰੀਆਂ ਦੀ ਪਹੁੰਚ ਹੋਈ। ਦੇਸ਼ ਦੀ ਤਰੱਕੀ ਵਿੱਚ ਇਸ ਦਾ ਵੱਡਾ ਯੋਗਦਾਨ ਸੀ।
ਪ੍ਰੰਤੂ ਬੈਂਕਾਂ ਦੇ ਕੋਮੀਕਰਨ ਦਾ ਉਦੇਸ਼ ਆਪਣੇ ਟੀਚੇ ਤੋਂ ਬਹੁਤ ਦੂਰ ਹੈ, ਕਿਉਂਕਿ ਅਜੇ ਵੀ 50 ਕਰੋੜ ਤੋਂ ਵੱਧ ਲੋਕਾਂ ਦੇ ਬੈਂਕ ਵਿੱਚ ਖਾਤੇ ਨਹੀਂ। ਹੁਣ ਵੀ 5 ਲੱਖ ਪਿੰਡਾਂ ਵਿੱਚ ਬੈਂਕ ਦੀ ਕੋਈ ਬਰਾਂਚ ਨਹੀਂ। ਅਜੇ ਵੀ ਬੈਂਕ ਕਾਰਪੋਰੇਟ ਅਤੇ ਵੱਡੇ ਉਦਯੋਗਿਕ ਘਰਾਣਿਆਂ ਦੀ ਸੇਵਾ ਵਿੱਚ ਲੱਗੇ ਹੋਏ ਹਨ ।
ਆਲ ਇੰਡੀਆ ਬੈਂਕ ਆਫੀਸਰਜ ਅੇਸੋਸੀਏਸ਼ਨ
ਮਿਤੀ 14.02.1981 ਵਿੱਚ ਭਰਾਤਰੀ ਜੱਥੇਬੰਦੀ ਆਲ ਇੰਡੀਆ ਬੈਂਕ ਆਫੀਸਰਜ ਅੇਸੋਸੀਏਸ਼ਨ (ਏ.ਆਈ.ਬੀ.ਓ.ਏ.)ਦਾ ਗਠਨ ਕੀਤਾ ਗਿਆ ਜਿਸ ਦੇ ਉਹ ਪਹਿਲੇ ਪਰਧਾਨ ਬਣੇ 
ਪੈਨਸ਼ਨ ਸਕੀਮ
ਸ਼ੁਰੂ ਤੋਂ ਹੀ ਏ.ਆਈ.ਬੀ.ਈ.ਏ. ਬੈਂਕ ਕਰਮਚਾਰੀਆਂ ਲਈ ਪੈਨਸ਼ਨ ਸਕੀਮ ਲਾਗੂ ਕਰਵਾਉਣ ਲਈ ਯਤਨਸ਼ੀਲ ਰਹੀ । ਆਖ਼ਰ ਲੰਬੇ ਸੰਘਰਸ਼ ਤੋਂ ਬਾਅਦ 29.10.1993 ਨੂੰ ਪੈਨਸ਼ਨ ਦਾ ਸਮਝੌਤਾ ਹੋਇਆ ।
ਕੰਪਿਊਟਰੀਕਰਨ
ਇਸੇ ਸਮੇਂ ਦੌਰਾਨ ਸਰਕਾਰ ਅਤੇ ਪ੍ਰਬੰਧਕਾਂ ਵੱਲੋਂ ਬੈਂਕ ਕਰਮਚਾਰੀਆਂ ਉੱਤੇ ਵੱਖ-ਵੱਖ ਕਮੇਟੀਆਂ ਦੀਆਂ ਰਿਪੋਰਟਾਂ ਦੇ ਅਧਾਰ ਤੇ, ਅਤੇ ਸਟੇਟ ਬੈਂਕ, ਬੈਂਕ ਆਫ ਬੜੌਦਾ ਅਤੇ ਵਿਦੇਸ਼ੀ ਬੈਂਕਾਂ ਵਿੱਚ ਦਬਾਅ ਪਾ ਕੇ ਆਪਣੀ ਮਰਜੀ ਮੁਤਾਬਿਕ ਮਸ਼ੀਨੀਕਰਨ ਅਤੇ ਕੰਪਿਊਟਰੀਕਰਨ ਦਾ ਸਮਝੌਤਾ ਸਿਰੇ ਚਾੜ ਲਿਆ ਅਤੇ ਦੂਜੇ ਰਾਸ਼ਟ੍ਰੀਕ੍ਰਤ ਬੈਂਕਾ ਤੇ ਬੇਰੋਕ ਕੰਪਿਊਟਰੀਕਰਨ ਦਾ ਦਬਾਅ ਪਾਉਣਾ ਸ਼ੁਰੂ ਕਰ ਦਿੱਤਾ ਜਿਸ ਦਾ ਏ.ਆਈ.ਬੀ.ਈ.ਏ. ਨੇ ਡੱਟ ਕੇ ਵਿਰੋਧ ਕੀਤਾ। ਅੰਤ ਨੂੰ 29.10.1993 ਨੂੰ ਕੁੱਝ ਕਰਮਚਾਰੀ ਪੱਖੀ ਸ਼ਰਤਾਂ ਤਹਿਤ ਸਮਝੌਤਾ ਕੀਤਾ ਗਿਆ ।
ਬੈਂਕਿੰਗ ਉਦਯੋਗ ਦੀ ਦਸ਼ਾ
ਪਿਛਲੇ ਸਮੇਂ ਵਿੱਚ ਬੈਂਕਾਂ ਵਿੱਚ ਸੁਧਾਰਾਂ ਦੇ ਨਾਂ ਤੇ ਸਰਕਾਰ ਵੱਲੋਂ ਚੁੱਕੇ ਗਏ ਕਦਮਾਂ ਸਦਕਾ ਬੈਂਕਾਂ ਨੂੰ ਮੁੜ ਕੇ ਵੱਡੇ ਉਦਯੋਗਪਤੀਆਂ ਅਤੇ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾਂ ਵਿੱਚ ਦੇਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ । ਨਤੀਜੇ ਵਜੋਂ ਨਾਨ ਪ੍ਰਾਫਾਰਮਿੰਗ ਕਰਜੇ ਅਤੇ ਵੱਟੇ ਖਾਤੇ ਵਿੱਚ ਪਾਏ ਕਰਜ਼ਿਆਂ ਕਾਰਣ ਬੈਂਕਾਂ ਦਾ ਮੁਨਾਫ਼ਾ ਘਟਣ ਕਰਕੇ ਉਨ੍ਹਾਂ ਦੀ ਹਾਲਤ ਚਿੰਤਾਜਨਕ ਹੈ 
ਏ.ਆਈ.ਬੀ.ਈ.ਏ. ਵੱਲੋਂ ਸਰਕਾਰ ਦੀਆਂ ਇਨ੍ਹਾਂ ਨੀਤੀਆਂ ਦੇ ਖਿਲਾਫ਼ ਅੰਦੋਲਨ ਅਤੇ ਹੜਤਾਲਾਂ ਕੀਤੀਆਂ ਗਈਆਂ । ਕਰੋੜ ਤੋਂ ਉੱਤਲੇ ਜਾਣ ਬੁੱਝ ਕੇ ਕਰਜਾ ਨਾ ਮੋੜਨ ਵਾਲੇ ਕਰਜਦਾਰਾਂ ਦੀ ਸੂਚੀ ਜਨਤਕ ਕੀਤੀ ਗਈ । ਸਾਲ 2014 ਤੱਕ ਦੇ ਕੁੱਝ ਅੰਕੜੇ ਥੱਲੇ ਦਿੱਤੇ ਜਾ ਰਹੇ ਹਨ । ਇਸ ਤੋਂ ਬਾਅਦ ਦੀ ਹਾਲਤ ਹੋਰ ਵੀ ਚਿੰਤਾਜਨਕ ਹੈ। 
ਅੰਤਰਰਾਸ਼ਟਰੀ ਪੱਧਰ ਤੇ ਟਰੇਡ ਯੂਨੀਅਨਾਂ ਨਾਲ ਦੋਸਤਾਨਾ ਸੰਬੰਧ
ਕਿਉਂਕਿ ਏ.ਆਈ.ਬੀ.ਈ.ਏ. ਆਪਣੀ ਵਿਚਾਰਧਾਰਾ ਮੁਤਾਬਕ ਦੁਨੀਆਂ ਭਰ ਵਿੱਚ ਚੱਲ ਰਹੇ ਮਜਦੂਰ ਅਮਦੋਲਨਾਂ ਨਾਲ ਸਹਿਮਤੀ ਅਤੇ ਏਕਤਾ ਵਿੱਚ ਵਿਸ਼ਵਾਸ਼ ਰੱਖਦੀ ਹੈ, ਇਸ ਲਈ ਮਜ਼ਦੂਰਾਂ ਦੀਆਂ ਜੱਥੇਬੰਦੀਆਂ ਨਾਲ ਸਾਡੇ ਭਰਾਤਰੀ ਸੰਬੰਧ ਹਨ ਅਤੇ ਇਸੇ ਲਈ ਸਾਨੂੰ ਉਨ੍ਹਾਂ ਨਾਲ ਵਿਚਾਰਕ ਅਦਾਨ ਪ੍ਰਦਾਨ ਕਰਨ ਦਾ ਅਵਸਰ ਮਿਲਦਾ ਹੈ। ਇਸ ਤਜਰਬੇ ਦਾ ਸਾਨੂੰ ਸਾਰਿਆਂ ਨੂੰ ਆਪਸੀ ਲਾਭ ਪਰਾਪਤ ਹੁੰਦਾ ਹੈ । 
ਬੈਂਕ ਕਰਮਚਾਰੀ ਅਦੋਲਨ  ਜਾਰੀ ਹੈ 
ਅੰਦੋਲਨ ਦੇ ਦੋ ਮਾਰਗ ਦਰਸ਼ਕ ਕਾਮਰੇਡ ਹਰਬੰਸ ਲਾਲ ਪਰਵਾਨਾ ਅਤੇ ਕਾਮਰੇਡ ਪਰਭਾਤਕਾਰ ਅਤੇ ਕਾਮਰੇਡ ਤਾਰਾਕੇਸ਼ਵਰ ਚੱਕਰਵਰਤੀ, ਕਾਮਰੇਡ ਡੀ.ਪੀ. ਚੱਢਾ ਅਤੇ ਹੋਰ ਅਨੇਕਾਂ ਆਗੂਆਂ ਨੇ ਇਸ ਅੰਦੋਲਨ ਨੂੰ ਆਪਣੇ ਖੂਨ ਨਾਲ ਸਿੰਜਿਆ ਹੈ। ਅੱਜ ਕੱਲ ਕਾਮਰੇਡ ਰਾਜਨ ਨਾਗਰ ਪਰਧਾਨ ਅਤੇ ਕਾਮਰੇਡ ਸੀ.ਐੱਚ. ਵੈਨਕਟਾਚਲਮ ਜਨਰਲ ਸਕੱਤਰ ਦੀ ਅਗਵਾਈ ਵਿੱਚ ਬੈਂਕ ਕਰਮਚਾਰੀ ਅੰਦੋਲਨ ਦਾ ਕਾਫ਼ਿਲਾ ਸਰਕਾਰ ਦੀਆਂ ਕਾਰਪੋਰੇਟ ਤੇ ਵੱਡੇ ਘਰਾਣਿਆਂ ਪੱਖੀ ਨੀਤੀਆਂ ਦੇ ਖਿਲਾਫ ਲੜਦੇ ਹੋਏ ਜਾਰੀ ਹੈ ।
ਐੱਮ.ਐੱਸ. ਭਾਟੀਆ
ਜੋਨਲ ਸਕੱਤਰ
ਪੰਜਾਬ ਬੈਂਕ ਇੰਪਲਾਈਜ ਫੈਡਰੇਸ਼ਨ
ਮੋਬਾ : 99884-91002

Thursday, April 19, 2018

ਮੈਂ ਰੱਤ ਨਾਲ ਲਿਖਦਾ ਹਾਂ, ਸਿਆਹੀ ਨਾਲ ਨਹੀਂ-ਅਮੀਨ ਮਲਿਕ

Thu, Apr 19, 2018 at 5:40 PM
ਮੇਰਾ ਹਰ ਸ਼ਬਦ ਮੇਰੀ ਮਾਂ, ਮਾਂ ਬੋਲੀ ਅਤੇ ਮਾਂ ਧਰਤੀ ਨੂੰ ਸਮਰਪਿਤ
ਇਸ ਮੌਕੇ ਨੌਜਵਾਨ ਪੱਤਰਕਾਰ ਸਿਮਰਨਜੋਤ ਸਿੰਘ ਮੱਕੜ, ਪੁਨੀਤਪਾਲ ਸਿੰਘ ਗਿੱਲ ਤੇ ਅੰਕੁਰ ਪਾਤਰ ਵੀ ਹਾਜ਼ਰ ਸਨ

ਲੁਧਿਆਣਾ: 19 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ)::
ਲੁਧਿਆਣਾ ਵਿੱਚ ਇੱਕ ਰੋਜ਼ਾ ਦੌਰੇ ਤੇ ਆਏ ਇੰਗਲੈਂਡ ਵੱਸਦੇ ਪੰਜਾਬੀ ਪਾਕਿਸਤਾਨੀ ਲੇਖਕ ਜਨਾਮ ਅਮੀਨ ਮਲਿਕ ਨੇ ਕਿਹਾ ਹੈ ਕਿ ਮੈਂ ੮੦ ਸਾਲ ਦੀ ਉਮਰ ਤੀਕ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨੂੰ ਆਪਣੇ ਸਾਹਾਂ ਸਵਾਸਾਂ ਵਿੱਚ ਰਮਾਇਆ ਹੈ, ਏਸੇ ਕਰਕੇ ਮੈਂ ਸਿਆਹੀ ਨਾਲ ਨਹੀਂ, ਸੁੱਚੀ ਰੱਤ ਨਾਲ ਲਿਖਦਾ ਹਾਂ। ਮੇਰੀ ਲਿਖਤ ਵਿੱਚ ਸਿਆਲਕੋਟ, ਲਾਹੌਰ, ਗੁਰਦਾਸਪੁਰ ਦੇ ਕਿਰਦਾਰ ਲਗਾਤਾਰ ਜਾਗ ਕੇ ਮੈਨੂੰ ਜਗਾਈ ਰੱਖਦੇ ਹਨ। 
ਲੁਧਿਆਣਾ ਦੇ ਸੀਨੀਅਰ ਐਡਵੋਕੇਟ ਤੇ ਸਾਬਕਾ ਵਿਧਾਇਕ ਹਰੀਸ਼ ਰਾਏ ਢੰਡਾ ਦੇ ਨਿਵਾਸ ਵਿਖੇ ਚੋਣਵੇਂ ਲੇਖਕਾਂ, ਬੁੱਧੀਜੀਵੀਆਂ ਅਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਹੁਣ ਤੀਕ ਦੋ ਕਹਾਣੀ ਸੰਗਰਹਿ ਤੇ ਹੁਣ ਇੱਕ ਨਾਵਲ ਅੱਥਰੀ ਲਿਖ ਚੁੱਕੇ ਹਨ। ਬਹੁਤਾ ਲਿਖਣ ਦੀ ਥਾਵੇਂ ਬਹੁਤ ਮਹਿਸੂਸ ਕਰਕੇ ਲਿਖਣਾ ਮੁੱਲਵਾਨ ਹੁੰਦਾ ਹੈ। 
ਉਹਨਾਂ ਪੰਜਾਬੀ ਪਾਠਕਾਂ ਵੱਲੋਂ ਮਿਲੇ ਹੁੰਗਾਰੇ ਨੂੰ ਆਪਣੀ ਪੂੰਜੀ ਮੰਨਦਿਆਂ ਕਿਹਾ ਕਿ ਪਿਛਲੇ ਚਾਰ ਦਹਾਕਿਆਂ ਤੋਂ ਮੇਰੀ ਕਲਮ ਰਵਾਨੀ ਵਿੱਚ ਹੈ ਪਰ ਮੇਰੀ ਮਾਂ ਦੇ ਮਰਨ ਮਗਰੋਂ ਇਹ ਵਧੇਰੇ ਜ਼ੁੰਮੇਵਾਰ ਹੋ ਗਈ। ਮੇਰਾ ਹਰ ਸ਼ਬਦ ਮੇਰੀ ਮਾਂ, ਮਾਂ ਬੋਲੀ ਅਤੇ ਮਾਂ ਧਰਤੀ ਨੂੰ ਸਮਰਪਿਤ ਹੈ। 
ਸ੍ਰੀ ਅਮੀਨ ਮਲਿਕ ਨੂੰ  ਹਰੀਸ਼ ਰਾਏ ਢੰਡਾ ਦੀ ਮੁਹੱਬਤ ਹੀ ਖਿੱਚ ਕੇ ਰਾਤ ਦੀ ਰਾਤ ਲਈ ਲੁਧਿਆਣੇ ਲੈ ਕੇ ਆਈ ਸੀ। ਜਨਾਬ ਮਲਿਕ ਨੂੰ ਸਵਾਗਤੀ ਸ਼ਬਦ ਬੋਲਦਿਆਂ ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਾਬਕਾ ਪ੍ਰਧਾਨ ਪ੍ਰੋ: ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਰਸੀਲੀ ਚਾਸ਼ਨੀ ਭਰਪੂਰ ਲਿਖਤ ਵਾਲੇ ਇਸ ਮਹਾਨ ਸਿਰਜਕ ਦੇ ਸ਼ਹਿਰ ਵਿੱਚ ਆਉਣ ਦਾ ਇੱਕ ਦਿਨ ਵੀ ਪਹਿਲਾਂ ਪਤਾ ਲੱਗ ਜਾਂਦਾ ਤਾਂ ਸਾਰੇ ਲੇਖਕ ਤੇ ਪਾਠਕ ਦੋਸਤ ਮਿਲ ਲੈਂਦੇ। ਸ੍ਰੀ ਮਲਿਕ ਦੀਆਂ ਲਿਖਤਾਂ ਸਿੰਘ ਬਰਦਰਜ ਸਿਟੀ ਸੈਂਟਰ ਅੰਮ੍ਰਿਤਸਰ ਤੋਂ ਮੰਗਵਾਈਆਂ ਜਾ ਸਕਦੀਆਂ ਹਨ। ਇਸ ਮੌਕੇ ਨੌਜਵਾਨ ਪੱਤਰਕਾਰ ਸਿਮਰਨਜੋਤ ਸਿੰਘ ਮੱਕੜ, ਪੁਨੀਤਪਾਲ ਸਿੰਘ ਗਿੱਲ ਤੇ ਅੰਕੁਰ ਪਾਤਰ ਵੀ ਹਾਜ਼ਰ ਸਨ।

ਆਸਿਫ਼ਾ ਲਈ ਇਨਸਾਫ ਦੀ ਮੰਗ:ਮਾਛੀਵਾੜਾ ਸਾਹਿਬ ਵੀ ਲੋਕ ਸੜਕਾਂ 'ਤੇ

ਫਾਸ਼ੀ ਬਲਾਤਕਾਰੀਆਂ ਦੇ ਖਿਲਾਫ ਮਾਛੀਵਾੜਾ ਵਿਖੇ ਵੀ ਰੋਸ ਵਖਾਵਾ 
ਮਾਛੀਵਾੜਾ ਸਾਹਿਬ: 18 ਅਪਰੈਲ 2018:(ਜਗਰੂਪ ਮਾਨ//ਪੰਜਾਬ ਸਕਰੀਨ):: 
ਕਿਸੇ ਵੇਲੇ ਪ੍ਰ੍ਸਿੱਧ ਲੋਕ ਕਾਵਿ ਸੰਤ ਰਾਮ ਉਦਾਸੀ ਨੇ ਲਿਖਿਆ ਸੀ:ਕੋਈ ਉੱਠੇ ਹਨੂੰਮਾਨ ਕਰੇ ਯੁੱਧ ਦਾ ਐਲਾਨ.....
ਸ਼ਾਇਦ ਅੱਜ ਸਮਾਂ ਆ ਚੁੱਕਿਆ ਹੈ। ਅੱਜ ਦਿਆਂ ਰਾਕਸ਼ਸਾਂ ਦੇ ਖਿਲਾਫ ਜੰਗ ਦੇ ਐਲਾਨ। ਦੇਖੋ ਸਮਾਂ ਕਿੰਨੀ ਅਜੀਬ ਕਰਵਟ ਲੈ ਰਿਹਾ ਹੈ। ਖੁਦ ਨੂੰ ਹਨੂਮਾਨ ਅਤੇ ਰਾਮ ਦਾ ਭਗਤ ਅਖਵਾਉਣ ਵਾਲੇ ਉਹਨਾਂ ਲੋਕਾਂ ਦੇ ਬਚਾਅ ਲਈ ਸੜਕਾਂ 'ਤੇ ਨਿਕਲੇ ਹਨ ਜਿਹਨਾਂ ਨੇ ਅੱਠਾਂ ਸਾਲਾਂ ਦੀ ਬੱਚੀ ਨੂੰ ਜਬਰ ਜਨਾਹ ਦਾ ਸ਼ਿਕਾਰ ਬਣਾਇਆ। ਦੇਸ਼ ਭਗਤੀ ਦੀ ਆੜ ਵਿੱਚ ਆਪਣੇ ਕੁਕਰਮਾਂ ਨੂੰ ਲੁਕਾਉਣ ਲਈ ਸੜਕਾਂ 'ਤੇ ਨਿਕਲੇ ਇਹਨਾਂ ਗੁੰਡਿਆਂ ਦੇ ਖਿਲਾਫ ਹੁਣ ਉਹਨਾਂ ਨੂੰ ਵੀ ਸੜਕਾਂ 'ਤੇ ਨਿਕਲਣਾ ਪੈਣਾ ਹੈ ਜਿਹੜੇ ਅਜਿਹੇ ਅਨਸਰਾਂ ਤੋਂ ਆਪਣੀ ਅਤੇ ਆਪਣੇ ਪਰਿਵਾਰਾਂ ਦੀ ਰਾਖੀ ਕਰਨਾ ਚਾਹੁੰਦੇ ਹਨ। ਸੜਕਾਂ 'ਤੇ ਨਿਕਲ ਕੇ ਮੰਦਰਾਂ ਵਿੱਚ ਬਲਾਤਕਾਰ ਕਰਨ ਵਾਲੇ ਇਹਨਾਂ ਵਹਿਸ਼ੀ ਦਰਿੰਦਿਆਂ ਦੀ ਚੁਣੌਤੀ ਨੂੰ ਕਬੂਲ ਕੀਤਾ ਹੈ ਸਾਰਦੇ ਦੇਸ਼ ਵਿੱਚ ਸਮੂਹ ਲੋਕ ਪੱਖੀ ਸੰਗਠਨਾਂ ਨੇ। ਮਾਛੀਵਾੜਾ ਸਾਹਿਬ ਦੀ ਇਤਿਹਾਸਿਕ ਧਰਤੀ 'ਤੇ ਇਹਨਾਂ ਫਿਰਕੂ ਦਰਿੰਦਿਆਂ ਨੂੰ ਲਲਕਾਰ ਮਾਰਨ ਲਈ ਨਿੱਤਰੇ ਹਨ ਖੱਬੇ ਪੱਖੀ ਸੰਗਠਨ। ਸੀਪੀਆਈ, ਸੀਪੀਆਈ (ਐਮ), ਏ ਆਈ ਐਸ ਐਫ ਅਤੇ ਕਿ ਹੋਰ ਭਰਾਤਰੀ ਜੱਥੇਬੰਦੀਆਂ। 
ਇਹ ਸਾਂਝਾ ਰੋਸ ਮਾਰਚ ਹਨੂਮਾਨ ਜੀ ਦੀ ਵਿਸ਼ਾਲ ਮੂਰਤੀ ਸਾਹਮਣੇ ਸਥਿਤ ਦੁਸਹਿਰਾ ਗਰਾਊਂਡ ਵੀ ਇੱਛਿਓਂ ਸ਼ਾਮੀ 5  ਵਜੇ ਸ਼ੁਰੂ ਹੋਇਆ ਅਤੇ ਮਾਛੀਵਾੜਾ ਸਾਹਿਬ ਦੇ ਬਾਜ਼ਾਰਾਂ ਵਿੱਚ ਕਰੀਬ ਸਾਢੇ ਸੱਤ ਵਜੇ ਤੱਕ ਘੁੰਮਿਆ। ਮਾਛੀਵਾੜਾ ਸਾਹਿਬ ਦੀ ਧਰਤੀ ਤੋਂ ਉੱਠੀ ਇਹ ਜੋਸ਼ੀਲੀ ਆਵਾਜ਼ ਹੁਣ ਧੀਆਂ ਭੈਣਾਂ ਵੱਲ ਉੱਠਦੀਆਂ ਵਹਿਸ਼ੀ ਨਜ਼ਰਾਂ ਵਾਲਿਆਂ ਦੇ ਖਿਲਾਫ ਇੱਕ ਲੋਕ ਮੁਹਿੰਮ ਲਾਮਬੰਦ ਕਰੇਗੀ ਜਿਸ ਤੋਂ ਬਚ ਨਿਕਲਣਾ ਇਹਨਾਂ ਵਹਿਸ਼ੀ ਦਰਿੰਦਿਆਂ ਦੇ ਵੱਸ ਦੀ ਗੱਲ ਨਹੀਂ ਹੋਣੀ। 
 ਸੀ ਪੀ ਆਈ, ਸੀ ਪੀ ਆਈ (ਐਮ) ਲਾਲ ਝੰਡਾ ਪੇਂਡੂ  ਚੌਕੀਦਾਰ ਯੂਨੀਅਨ ਮਾਛੀਵਾੜੇ ਵਲੋਂ ਰੋਸ ਮੁਜ਼ਾਹਰਾ ਕੀਤਾ ਗਿਆ। ਮੁਜ਼ਾਹਰੇ ਦੌਰਾਨ ਸਾਥੀ ਕਾਮਰੇਡ ਚਮਕੌਰ ਸਿੰਘ ਉਪ ਸਕੱਤਰ ਜਿਲਾ ਲੁਧਿਆਣਾ, ਕਾਮਰੇਡ ਐਸ ਪੀ ਸਿੰਘ, ਕਾਮਰੇਡ ਭਜਨ ਸਿੰਘ ਅਤੇ ਪਰਮਜੀਤ ਸਿੰਘ ਨੀਲੋਂ ਨੇ ਕਿਹਾ ਕਿ ਉਨਾਵ, ਸੂਰਤ ਅਤੇ ਕਠੂਆ ਦੇ ਸ਼ਰਮਨਾਕ ਕਾਰਿਆਂ ਨੇ ਸਾਰੇ ਦੇਸ਼ ਨੂੰ ਚਿੰਜੋੜ ਕੇ ਰੱਖ ਦਿੱਤਾ। ਇਨ੍ਹਾਂ ਧਰਮ ਦੇ ਠੇਕੇਦਾਰਾਂ ਨੇ ਇਕ ਮਾਸੂਮ ਬਾਲੜੀ ਨੂੰ ਅਗਵਾ ਕਰਕੇ ਇਕ ਧਰਮ ਅਸਥਾਨ ਵਿੱਚ ਉਸ ਨਾਲ  ਕਈ ਦਿਨ ਬਲਾਤਕਾਰ ਕੀਤਾ ਜਦੋਂ ਤੱਕ ਉਹ ਮਰ ਨਾ ਗਈ। ਫਿਰ  ਦੋਸ਼ੀ ਭਾਜਪਾ-ਆਰ ਐਸ ਐਸ ਕਾਰਕੁਨਾਂ ਨੂੰ ਬਚਾਉਣ ਲਈ ਫਿਰਕੂ ਹੁਲੜਬਾਜੀ ਵੀ ਕੀਤੀ। ਦੋਸ਼ੀਆਂ ਨੂੰ ਰਿਹਾਅ ਕਰਵਾਉਣ ਲਈ ਅਦਾਲਤ ਵਿੱਚ ਵੀ ਹੁਲੜਬਾਜੀ ਕੀਤੀ। ਸਾਰੇ ਦੇਸ਼ ਵਿੱਚ ਉਠੇ ਰੋਸ ਤੂਫਾਨ ਮਗਰੋਂ ਭਾਜਪਾ ਮੰਤਰੀਆਂ ਨੂੰ ਵਜ਼ਾਰਤ ਤੋਂ ਅਸਤੀਫਾ ਦੇਣਾ ਪਿਆ। ਅਮਰਨਾਥ ਕੂਮਕਲਾਂ ਸੂਬਾ ਸੈਕਟਰੀ ਸੀਟੂ ਪੰਜਾਬ ਨੇ ਕਿਹਾ ਕਿ ਜਦੋ ਵਾੜ ਹੀ ਖੇਤ ਨੂੰ ਖਾਣ ਲਗ ਪਏ ਤਾਂ ਔਰਤਾਂ ਦਾ ਬਚਾਅ ਕਿਸ ਤਰਾਂ   ਹੋ ਸਕਦਾ ਹੈ? ਉਹਨਾਂ ਕਿਹਾ ਕਿ ਗੁੰਡੇ ਅਨਸਰਾਂ ਵਲੋਂ ਪੀੜਤ ਬੱਚੀਆਂ ਦੇ ਪਰਿਵਾਰਾਂ ਨੂੰ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਕਾਮਰੇਡ ਜਗਦੀਸ਼ ਰਾਏ ਬੌਬੀ ਬਲਾਕ ਸਕੱਤਰ ਮਾਛੀਵਾੜਾ ਅਤੇ ਸਮਰਾਲਾ ਨੇ  ਕਿਹਾ ਕਿ ਜਦੋਂ ਦੀ ਭਾਜਪਾ ਸਰਕਾਰ ਹੋਂਦ ਵਿੱਚ ਆਈ ਹੈ ਔਰਤਾਂ ਅਤੇ ਖਾਸ ਕਰਕੇ ਛੋਟੀ ਬੱਚੀਆਂ 'ਤੇ ਜ਼ੁਲਮ ਵੱਧ ਗਿਆ ਹੈ ਅੱਜ ਸਾਡੇ ਦੇਸ਼ ਵਿੱਚ ਔਰਤਾਂ ਦੀ ਇਜ਼ਤ-ਆਬਰੂ ਸੁਰੱਖਿਅਤ ਨਹੀਂ ਹੈ। ਸਾਡੇ ਦੇਸ਼ ਵਿੱਚ ਜਾਨਵਰਾਂ ਨੂੰ ਮਾਰਨਾ ਤਾਂ ਪਾਪ ਹੈ ਪਰ ਔਰਤਾਂ ਨਾਲ ਬਲਾਤਕਾਰ ਕਰਨ ਵਾਲਿਆਂ ਦੀ ਮੌਕੇ ਦੀਆਂ ਸਰਕਾਰਾਂ ਪੁਸ਼ਤਪਨਾਹੀ  ਕਰਦੀਆਂ ਹਨ। ਸਾਡੇ ਗੁਰੂ ਸਾਹਿਬਾਨਾਂ ਨੇ ਤਾਂ ਔਰਤ ਨੂੰ ਬੜਾ ਉੱਚਾ ਦਰਜਾ ਦਿੱਤਾ, ਪਰ ਔਰਤਾਂ ਤੇ ਜੁਲਮ ਵੱਧ ਗਏ ਹਨ। ਕਾਮਰੇਡ ਜਗਦੀਸ਼ ਰਾਏ ਬੌਬੀ ਅਤੇ ਦੀਪਕ ਕੁਮਾਰ ਨੇ ਕਿਹਾ ਕਿ ਆਰ ਐਸ ਐਸ ਦੇ ਗੁੰਡਿਆਂ ਨੂੰ ਨੱਥ ਪਾਈ ਜਾਵੇ। ਇਸ ਵਿੱਚ ਮੌਕੇ ਤੇ ਮੌਜੂੂੂਦ ਸਨ ਸੁਧੀਰ, ਕੇਵਲ ਸਿੰਘ ਮੰਝਾਲੀਆਂ, ਮਹਿੰਦਰ ਸਿੰਘ ਮੰਝਾਲੀਆਂ, ਦਲਬੀਰ ਸਿੰਘ ਮਿੱਠੇਵਾਲ, ਕਾਮਰੇਡ ਨਿਰਮਲ ਸਿੰਘ, ਕਾਮਰੇਡ ਕਸ਼ਮੀਰ ਸਿੰਘ, ਸੁਖਵਿੰਦਰ ਸਿੰਘ ਲਾਲੀ, ਸਦਬਲਿਹਾਰ ਕੰਗ, ਲਖਵੀਰ ਸਿੰਘ ਲੱਖੀ ਲੱਖੋਵਾਲ ਕਲਾਂ, ਹਰਸ਼ ਕੁਮਾਰ, ਮੂਨਾ, ਗੋਤਮ, ਰਣਜੀਤ ਸਿੰਘ ਅਤੇ ਏਆਈਐਸਐਫ ਦੇ ਕਨਵੀਨਰ ਦੀਪਕ ਕੁਮਾਰ ਅਤੇ ਮੈਂਬਰ ਰਾਜੀਵ ਕੁਮਾਰ, ਕਰਿਸ਼ਨ ਕੁਮਾਰ, ਵਿਸ਼ਨੂੰ ਕੁਮਾਰ, ਭਵੀਸ਼ ਮਹਿਤੋ, ਪੰਕਜ ਕੁਮਾਰ, ਮਨੀ ਸਿੰਘ, ਸਨੀ ਖੇਰਾ, ਅਸ਼ੋਕ ਕੁਮਾਰ, ਰਵੀ ਕੁਮਾਰ, ਵਿੱਕੀ ਕੁਮਾਰ, ਸੁਮਿਤ ਕੁਮਾਰ, ਰਾਹੁਲ ਕੁਮਾਰ, ਰਣਜੀਤ ਕੁਮਾਰ ਆਦਿ ਸ਼ਾਮਿਲ ਸਨ।
ਦਿਲਚਸਪ ਗੱਲ ਸੀ ਕਿ ਜਦੋਂ ਇਹ ਰੋਹ ਭਰਿਆ ਰੋਸ ਮਾਰਚ ਮਾਛੀਵਾੜਾ ਸਾਹਿਬ ਦੇ ਬਾਜ਼ਾਰਾਂ ਵਿੱਚ ਲੰਘ ਰਿਹਾ ਸੀ ਤਾਂ ਨਾਰੀ ਸ਼ਕਤੀ ਨੇ ਇਸ ਰੋਸ ਮਾਰਚ ਨੂੰ ਬੜੇ ਉਤਸ਼ਾਹ ਨਾਲ ਦੇਖਿਆ। ਉਹਨਾਂ ਦੇ ਚਿਹਰਿਆਂ 'ਤੇ ਇੱਕ ਚਮਕ ਸੀ ਕਿ ਅੱਜ ਸਾਡੇ ਬਹਾਦਰ ਵੀਰਾਂ ਦਾ ਇਹ ਜੁਝਾਰੂ ਕਾਫ਼ਿਲਾ ਉਹਨਾਂ ਅਨਸਰਾਂ ਦੇ ਖਿਲਾਫ ਮੈਦਾਨ ਵਿਛਕ ਆਇਆ ਹੈ ਜਿਹੜੇ ਭਰਮ ਪਾਲਣ ਲੱਗ ਪਏ ਹਨ ਕਿ ਸੂਰਜ ਵੀ ਸਾਡੇ ਤੋਂ ਪੁਛੇ ਬਿਨਾ ਨਹੀਂ ਚੜਦਾ। ਹੁਣ ਲੋਕ ਸ਼ਕਤੀ ਇਹਨਾਂ ਫਾਸ਼ੀ ਫਿਰਕੂ ਅਨਸਰਾਂ ਦੇ ਹੰਕਾਰ ਨੂੰ ਬਹੁਤ ਛੇਤੀ ਹੀ ਤੋੜ ਦੇਵੇਗੀ। 

Wednesday, April 18, 2018

ਹਰ ਹੀਲੇ ਅਮਨ ਅਤੇ ਸ਼ਾਂਤੀ ਕਾਇਮ ਰੱਖੋ-ਸੀਪੀਆਈ ਪੰਜਾਬ

ਪਾਰਟੀ ਨੇ ਦਿੱਤੀ ਫੁਟ-ਪਾਊ ਸ਼ਕਤੀਆਂ ਤੋਂ ਸਾਵਧਾਨ ਰਹਿਣ ਦੀ ਅਪੀਲ
ਚੰਡੀਗੜ੍ਹ: 18 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ)::
ਪਿਛਲੇ ਦਿਨੀਂ ਫਗਵਾੜਾ ਵਿਚ ਵਾਪਰੀਆਂ ਦੁਖਦਾਈ ਅਤੇ ਹਿੰਸਾਆਤਮਕ ਘਟਨਾਵਾਂ ਤੇ ਡੂੰਘੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਪੰਜਾਬ ਸੀਪੀਆਈ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਫੁਟ-ਪਾਊ ਅਤੇ ਸ਼ਰਾਰਤੀ ਤੱਤਾਂ ਤੋਂ ਖਬਰਦਾਰ ਰਹਿੰਦਿਆਂ ਹੋਇਆਂ ਆਪਸੀ ਭਾਈਚਾਰੇ ਨੂੰ ਕਾਇਮ ਰਖੱਣ। ਅੱਜ ਇਥੇ ਹੋਈ ਪਾਰਟੀ ਦੇ ਸਕੱਤਰੇਤ ਦੀ ਮੀਟਿੰਗ ਪਿਛੋਂ ਪਾਰਟੀ ਦੇ ਸੂਬਾ ਸਕੱਤਰ ਸਾਥੀ ਬੰਤ ਬਰਾੜ ਨੇ ਕਿਹਾ ਕਿ ਇਹ ਬਹੁਤ ਹੀ ਮੰਦਭਾਗੀ ਗੱਲ ਹੈ ਕਿ ਭਾਰਤ ਦੀ ਮਹਾਨ ਸ਼ਖਸੀਅਤ ਬਾਬਾ ਭੀਮ ਰਾਓ ਅੰਬੇਦਕਰ ਸਾਹਿਬ ਦੇ ਨਾਂਅ ਨੂੰ ਵੀ ਘੜੀਸਿਆ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਜੇਕਰ ਆਪਣੇ ਸੰਵਿਧਾਨ ਅਧਿਕਾਰਾਂ ਦੀ ਵਰਤੋਂ ਕਰਦੇ ਹੋਏ ਲੋਕ ਪੁਰਅਮਨ ਧਰਨਾ ਤੇ ਮੁਜ਼ਾਹਰਾ ਕਰ ਰਹੇ ਸਨ ਤਾਂ ਕਿਸੇ ਨੂੰ ਵੀ ਉਹਨਾਂ ਨੂੰ ਰੋਕਣ ਅਤੇ ਵਿਘਨ ਪਾਉਣ ਦਾ ਅਧਿਕਾਰ ਨਹੀਂ ਹੈ। ਫਿਰਕੂ ਤੱਤਾਂ ਦੇ ਇਕ ਗਰੁੱਪ ਵਲੋਂ ਭੜਕਾਊ ਕਾਰਵਾਈ ਕਰਨੀ ਅਤੇ ਹਿੰਸਕ ਕਾਰਵਾਈ ਤੇ ਉਤਰ ਕੇ ਗੋਲੀਆਂ ਚਲਾਉਣੀਆਂ ਨਿੰਦਣਯੋਗ ਹੀ ਨਹੀਂ ਸਗੋਂ ਪੰਜਾਬ ਦੇ ਸ਼ਾਂਤਮਈ ਮਾਹੌਲ ਨੂੰ ਵਿਗਾੜਣ ਵਾਲੀ ਗੱਲ ਹੈ। ਸੀਪੀਆਈ ਨੇ ਪੰਜਾਬ ਦੇ ਲੋਕਾਂ ਨੂੰ ਬਹੁਤ ਹੀ ਕੁਰਬਾਨੀਆਂ ਦੇ  ਕੇ  ਕਾਇਮ ਕੀਤੇ ਸ਼ਾਂਤੀ ਅਤੇ ਅਮਨ ਦੇ ਮਾਹੌਲ  ਨੂੰ ਵਿਗਾੜਣ ਲਈ ਤੁਲੀਆਂ ਇਹਨਾਂ ਫੁਟ-ਪਾਊ ਸ਼ਕਤੀਆਂ ਤੋਂ ਪੂਰੀ ਤਰ੍ਹਾਂ ਸੁਚੇਤ ਰਹਿ ਕੇ ਆਪਸੀ ਭਾਈਚਾਰੇ ਨੂੰ ਕਾਇਮ ਰੱਖਣ ਦੀ ਅਪੀਲ ਕੀਤੀ ਹੈ।
ਸੀਪੀਆਈ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਇਸ ਘਟਨਾ ਦੀ ਨਿਰਪੱਖ ਜਾਂਚ ਪੰਜਾਬ ਦੇ ਕਿਸੇ ਪ੍ਰਮੁੱਖ ਅਧਿਕਾਰੀ ਤੋਂ ਕਰਵਾਈ ਜਾਵੇ ਅਤੇ ਹਿੰਸਕ ਤੇ ਫੁਟ-ਪਾਊ ਤੱਤਾਂ ਦੀ ਪਹਿਚਾਣ ਕਰਕੇ ਉਹਨਾਂ ਵਿਰੁਧ ਸਖਤ ਕਾਰਵਾਈ ਕੀਤੀ ਜਾਵੇ ਤਾਂ ਕਿ ਇਹ ਫੁਟ-ਪਾਊ ਤੇ ਫਿਰਕਾਪ੍ਰਸਤ ਸ਼ਕਤੀਆਂ ਫਿਰ ਸਿਰ ਨਾ ਉਠਾ ਸਕਣ।
ਪਾਰਟੀ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਗੋਲੀ ਨਾਲ ਹੋਏ ਜ਼ਖਮੀਆਂ ਦਾ ਇਲਾਜ ਅਤੇ ਸੁਰਖਿਆ ਦਾ ਪ੍ਰਬੰਧ ਕੀਤਾ ਜਾਵੇ। ਪਾਰਟੀ ਨੇ ਇਹ ਵੀ ਮੰਗ ਕੀਤੀ ਹੈ ਕਿ ਜ਼ਿਲਾ ਪ੍ਰਸ਼ਾਸਨ ਜ਼ਿਲੇ ਅਤੇ ਫਗਵਾੜਾ ਵਿਖੇ ਸਾਰੀਆਂ ਪਾਰਟੀਆਂ ਅਤੇ ਜ਼ਿੰਮੇਵਾਰ ਸਮਾਜਿਕ ਸੰਸਥਾਵਾਂ ਦੀ ਮੀਟਿੰਗ ਬੁਲਾ ਕੇ ਮਾਹੌਲ ਨੂੰ ਸੁਖਾਵਾਂ ਬਨਾਉਣ ਦਾ ਜਤਨ ਕਰੇ ਅਤੇ ਸ਼ਰਾਰਤੀ ਤੱਤਾਂ ਨੂੰ ਕਰੜੇ ਹੱਥੀਂ ਸਿੱਝੇ।

ਖਾੜਕੂ ਸੰਘਰਸ਼ਾਂ ਵਾਲਾ ਰਸਤਾ ਦਿਖਾਉਣ ਵਾਲੇ ਸਨ ਕਾਮਰੇਡ ਪਰਵਾਨਾ

ਬਰਖਾਸਤਗੀਆਂ ਦਾ ਸਾਹਮਣਾ ਕਰਕੇ ਦੁਆਏ ਬੈਂਕ ਮੁਲਾਜ਼ਮਾਂ ਦੇ ਹੱਕ 
ਮੈਂ ਰਾਹਾਂ ਤੇ ਨਹੀਂ ਚੱਲਦਾ,
ਮੈਂ ਚੱਲਦਾ ਹਾਂ ਤਾਂ ਰਾਹ ਬਣਦੇ ਨੇ ।
18 ਅਪਰੈਲ 1975 ਦਾ ਦਿਨ ਨਾਂ ਸਿਰਫ ਬੈਂਕ ਕਰਮਚਾਰੀਆਂ ਲਈ ਸਗੋਂ ਹੋਰ ਮਿਹਨਤਕਸ਼ ਸਮੂਹਾਂ ਲਈ ਬਹੁਤ ਹੀ ਦੁੱਖ ਭਰਿਆ ਅਤੇ ਅਸਹਿਣਯੋਗ ਦਿਨ ਹੋ ਨਿਬੜਿਆ ਕਿਉਂਕਿ ਇਸ ਦਿਨ ਲੁੱਟ ਖਸੁੱਟ ਦੇ ਖਿਲਾਫ਼ ਲੜਣ ਵਾਲਾ ਸਾਡੇ ਸਭ ਦਾ ਸਾਥੀ ਕਾ. ਹਰਬੰਸ ਲਾਲ ਪ੍ਰਵਾਨਾ ਕੁਦਰਤ ਨੇ ਸਾਡੇ ਤੋਂ ਖੋਹ ਲਿਆ ਸੀ ਉਹ ਲੱਖਾਂ ਬੈਂਕ ਕਰਮਚਾਰੀਆਂ ਦੇ ਦਿਲ ਦੀ ਧੜਕਣ ਸੀ । ਆਪਣੇ ਨਿੱਜੀ ਗੁਣਾ-ਨਿਮਰਤਾ, ਅਗਵਾਈ ਕਰਨ ਦੀ ਅਤਿ ਦੀ ਸਮਰੱਥਾ, ਜੱਥੇਬੰਧਕ ਗੁਣ ਟਰਿਬਿਊਨਲਾਂ ਅੱਗੇ ਕਰਮਚਾਰੀਆਂ ਦਾ ਪੱਖ ਮਜ਼ਬੂਤੀ ਨਾਲ ਰੱਖਣ ਦੇ ਗੁਣ ਅਤੇ ਲੋਕਾਂ ਨਾਲ ਹੋਈ ਧੱਕੇਸ਼ਾਹੀ ਦੇ ਸੈਕੜੇ ਨਿੱਜੀ ਮਾਮਲਿਆਂ ਨੂੰ ਪਰਬੰਧਕਾਂ ਸਾਹਮਣੇ ਮੁਹਾਰਤ ਨਾਲ ਰੱਖਣ ਕਰਕੇ ਉਹਨਾਂ ਨੇ ਆਪਣੇ ਆਪ ਨੂੰ ਲੋਕਾਂ ਵਿੱਚ ਹਰਮਨ ਪਿਆਰਾ ਬਣਾਇਆ। ਉਹਨਾਂ ਨੇ ਸ਼ਾਦੀ ਕਰਨ ਤੋਂ ਇਸ ਕਰਕੇ ਨਾਂਹ ਕਰ ਦਿੱਤੀ ਕਿਉਂਕਿ ਉਹ ਆਪਣੀ ਜ਼ਿੰਦਗੀ ਨੂੰ ਆਪਣੀਆਂ ਸਹੂਲਤਾਂ ਅਤੇ ਜ਼ਰੂਰਤਾਂ ਤਿਆਗ ਕੇ ਸਿਰਫ ਤੇ ਸਿਰਫ ਏ.ਆਈ.ਬੀ.ਈ.ਏ. ਅਤੇ ਬੈਂਕ ਕਰਮਚਾਰੀਆਂ ਦੀ ਸੇਵਾ ਵਿੱਚ ਹੀ ਲਾਉਣਾ ਚਾਹੁੰਦੇ ਸਨ। ਉਹਨਾਂ ਦਾ ਜਨਮ 1923 ਵਿੱਚ ਪੰਜਾਬ ਦੇ ਹੁਸ਼ਿਆਰਪੁਰ ਜ਼ਿਲੇ ਦੇ ਛੋਟੇ ਜਿਹੇ ਪਿੰਡ ਕੋਟਲਾ-ਬਾਡਲਾ ਦੇ ਇੱਕ ਗਰੀਬ ਪਰਿਵਾਰ ਵਿੱਚ ਹੋਇਆ ਸੀ। ਉਹਨਾਂ ਨੂੰ 1951 ਵਿੱਚ ਏ.ਆਈ.ਬੀ.ਈ.ਏ. ਦਾ ਮੀਤ ਪਰਧਾਨ ਬਣਾਇਆ ਗਿਆ ਬਾਅਦ ਵਿੱਚ ਉਹ ਸਹਾਇਕ ਸਕੱਤਰ ਅਤੇ 1962 ਤੋਂ ਆਖਿਰ ਤੱਕ ਸਕੱਤਰ ਦੇ ਤੌਰ ਤੇ ਸੇਵਾ ਨਿਭਾਈ। ਕਾਮਰੇਡ ਹਰਬੰਸ ਲਾਲ ਪਰਵਾਨਾ ਨੇ ਦਸਵੀਂ ਪਹਿਲੇ ਦਰਜੇ ਵਿੱਚ ਪਾਸ ਹੋਣ ਦੇ ਬਾਵਜੂਦ ਆਪਣੀਆਂ ਘਰੇਲੂ ਮਜਬੂਰੀਆਂ ਕਾਰਣ 1939 ਵਿੱਚ ਪੰਜਾਬ ਨੈਸ਼ਨਲ ਬੈਂਕ ਲਿਮਟਿਡ ਦੀ ਲਾਹੌਰ ਬਰਾਂਚ ਵਿੱਚ ਦਫ਼ਤਰੀ ਦੇ ਤੌਰ ਤੇ ਨੌਕਰੀ ਸ਼ੁਰੂ ਕੀਤੀ। ਦਸੰਬਰ 1940 ਦੀ ਇੱਕ ਕੜਾਕੇ ਦੀ ਠੰਢ ਭਰੀ ਸਵੇਰ ਨੂੰ ਕਾਮਰੇਡ ਪਰਵਾਨਾ ਅਤੇ ਉਸਦੇ ਕੁੱਝ ਸਾਥੀ ਸਵੇਰੇ 8 ਵਜੇ ਮੈਨੇਜਰ ਦੇ ਕਮਰੇ ਵਿੱਚ ਕੜਾਕੇ ਦੀ ਠੰਢ ਤੋਂ ਬਚਣ ਲਈ ਹੀਟਰ ਲਾ ਕੇ ਬੈਠੇ ਸਨ।  ਅਚਾਨਕ ਮੈਨੇਜਰ ਸਮੇਂ ਤੋਂ ਪਹਿਲਾਂ ਬੈਂਕ ਆ ਗਿਆ ਅਤੇ ਉਸ ਨੇ ਇਹ ਦੇਖ ਕੇ ਉਹਨਾਂ ਨਾਲ ਨਾਰਾਜ਼ਗੀ ਪਰਗਟ ਕੀਤੀ ਤੇ ਇਸ ਘਟਨਾ ਬਾਰੇ ਬੈਂਕ ਦੇ ਚੇਅਰਮੈਨ ਲਾਲਾ ਯੋਧ ਰਾਜ ਕੋਲ ਰਿਪੋਰਟ ਕੀਤੀ। ਕਾਮਰੇਡ ਪਰਵਾਨਾ ਨੇ ਬੜੀ ਹਲੀਮੀ ਨਾਲ ਚੇਅਰਮੈਨ ਕੋਲ ਇਸ ਗੱਲ ਨੂੰ ਜਾਇਜ ਠਹਿਰਾਇਆ ਜਿਸ ਕਰਕੇ ਆਪਣੇ ਸਾਥੀਆਂ ਵਿੱਚ ਉਸਦੀ ਇੱਜ਼ਤ ਹੋਰ ਵੱਧ ਗਈ। ਇਸ ਪਿੱਛੋਂ ਉਸਨੇ ਬੈਂਕ ਵਿੱਚ ਮੁਲਾਜਮਾਂ ਨੰ ਸੰਗਠਤ ਕਰਨਾ ਸ਼ੁਰੂ ਕੀਤਾ। ਉਸਨੇ ਆਪਣੇ 22 ਸਾਥੀਆਂ ਵੱਲੋਂ ਦਸਤਖਤ ਕਰਵਾ ਕੇ ਇੱਕ ਮੰਗ ਪੱਤਰ ਚੇਅਰਮੈਨ ਨੂੰ ਦਿੱਤਾ। ਸਾਰੇ ਨਿਯਮਾਂ ਅਤੇ ਕਾਨੂੰਨਾਂ ਨੂੰ ਛਿੱਕੇ ਟੰਗ ਕੇ ਕਾਮਰੇਡ ਪਰਵਾਨਾ ਨੂੰ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ। ਇਹ ਘਟਨਾ ਅਗਸਤ 1944 ਦੀ ਹੈ। ਇਸ ਤੋਂ ਬਾਅਦ ਕਾਮਰੇਡ ਪਰਵਾਨਾ ਨੇ ਦਿੱਲੀ ਜਾ ਕੇ ਭਾਰਤ ਬੈਂਕ ਲਿਮਟਿਡ ਵਿੱਚ ਨੌਕਰੀ ਕਰ ਲਈ ਅਤੇ ਫਿਰ ਯੂਨੀਅਨ ਬਣਾਉਣ ਦੀ ਕੋਸ਼ਿਸ਼ ਕੀਤੀ। ਆਖਰ 1945 ਵਿੱਚ ਕਾਮਰੇਡ ਪਰਵਾਨਾ ਨੇ ਦਿੱਲੀ ਸਥਿਤ ਬੈਂਕ ਵਿੱਚ ਮੁਲਾਜ਼ਮਾਂ ਦੀ ਯੂਨੀਅਨ ਬਣਾਈ ਜਿਸ ਦੇ ਮੈਂਬਰ ਸਿਰਫ਼ ਸੇਵਾਦਾਰਾਂ ਵਿੱਚੋਂ ਹੀ ਸਨ। ਕਾਮਰੇਡ ਪਰਵਾਨਾ ਇਸਦੇ ਪਰਧਾਨ ਅਤੇ ਕਾਮਰੇਡ ਖੇਤ ਰਾਮ ਅਤੇ ਕਾਮਰੇਡ ਰਾਮ ਚੰਦ ਸਰਮਾ ਇਸ ਦੇ ਸਕੱਤਰ ਬਣੇ। ਇਸ ਤਰਾਂ ਇੱਕ ਧੁਰੇ ਦੀ ਸ਼ੁਰੂਆਤ ਹੋਈ ਜੋ ਅੱਜ ਕੱਲ ਦਿੱਲੀ ਸਟੇਟ ਬੈਂਕ ਇੰਪਲਾਈਜ ਫੈਡਰੇਸ਼ਨ ਦੇ ਨਾ ਨਾਲ ਪਰਸਿੱਧ ਹੈ। ਇਸ ਯੂਨੀਅਨ ਨੇ ਬੈਂਕ ਦੇ ਚੇਅਰਮੈਨ ਸ਼ਰੀ ਐੱਸ.ਐਮ. ਡਾਲਮੀਆ ਨੂੰ ਤਨਖਾਹ ਵਧਾਉਣ ਲਈ ਮੰਗ ਪੱਤਰ ਦਿੱਤਾ ਅਤੇ ਕਾਮਰੇਡ ਪਰਵਾਨਾ ਵੱਲੋਂ ਆਪਣੀਆਂ ਮੰਗਾਂ ਦੇ ਹੱਕ ਵਿੱਚ ਦਿੱਤੇ ਗਏ ਤਰਕ ਭਰਪੂਰ ਅਤੇ ਮਜ਼ਬੂਤ ਅਧਾਰ ਵਾਲੇ ਤੱਥਾਂ ਕਰਕੇ ਯੂਨੀਅਨ ਦੀਆਂ ਮੰਗਾਂ ਮੰਨ ਲਈਆਂ ਗਈਆਂ, ਜਿਸ ਕਰਕੇ ਮੁਲਾਜ਼ਮਾਂ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ। ਕਾਮਰੇਡ ਪਰਵਾਨਾ ਨੇ ਕਲੈਰੀਕਲ ਕੰਮ ਕਰਨ ਦੀ ਆਪਣੀ ਸਮਰੱਥਾ ਦਾ ਪਰਗਟਾਵਾ ਕੀਤਾ ਜਿਸ ਕਰਕੇ ਉਹਨਾਂ ਨੂੰ ਸਿੱਧਾ ਅਕਾਊਟੈਂਟ ਬਣਾ ਦਿੱਤਾ ਗਿਆ। ਇੱਕ ਪਾਸੇ ਇਸੇ ਸਮੇਂ ਦੇ ਲਗਭਗ 1946 ਵਿੱਚ ਆਲ ਇੰਡੀਆ ਡਾਕ ਵਿਭਾਗ ਦੀ ਹੜਤਾਲ ਤੇ ਦੂਜੇ ਪਾਸੇ ਇੰਪੀਰਿਅਲ ਬੈਂਕ ਕਲਕੱਤਾ ਦੇ ਸਾਥੀਆਂ ਦੀ 46 ਦਿਨ ਦੀ ਹੜਤਾਲ ਨੇ ਦਿੱਲੀ ਅਤੇ ਪੰਜਾਬ ਦੇ ਖੇਤਰਾਂ ਵਿੱਚ ਬੈਂਕ ਮੁਲਾਜ਼ਮਾਂ ਨੂੰ ਬਹੁਤ ਉਤਸ਼ਾਹਿਤ ਕੀਤਾ। ਇਸ ਤੋਂ ਇਲਾਵਾ ਬੰਬੇ ਦੇ ਕਈ ਬੈਂਕਾਂ ਵਿੱਚ ਹੋਈਆਂ ਹੜਤਾਲਾਂ, ਯੂ.ਪੀ. ਦੀਆਂ ਘਟਨਾਵਾਂ ਜਿੱਥੇ ਪਹਿਲੀ ਵਾਰ ਬੈਂਕ ਮੁਲਾਜ਼ਮਾਂ ਲਈ ਉਜਰਤ `ਅਵਾਰਡ` ਇੱਕ ਹਕੀਕਤ ਬਣਿਆ। ਇਸ ਦੇ ਨਤੀਜੇ ਵੱਜੋਂ ਮੁਲਾਜ਼ਮਾਂਵਿੱਚ ਹੋਰ ਜਾਗਰਿਤੀ ਪੈਦਾ ਹੋਈ। ਹੁਣ ਭਾਰਤ ਬੈਂਕ ਦੇ ਮੁਲਾਜ਼ਮਾਂ ਨੇ ਕੁੱਝ ਹੋਰ ਸਹੂਲਤਾਂ ਪ੍ਰਾਪਤ ਕੀਤੀਆਂ। ਇਹਨਾਂ ਦਾ ਪਰਚਾਰ ਜੰਗਲ ਦੀ ਅੱਗ ਵਾਂਗੂ ਸਾਰੇ ਮੁਲਾਜ਼ਮਾਂ ਵਿੱਚ ਹੋਇਆ। ਸੰਨ 1948 ਵਿੱਚ ਭਾਰਤ ਬੈਂਕ ਦੀ ਯੂਨੀਅਨ ਨੇ ਫਿਰ ਹੜਤਾਲ ਕੀਤੀ ਤੇ ਇੱਕ ਵਾਰ ਫੇਰ ਪਰਬੰਧਕਾਂ ਨੂੰ ਮੰਗਾਂ ਤੇ ਗੱਲਬਾਤ ਕਰਨੀ ਪਈ ਅਤੇ ਯੂਨੀਅਨ ਨੂੰ ਮਾਨਤਾ ਦੇਣੀ ਪਈ। ਪਰ ਜਦੋਂ ਗੱਲਬਾਤ ਦੇ ਕੋਈ ਨਤੀਜੇ ਨਹੀਂ ਨਿਕਲ ਰਹੇ ਸਨ ਤਾਂ ਦਸੰਬਰ 1948 ਫਿਰ ਹੜਤਾਲ ਸ਼ੁਰੂ ਕੀਤੀ ਗਈ। ਇਸ 9 ਦਿਨ ਦੀ ਹੜਤਾਲ ਤੋਂ ਬਾਅਦ ਸਰਕਾਰ ਨੇ ਮਸਲਾ ਐਡਜੁਡੀਕੇਸ਼ਨ ਲਈ ਭੇਜ ਦਿੱਤਾ। ਇਸੇ ਦੌਰਾਨ ਪੰਜਾਬ ਨੈਸ਼ਨਲ ਬੈਂਕ, ਅਲਾਹਾਬਾਦ ਬੈਂਕ ਅਤੇ ਕੋਮਿਲਾ ਬੈਕਿੰਗ ਕਾਰਪੋਰੇਸ਼ਨ ਵਿੱਚ ਯੂਨੀਅਨਾਂ ਬਣ ਗਈਆਂ ਅਤੇ ਇਹਨਾਂ ਤਿੰਨਾਂ ਨੇ ਆਪਣੇ ਸੰਘਰਸ਼ਾਂ ਲਈ ਭਾਰਤ ਬੈਂਕ ਨਾਲ ਤਾਲਮੇਲ ਕੀਤਾ। ਦੁਬਾਰਾ 8 ਮਾਰਚ 1949 ਨੂੰ ਭਾਰਤ ਬੈਂਕ ਵਿੱਚ ਹੜਤਾਲ ਹੋਈ। ਇਸ ਵਾਰੀ ਸਰਕਾਰ ਅਤੇ ਪਰਬੰਧਕ ਇਕੱਠੇ ਹੋ ਗਏ ਅਤੇ ਉਨ੍ਹਾਂ ਨੇ ਸਬਕ ਸਿਖਾਉਣ ਦਾ ਫੈਸਲਾ ਕੀਤਾ। ਭਾਰੀ ਪੁਲੀਸ ਫੋਰਸ ਭਾਰਤ ਬੈਂਕ ਦੇ ਮੁੱਖ ਦਫ਼ਤਰ ਅੱਗੇ ਤੈਨਾਤ ਕਰ ਦਿੱਤੀ ਗਈ। ਬੈਂਕ ਦੇ 527 ਮੁਲਾਜ਼ਮਾਂ ਵਿੱਚੋਂ 450 ਨੂੰ ਗਰਿਫਤਾਰ ਕਰ ਲਿਆ ਗਿਆ। ਹੜਤਾਲ ਕਰਨ ਤੇ ਰੋਕ ਲਾ ਦਿੱਤੀ ਗਈ। ਆਖਿਰ 16 ਦਿਨਾਂ ਬਾਅਦ ਹੜਤਾਲ ਵਾਪਿਸ ਲਈ ਗਈ। ਕਾਮਰੇਡ ਪਰਵਾਨਾ ਸਮੇਤ 35 ਦੇ ਕਰੀਬ ਸਾਰੇ ਅਹੁਦੇਦਾਰਾਂ ਨੂੰ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ। ਦੇਸ਼ ਵਿਆਪੀ ਬੈਂਕ ਕਰਮਚਾਰੀਆਂ ਵਿੱਚ ਬੇਚੈਨੀ ਦੇ ਉਭਾਰ ਨੂੰ ਦੇਖਦੇ ਹੋਏ ਬੈਂਕਾਂ ਨੇ ਸਰਕਾਰ ਨੂੰ ਬੈਂਕਿੰਗ ਖੇਤਰ ਨੂੰ ਕੇਂਦਰੀ ਵਿਸ਼ਾ ਬਣਾਉਣ ਲਈ ਪਹੁੰਚ ਕੀਤੀ ਤਾਂ ਕਿ ਸਾਰੇ ਲੇਬਰ ਝਗੜੇ ਇੰਡਸਟਰੀਅਲ ਡਿਸਪਿਊਟਸ ਐਕਟ ਅਧੀਨ ਆ ਜਾਣ। ਇਸ ਤਰਾਂ 1949 ਵਿੱਚ ਆਲ ਇੰਡੀਆਂ ਇੰਡਸਟਰੀਅਲ ਡਿਸਪਿਊਟਸ ਟਰੀਬਿਊਨਲ ਜਿਸ ਨੂੰ ਸੇਨ ਟਰੀਬਿਊਨਲ  ਦੇ ਨਾਂ ਨਾਲ ਜਾਣਿਆ ਗਿਆ ਸਥਾਪਤ ਕੀਤਾ। ਸਾਰੇ ਦੇਸ਼ ਵਿੱਚ ਵੱਖ-2 ਮੰਗ ਪੱਤਰਾਂ ਅਤੇ ਮੁਲਾਜ਼ਮਾਂ ਦੇ ਬਰਖਾਤਗੀ ਦੇ ਸਾਰੇ ਮਾਮਲੇ ਇਸ ਟ੍ਰਿਬਿਊਨਲ  ਨੂੰ ਸੌਪਣ ਦੀ ਸਿਫਾਰਸ਼ ਕੀਤੀ ਗਈ । 
ਇਸ ਟਰੀਬਿਊਨਲ ਦੇ ਚੇਅਰਮੈਨ ਕੇ.ਸੀ. ਸੇਨ ਪਰਧਾਨ ਇੰਡਸਟਰੀਅਲ ਕੋਰਟ ਬੰਬੇ ਜੋ ਬੰਬੇ ਹਾਈ ਕੋਰਟ ਦੇ ਰਿਟਾਇਰਡ ਜੱਜ ਸਨ ਅਤੇ ਮੈਂਬਰਾਂ ਦੇ ਤੌਰ ਤੇ ਸ੍ਰੀ ਐੱਸ.ਪੀ. ਵਰਮਾ ਜੋ ਇੰਡਸਟਰੀਅਲ ਟਰੀਬਿਊਨਲ ਧੰਨਵਾਦ ਦੇ ਚੇਅਰਮੈਨ ਅਤੇ ਪਟਨਾ ਹਾਈ ਕੋਰਟ ਦੇ ਰਿਟਾਇਡ ਜੱਜ ਸਨ ਅਤੇ ਸ੍ਰੀ ਜੇ.ਐੱਨ. ਮਾਜੂਮਦਾਰ ਰਿਟਾਇਰਡ ਜੱਜ ਕਲਕੱਤਾ ਹਾਈ ਕੋਰਟ ਸਨ। ਕੁਲ 170 ਬੈਂਕਾਂ ਜਿੰਨ੍ਹਾਂ ਵਿੱਚ 82 ਸੂਚੀ ਦਰਜ ਅਤੇ 88 ਅਣਸੂਚੀ ਦਰਜ ਸਨ ਇਸ ਦੇ ਤਹਿਤ ਆਉਂਦੇ ਸਨ। ਕਰਮਚਾਰੀਆਂ ਵੱਲੋਂ 13 ਖੇਤਰੀ ਯੂਨੀਅਨਾਂ 51 ਬੈਂਕਵਾਈਜ ਯੂਨੀਅਨਾਂ ਟ੍ਰਿਬਿਊਨਲ  ਅੱਗੇ ਪੇਸ਼ ਹੋਈਆਂ ਅਤੇ ਆਪਣੇ ਦਾਅਵੇ ਦਾਇਰ ਕੀਤੇ । ਇਸ ਵੇਲੇ ਦੇ ਪੂਰਬੀ ਪੰਜਾਬ ਵਿੱਚੋਂ ਦੀ ਸੈਂਟਰਲ ਬੈਂਕ ਆਫ ਇੰਡੀਆ ਇੰਪਲਾਈਜ਼ ਯੂਨੀਅਨ, ਪੰਜਾਬ ਬੈਂਕ ਇੰਪਲਾਈਜ ਫੈਡਰੇਸ਼ਨ, ਪੰਜਾਬ ਕੋ-ਆਪਰੇਟਿਵ ਬੈਂਕ ਇੰਪਲਾਈਜ ਯੂਨੀਅਨ ਅਤੇ ਦੀ ਪੰਜਾਬ ਨੈਸ਼ਨਲ ਬੈਂਕ ਵਰਕਮੈੱਨ ਯੂਨੀਅਨ ਟ੍ਰਿਬਿਊਨਲ  ਅੱਗੇ ਪੇਸ਼ ਹੋਏ । ਯੂਨੀਅਨਾਂ ਵੱਲੋਂ ਪੇਸ਼ ਹੋਣ ਵਾਲਿਆਂ ਵਿੱਚ ਹੋਰਨਾਂ ਤੋਂ ਇਲਾਵਾ ਕਾਮਰੇਡ ਐੱਚ.ਐੱਲ. ਪ੍ਰਵਾਨਾ, ਕਾਮਰੇਡ ਪ੍ਰਭਾਤਕਾਰ, ਕਾਮਰੇਡ ਪੀ.ਐੱਲ. ਸਿਆਲ, ਕਾਮਰੇਡ ਵੀ.ਐੱਸ. ਮੱਲੀ ਸ਼ਾਮਿਲ ਸਨ। ਜੁਲਾਈ 1949 ਵਿੱਚ ਸ਼ੁਰੂ ਕਰ ਕੇ ਟ੍ਰਿਬਿਊਨਲ ਨੇ ਆਪਣਾ ਕਾਰਜ 31 ਜੁਲਾਈ 1950 ਨੂੰ ਪੂਰਾ ਕਰ ਲਿਆ ।  ਟ੍ਰਿਬਿਊਨਲ  ਨੇ ਬਹੁਤ ਸਾਰੇ ਡਿਸਮਿਸਲ ਦੇ ਕੇਸਾਂ ਜਿੰਨ੍ਹਾਂ ਵਿੱਚ ਜਿਆਦਾਤਰ ਲਾਇਡ ਬੈਂਕ ਲਿ. ਅਤੇ ਭਾਰਤ ਬੈਂਕ ਲਿਮਟਿਡ ਦੇ ਸਨ ਵਿੱਚ ਆਪਣਾ ਫੈਸਲਾ ਦਿੱਤਾ। ਉਦੋਂ 16 ਜੂਨ 1952 ਨੂੰ ਜਸਟਿਸ ਸ਼ਾਸ਼ਤਰੀ ਨੇ ਟ੍ਰਿਬਿਊਨਲ  ਦਾ ਕੰਮ ਸ਼ੁਰੂ ਕੀਤਾ ਜਿਸ ਦੀ ਕਾਰਵਾਈ 28 ਨਵੰਬਰ 1952 ਨੂੰ ਖਤਮ ਹੋਈ। ਇਸ ਦੇ ਕੋਲ ਸੇਨ ਟ੍ਰਿਬਿਊਨਲ ਦੀਆਂ ਪੂਰੀਆਂ ਵਿਸਤਾਰ ਪੂਰਵਕ ਸਿਫ਼ਾਰਸਾਂ ਸਨ ਜੋ ਕਿ ਟੈਕਨੀਕਲ ਅਧਾਰ ਤੇ ਖਾਰਜ ਕੀਤਾ ਗਿਆ। ਇਸ ਤਰਾਂ 23 ਸਤੰਬਰ 1954 ਨੂੰ ਪਹਿਲੀ ਆਲ ਇੰਡੀਆਂ ਹੜਤਾਲ ਹੋਈ।
ਬੈਂਕਾਂ ਦੇ ਕੌਮੀਕਰਨ ਦੀ ਮੰਗ ਨੂੰ ਲੈ ਕੇ ਏ.ਆਈ.ਬੀ.ਈ.ਏ. ਵੱਲੋਂ 17 ਅਪਰੈਲ 1963 ਨੂੰ ਬਹੁਤ ਵੱਡੇ-ਵੱਡੇ ਪਰਦਰਸ਼ਨ ਕੀਤੇ ਗਏ ਅਤੇ ਇਸ ਦਿਨ ਨੂੰ ਬੈਂਕ ਰਾਸ਼ਟਰੀਕਰਨ ਮੰਗ ਦਿਵਸ ਵਜੋਂ ਮਨਾਇਆ ਗਿਆ। 
ਮਾਰਚ 1976 ਨੂੰ ਅੰਮ੍ਰਿਤਸਰ ਵਿਖੇ ਏ.ਆਈ.ਬੀ.ਈ.ਏ. ਦੀ ਕਾਨਫਰੰਸ ਵਿੱਚ ਉਨ੍ਹਾਂ ਨੂੰ ਸ਼ਰਧਾਜਲੀ ਭੇਂਟ ਕਰਦੇ ਹੋਏ ਕਾ. ਪ੍ਰਭਾਤਕਾਰ ਜਨਰਲ ਸਕੱਤਰ ਏ.ਆਈ.ਬੀ.ਈ.ਏ. ਨੇ ਕਿਹਾ ਕਿ "ਉਨ੍ਹਾਂ ਲਈ ਐੱਚ.ਐੱਲ. ਪ੍ਰਵਾਨਾ ਤੋਂ ਬਿਨ੍ਹਾਂ ਕਾਨਫਰੰਸ ਵਿੱਚ ਸ਼ਾਮਿਲ ਹੋਣ ਦੀ ਕਲਪਨਾ ਕਰਨਾ ਹੀ ਮੁਸ਼ਕਿਲ ਹੈ। ਉਹ ਆਲ ਇੰਡੀਆ ਬੈਂਕ ਇੰਪਲਾਈਜ ਐਸੋਸੀਏਸ਼ਨ ਦੀ ਜ਼ਿੰਦਗੀ ਅਤੇ ਰੂਹ ਸਨ। ਉਨ੍ਹਾਂ ਦੀ ਬੈਂਕ ਕਰਮਚਾਰੀਆਂ ਦੇ ਕਾਰਜ ਪ੍ਰਤੀ ਸਮਰਪਨ ਦੀ ਭਾਵਨਾ ਦਾ ਕੋਈ ਸਾਹਨੀ ਨਹੀਂ ਸੀ। ਉਹ ਦੂਰਅੰਦੇਸ਼ੀ ਅਤੇ ਸਪਸ਼ਟਤਾ ਵਾਲੇ ਸਾਥੀ ਸਨ। ਆਪਣੇ ਕੰਮ ਵਿੱਚ ਮਾਹਰ ਸਾਥੀ ਸਨ। ਜੋ ਥੱਕਣਾ ਨਹੀਂ ਜਾਣਦੇ ਸਨ। ਉਹਨਾਂ ਦੇ ਜਿਉਂਦਿਆਂ ਤੱਕ ਏ.ਆਈ.ਬੀ.ਈ.ਏ. ਦੇ ਦਫ਼ਤਰ ਦੀਆਂ ਬੱਤੀਆਂ ਕਦੇ ਵੀ ਰਾਤ ਵੇਲੇ ਨਹੀਂ ਬੁੱਝੀਆਂ। ਉਹ ਦੇਰ ਰਾਤ ਤੱਕ ਕੰਮ ਕਰਦੇ ਸਨ। ਉਹਨਾਂ ਨੇ ਕੰਮਕਾਜੀ ਪੱਤਰਕਾਰਾਂ ਲਈ ਵੀ ਕੰਮ ਕੀਤਾ। ਜਦੋਂ ਉਹਨਾਂ ਦੀ ਮੌਤ ਹੋਈ ਚਾਂਦਨੀ ਚੌਂਕ ਖੇਤਰ ਦੀਆਂ ਸਾਰੀਆਂ ਦੁਕਾਨਾਂ ਬੰਦ ਸਨ। ਅਗਲੇ ਦਿਨ ਦਿੱਲੀ ਵਿੱਚ ਬਹੁਤ ਸਾਰੀਆਂ ਅਖ਼ਬਾਰਾਂ ਨਹੀਂ ਛਪੀਆਂ ਅਤੇ ਉਹਨਾਂ  ਦੇ ਸਟਾਫ ਨੇ ਇੱਕ ਦਿਨ ਲਈ ਕੰਮ ਬੰਦ ਰੱਖਿਆ। ਦੇਸ਼ ਵਿੱਚ ਐਮਰਜੈਂਸੀ ਦਾ ਦੌਰ ਸ਼ੁਰੂ ਹੋਣ ਤੋਂ ਠੀਕ ਪਹਿਲਾਂ ਪਿਆ ਇਹ ਘਾਟਾ ਹੋਰ ਵੀ ਵੱਡਾ ਹੋ ਗਿਆ। ਪਰੰਤੂ ਉਹਨਾਂ ਵੱਲੋਂ ਦੱਸੇ ਸਬਕਾਂ ਤੇ ਚੱਲ ਕੇ ਏ.ਆਈ.ਬੀ.ਈ.ਏ. ਹੋਰ ਵੀ ਮਜ਼ਬੂਤ ਹੋਈ 
ਸਰਕਾਰ ਵੱਲੋਂ ਨਿਯੁਕਤ ਵੱਖ-2 ਟ੍ਰਿਬਿਊਨਲਾਂ, ਅਵਾਰਡਾਂ ਅਤੇ ਕਮਿਸ਼ਨਾਂ ਦੀ ਸਥਾਪਨਾ ਅਤੇ ਇੰਨ੍ਹਾਂ ਦੀ ਕਾਰਗੁਜ਼ਾਰੀ ਦੀਆਂ ਘਾਟਾਂ ਤੋਂ ਤੰਗ ਬੈਂਕ ਕਰਮਚਾਰੀਆਂ ਵਿੱਚ ਕਾਫੀ ਰੋਸ ਤੇ ਬੇਚੈਨੀ ਸੀ। ਮੈਨੇਜਮੈਂਟਾਂ ਨਾਲ ਲੜਨ ਲਈ ਏ.ਆਈ.ਬੀ.ਈ.ਏ. ਨੇ ਇੱਕ ਨਿਵੇਕਲਾ ਹਤਿਆਰ ਵਰਕ ਟੂ ਰੂਲ ਦਾ ਇਜਾਦ ਕੀਤਾ ਤੇ ਜਿਸਦਾ ਇਸਤੇਮਾਲ 20.07.1964 ਤੋਂ ਸ਼ੁਰੂ ਕੀਤਾ ਗਿਆ । ਨਤੀਜੇ ਵਜੋਂ ਜਿਹੜੇ ਬੈਂਕ ਪ੍ਰਬੰਧਕ ਕਰਮਚਾਰੀਆਂ ਨਾਲ ਗੱਲਬਾਤ ਕਰਨ ਤੋਂ ਗੁਰੇਜ਼ ਕਰਦੇ ਸਨ, ਮਜ਼ਬੂਰ ਹੋ ਕੇ ਉਨ੍ਹਾਂ ਨੂੰ ਨਾ ਸਿਰਫ ਗੱਲਬਾਤ ਕਰਨ ਲਈ ਰਾਜੀ ਹੋਏ ਬਲਕਿ 18.08.1964 ਨੂੰ ਹੋਏ ਅੰਤਰਿਮ ਸਮਝੌਤੇ ਤਹਿਤ ਨਾਂ ਸਿਰਫ ਵਾਧੂ ਮਹਿੰਗਾਈ ਭੱਤਾ ਦੇਣਾ ਮੰਨਿਆ ਬਲਕਿ ਏ ਕਲਾਸ ਬੈਂਕਾਂ ਵਿੱਚ ਸਥਾਪਿਤ ਏਰੀਆ  IV ਨੂੰ ਖ਼ਤਮ ਕਰਨ ਲਈ ਰਾਜੀ ਹੋਏ ਜੋ ਕਿ 1954 ਵਿੱਚ ਸ਼ਾਸਤਰੀ ਅਵਾਰਡ ਵਿੱਚ ਧੱਕੇ ਨਾਲ ਜੋੜਿਆ ਗਿਆ ਸੀ। ਗੱਲਬਾਤ ਦੇ 2-3 ਦੌਰ ਚੱਲਣ ਤੋਂ ਬਾਅਦ 15 ਅਪ੍ਰੈਲ 1965 ਨੂੰ ਸੀ ਕਲਾਸ ਬੈਂਕਾਂ ਵਿੱਚ ਵੀ ਏਰੀਆ ਖਤਮ ਕੀਤਾ ਗਿਆ ਜੋ 01.01.1965 ਤੋਂ ਲਾਗੂ ਹੋਇਆ। ਇਸ ਉਪਰੰਤ 21.04.65 ਨੂੰ ਦੁਬਾਰਾ ਦੁਵੱਲੀ ਗੱਲਬਾਤ ਸ਼ੁਰੂ ਹੋਈ ਅਤੇ ਆਖਰਕਾਰ 19 ਅਕਤੂਬਰ 1966 ਨੂੰ ਦੇਸ਼ ਵਿੱਚ ਪਹਿਲੀ ਵਾਰ ਇੱਕ ਇੰਡਸਟਰੀ ਪੱਧਰ ਦਾ ਸਰਵ ਭਾਰਤ ਸਮੂਹਿਕ ਸਮਝੌਤਾ ਬੈਂਕ ਪਰਬੰਧਕਾਂ ਦੇ ਸੰਗਠਨ ਅਤੇ ਏ.ਆਈ.ਬੀ.ਈ.ਏ. ਵਿਚਕਾਰ ਹੋਇਆ ਜੋ ਕਿ ਸਾਡੇ ਬੈਂਕ ਕਰਮਚਾਰੀ ਅੰਦੋਲਨ ਦੇ ਇਤਿਹਾਸ ਵਿੱਚ ਇੱਕ ਸ਼ਾਨਾਮੱਤਾ ਦਿਨ ਸੀ। ਇਸ ਮੁਤਾਬਕ ਕਰਮਚਾਰੀਆਂ ਦੀਆਂ ਸੇਵਾ ਸ਼ਰਤਾਂ ਵਿਚ ਇੱਕਰੂਪਤਾ ਲਿਆਂਦੀ ਗਈ । ਹੌਲੀ-2 ਇੱਕ-2 ਕਰਕੇ ਉਹ ਸਾਰੇ ਬੈਂਕ ਜਿਹੜੇ ਪਹਿਲਾਂ ਇਸ ਸਮਝੌਤੇ ਹੇਠ ਨਹੀਂ ਆਉਂਦੇ ਸਨ ਉਨ੍ਹਾਂ ਨੂੰ ਇਸ ਸਮਝੌਤੇ ਹੇਠ ਲਿਆਂਦਾ ਗਿਆ। ਇਸ ਤਰ੍ਹਾਂ ਦੁਵੱਲ ਸਮਝੌਤਿਆਂ ਦਾ ਦੌਰ ਸ਼ੁਰੂ ਹੋਇਆ ਜੋ ਅੱਜ ਤੱਕ ਸਫਲਤਾ ਪੂਰਵਕ ਜਾਰੀ ਹੈ। 
ਐੱਮ.ਐੱਸ. ਭਾਟੀਆ
ਜ਼ੋਨਲ ਸਕੱਤਰ
ਪੰਜਾਬ ਬੈਂਕ ਇੰਪਲਾਈਜ ਫੈਡਰੇਸ਼ਨ
ਮੋਬਾ : 99884-91002

ਆਸਿਫ਼ਾ ਨਾਲ ਅਣਮਨੁੱਖੀ ਕਾਰੇ ਵਿਰੁੱਧ ਦੇਸ਼ ਭਰ ਵਿਚ ਰੋਸ ਦੀ ਲਹਿਰ

ਮੁੰਬਈ ਅਤੇ ਪੰਜਾਬ ਵਿੱਚ  ਵੀ ਰੋਹ ਭਰੇ ਰੋਸ ਵਖਾਵੇ  
ਆਸਿਫ਼ਾ ਦੇ ਲਈ ਇਨਸਾਫ ਦੀ ਮੰਗ ਨੂੰ ਲੈ ਕੇ ਮੁੰਬਈ ਦੇ ਕੋਤਵਾਲੀ ਮੈਦਾਨ ਤੋਂ ਲੈ ਕੇ ਦਾਦਰ ਸਟੇਸ਼ਨ (ਪੂਰਬੀ) ਤੱਕ ਰੋਹ ਭਰਿਆ ਰੋਸ ਮਾਰਚ ਕੱਢਿਆ ਗਿਆ। ਸਲੀਮ ਸਾਬੂਵਾਲਾ ਨੇ ਆਪਣੀ ਪੋਸਟ ਵਿੱਚ ਦੱਸਿਆ ਕਿ  ਇਸ ਰੋਸ ਵਿੱਚ DYFI-AIDWA-SFI ਦੇ ਮੈਂਬਰਾਂ ਅਤੇ ਸਮਰਥਕਾਂ ਨੇ ਵੱਧ ਚੜ ਕੇ ਭਾਗ ਲਿਆ। ਇਸ ਰੋਸ ਮਾਰਚ ਵਿੱਚ 300 ਤੋਂ ਵੱਧ ਕਾਰਕੁੰਨ ਸ਼ਾਮਲ ਹੋਏ। 
ਮੁੰਬਈ///ਚੰਡੀਗੜ//ਲੁਧਿਆਣਾ: 17 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ):: 
ਦੇਸ਼ ਭਰ ਵਿੱਚ ਬਾਲੜੀਆਂ ਨਾਲ ਹੋ ਰਹੇ ਜਬਰ ਜਨਾਹਾਂ ਨੂੰ ਲੈ ਕੇ ਰੋਸ ਅਤੇ ਰੋਹ ਤਿੱਖਾ ਹੋ ਰਿਹਾ ਹੈ। ਮੁੰਬਈ ਸਮੇਤ ਦੇਸ਼ ਦੇ ਹੋਰਨਾਂ ਭਾਗਾਂ ਦੇ ਨਾਲ ਨਾਲ ਪੰਜਾਬ ਵਿੱਚ ਵੀ ਇਸ ਮੁੱਦੇ ਨੂੰ ਲੈ ਰੋਹ ਭਰੇ ਰੋਸ ਵਖਾਵੇ ਕੀਤੇ ਗਏ। 
ਤਰਨਤਾਰਨ: (ਓਂਕਾਰ ਸਿੰਘ ਪੁਰੀ)::
ਕਠੂਆ, ਉਨਾਵ ਅਤੇ ਗੁਜਰਾਤ ਵਿੱਚ ਬਲਾਤਕਾਰ ਦੀਆਂ ਸ਼ਿਕਾਰ ਹੋਈਆਂ ਛੋਟੀਆਂ ਬਾਲੜੀਆਂ ਦੀ ਇਨਸਾਫ਼ ਦੀ ਮੰਗ ਨੂੰ ਲੈ ਕੇ ਪੰਜਾਬ ਇਸਤਰੀ ਸਭਾ ਜ਼ਿਲਾ ਤਰਨ ਤਾਰਨ ਵੱਲੋਂ ਅੱਡਾ ਝਬਾਲ ਵਿਖੇ ਔਰਤਾਂ ਨੇ ਰੋਹ ਭਰਪੂਰ ਮੁਜ਼ਾਹਰਾ ਕਰਨ ਤੋਂ ਬਾਅਦ ਚੌਂਕ ਵਿੱਚ ਕੇਂਦਰ ਦੀ ਬੀ ਜੇ ਪੀ ਸਰਕਾਰ ਦਾ ਪੁਤਲਾ ਫੂਕਿਆ। ਔਰਤਾਂ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਇਸਤਰੀ ਸਭਾ ਦੀ ਸੂਬਾਈ ਜਨਰਲ ਸਕੱਤਰ ਰਜਿੰਦਰਪਾਲ ਕੌਰ ਨੇ ਕਿਹਾ ਕਿ ਬਾਲੜੀਆਂ ਦੇ ਕਾਤਲਾਂ ਅਤੇ ਬਲਾਤਕਾਰੀਆਂ ਨੂੰ ਆਰ ਐੱਸ ਐੱਸ ਅਤੇ ਬੀ ਜੇ ਪੀ ਦੇ ਮੰਤਰੀ ਬਚਾਅ ਰਹੇ ਹਨ, ਜੋ ਬਹੁਤ ਹੀ ਨਿੰਦਣਯੋਗ ਹੈ। ਜਦੋਂ ਵਾੜ ਹੀ ਖੇਤ ਨੂੰ ਖਾਣ ਲੱਗ ਪਏ ਤਾਂ ਔਰਤਾਂ ਦਾ ਬਚਾਅ ਕਿਸ ਤਰ੍ਹਾਂ ਹੋ ਸਕਦਾ ਹੈ। ਭਾਜਪਾ ਦੇ ਰਾਜ ਵਿੱਚ ਬਲਾਤਕਾਰੀ ਸਰੇਆਮ ਘੁੰਮਦੇ ਫਿਰਦੇ ਹਨ। 
ਪੰਜਾਬ ਇਸਤਰੀ ਸਭਾ ਦੀ ਸੂਬਾ ਸਰਪ੍ਰਸਤ ਨਰਿੰਦਰਪਾਲ ਨੇ ਕਿਹਾ ਕਿ ਗੁੰਡਾ ਅਨਸਰਾਂ ਵੱਲੋਂ ਪੀੜਤ ਬੱਚੀਆਂ ਦੇ ਪਰਵਾਰਾਂ ਨੂੰ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਔਰਤਾਂ ਨੂੰ ਆਪਣੇ ਹੱਕਾਂ ਦੀ ਖਾਤਰ ਸੁਚੇਤ ਤੌਰ 'ਤੇ ਜਥੇਬੰਦ ਹੋਣਾ ਚਾਹੀਦਾ ਹੈ। 
ਪੰਜਾਬ ਇਸਤਰੀ ਸਭਾ ਦੀ ਜ਼ਿਲ੍ਹਾ ਸਕੱਤਰ ਰੁਪਿੰਦਰ ਕੌਰ ਮਾੜੀਮੇਘਾ ਨੇ ਕਠੂਆ ਵਿੱਚ ਅੱਠ ਸਾਲ ਦੀ ਬੱਚੀ ਆਸਿਫ਼ਾ ਦੇ ਬਲਾਤਕਾਰ ਤੋਂ ਬਾਅਦ ਵਹਿਸ਼ੀਆਨਾ ਕਤਲ ਦੀ ਨਿਖੇਧੀ ਕੀਤੀ ਅਤੇ ਸਰਕਾਰ ਤੋਂ ਮੰਗ ਕੀਤੀ ਕਿ ਬਲਾਤਕਾਰੀਆਂ ਨੂੰ ਫਾਹੇ ਲਾਇਆ ਜਾਵੇ। 
ਇਸਤਰੀ ਸਭਾ ਦੀ ਜ਼ਿਲਾ  ਪ੍ਰਧਾਨ ਸੀਮਾ ਸੋਹਲ ਨੇ ਯੂ ਪੀ ਵਿੱਚ ਉਨਾਵ ਅਤੇ ਸੂਰਤ ਵਿੱਚ ਵਾਪਰੀਆਂ ਬਲਾਤਕਾਰ ਦੀਆਂ ਘਟਨਾਵਾਂ 'ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਦੇਸ਼ ਵਿੱਚ ਸਰਕਾਰ ਨਾਂਅ ਦੀ ਕੋਈ ਚੀਜ਼ ਨਹੀਂ। ਦਿਨ-ਦਿਹਾੜੇ ਔਰਤਾਂ ਦੀ ਪੱਤ ਲੁੱਟੀ ਜਾ ਰਹੀ ਹੈ ਅਤੇ ਗੁੰਡੇ ਜਾਂ ਬਲਾਤਕਾਰੀ ਸਰਕਾਰਾਂ ਵਿੱਚ ਬੈਠੇ ਹਨ। 
ਸੀ ਪੀ ਆਈ ਦੇ ਜ਼ਿਲ੍ਹਾ ਸਕੱਤਰ ਪ੍ਰਿਥੀਪਾਲ ਸਿੰਘ ਮਾੜੀਮੇਘਾ ਤੇ ਸਹਾਇਕ ਸਕੱਤਰ ਦਵਿੰਦਰ ਸੋਹਲ ਨੇ ਕਿਹਾ ਕਿ ਅੱਜ ਸਾਡੇ ਦੇਸ਼ ਵਿੱਚ ਔਰਤਾਂ ਦੀ ਇੱਜ਼ਤ-ਆਬਰੂ ਸੁਰੱਖਿਅਤ ਨਹੀਂ। ਸਾਡੇ ਦੇਸ਼ ਵਿੱਚ ਜਾਨਵਰਾਂ ਨੂੰ ਮਾਰਨਾ ਤਾਂ ਪਾਪ ਹੈ, ਪਰ ਔਰਤਾਂ ਨਾਲ ਬਲਾਤਕਾਰ ਕਰਨ ਵਾਲਿਆਂ ਦੀ ਭਾਜਪਾ ਸਰਕਾਰ ਪੁਸ਼ਤਪਨਾਹੀ ਕਰਦੀ ਹੈ। ਸਾਡੇ ਗੁਰੂ ਸਾਹਿਬਬਾਨਾਂ ਨੇ ਤਾਂ ਔਰਤ ਨੂੰ ਬੜਾ ਉੱਚ ਦਰਜ ਦਿੱਤਾ ਹੈ, ਪਰ ਔਰਤਾਂ 'ਤੇ ਜ਼ੁਲਮ ਵਧ ਗਏ ਹਨ। 
ਇਸ ਮੌਕੇ ਪੂਜਾ, ਬਲਵਿੰਦਰ ਕੌਰ, ਅਮਰਜੀਤ ਕੌਰ, ਸਲਵਿੰਦਰ ਕੌਰ, ਸੁਖਜੀਤ ਕੌਰ, ਸੁਖਰਾਜ ਕੌਰ ਪੰਜਵੜ, ਆਸ਼ਾ ਰਾਣੀ, ਨੰਦਾ, ਸੁਰਿੰਦਰ ਕੌਰ ਕੋਟ ਧਰਮ ਚੰਦ, ਮੀਨਾ, ਮਹਿੰਦਰ ਕੌਰ, ਸਿਮਰਨਜੀਤ ਕੌਰ ਝਬਾਲ, ਕਾਂਤਾ ਦੇਵੀ ਮੈਂਬਰ ਪੰਚਾਇਤ, ਰਮਾ ਰਾਣੀ, ਰਾਜਵਿੰਦਰ ਕੌਰ, ਗੁਰਬਿੰਦਰ ਸਿੰਘ ਸੋਹਲ, ਜਗਤਾਰ ਸਿੰਘ ਜੱਗਾ, ਚਾਨਣ ਸਿੰਘ ਸੋਹਲ ਤੇ ਲੱਖਾ ਸਿੰਘ ਆਦਿ ਮੌਜੂਦ ਸਨ। 
ਇਸੇ ਤਰ੍ਹਾਂ ਕਠੂਆ ਕਾਂਡ ਅਤੇ ਹੋਰ ਪੀੜਤ ਲੜਕੀਆਂ ਨੂੰ ਇਨਸਾਫ ਦਿਵਾਉਣ ਲਈ ਪੰਜਾਬ ਇਸਤਰੀ ਸਭਾ ਵੱਲੋਂ ਪੰਜਾਬ ਇਸਤਰੀ ਸਭਾ ਤਰਨ ਤਾਰਨ ਇਲਾਕਾ ਭਿੱਖੀਵਿੰਡ 'ਚ ਵੀ ਮੁਜ਼ਾਹਰਾ ਕੀਤਾ ਗਿਆ। ਪੰਜਾਬ ਇਸਤਰੀ ਸਭਾ ਵੱਲੋਂ ਇਨ੍ਹਾਂ ਘਟਨਾਵਾਂ ਦੇ ਵਿਰੋਧ ਵਿੱਚ ਰੈਲੀ ਕਰਕੇ ਰੋਸ ਮੁਜ਼ਾਹਰਾ ਕੀਤਾ ਗਿਆ। 
ਰੈਲੀ ਨੂੰ ਸੰਬੋਧਨ ਕਰਦਿਆਂ ਸੂਬਾਈ ਸਰਪ੍ਰਸਤ ਭੈਣ ਜੀ ਨਰਿੰਦਰਪਾਲ ਨੇ ਕਿਹਾ ਕਿ ਜਦੋਂ ਦੀ ਭਾਜਪਾ ਸਰਕਾਰ ਹੋਂਦ ਵਿੱਚ ਆਈ ਹੈ, ਔਰਤਾਂ ਅਤੇ ਖਾਸ ਕਰਕੇ ਛੋਟੀਆਂ ਬੱਚੀਆਂ 'ਤੇ ਜ਼ੁਲਮ ਵਧ ਗਿਆ ਹੈ। ਕਠੂਆ, ਉਨਾਵ ਅਤੇ ਗੁਜਰਾਤ ਵਿੱਚ ਵਾਪਰੀਆਂ ਘਟਨਾਵਾਂ ਸਰਕਾਰ ਦੇ ਮੱਥੇ 'ਤੇ ਕਲੰਕ ਹਨ। ਸੂਬਾ ਜਨਰਲ ਸਕੱਤਰ ਰਜਿੰਦਰਪਾਲ ਕੌਰ ਨੇ ਕਿਹਾ ਕਿ ਬੀ ਜੇ ਪੀ ਵਾਲੇ ਖੁਸ਼ੀਆਂ ਮਨਾਉਂਦੇ ਸਨ ਕਿ 800 ਸਾਲ ਬਾਅਦ ਹਿੰਦੂਆਂ ਦਾ ਰਾਜ ਆਇਆ ਹੈ, ਪਰ ਇਸ ਰਾਜ ਵਿੱਚ ਦਲਿਤਾਂ, ਘੱਟ ਗਿਣਤੀਆਂ ਅਤੇ ਔਰਤਾਂ 'ਤੇ ਕਹਿਰ ਵਰਤ ਰਿਹਾ ਹੈ। ਭਾਜਪਾ ਸਰਕਾਰ ਦੀ ਮੰਤਰੀ ਸਮਿਰਤੀ ਈਰਾਨੀ ਨੇ ਨਿਰਭੈਆ ਕਾਂਡ ਵੇਲੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੂੰ ਚੂੜੀਆਂ ਭੇਜੀਆਂ ਸਨ, ਹੁਣ ਉਹ ਨਰਿੰਦਰ ਮੋਦੀ ਨੂੰ ਕਿਉਂ ਨਹੀਂ ਭੇਜ ਰਹੇ। ਜ਼ਿਲ੍ਹਾ ਸਕੱਤਰ ਰੁਪਿੰਦਰ ਕੌਰ ਮਾੜੀਮੇਘਾ ਨੇ ਭਾਜਪਾ ਦੀਆਂ ਆਗੂ ਔਰਤਾਂ ਅਤੇ ਹਰਸਿਮਰਤ ਕੌਰ ਬਾਦਲ ਦੀ ਚੁੱਪੀ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਇਹੋ ਜਿਹੀਆਂ ਔਰਤਾਂ ਔਰਤ ਜਾਤੀ ਦੇ ਨਾਂਅ 'ਤੇ ਕਲੰਕ ਹਨ। ਜ਼ਿਲਾ ਪਰਧਾਨ ਸੀਮਾ ਸੋਹਲ ਨੇ ਔਰਤਾਂ ਨੂੰ ਕਿਹਾ ਕਿ ਆਪਣੀਆਂ ਧੀਆਂ ਨੂੰ ਅੰਦਰ ਵਾੜ ਕੇ ਰੱਖਣ ਦੀ ਬਜਾਏ ਉਹਨਾਂ ਨੂੰ ਜ਼ੁਲਮ ਦਾ ਟਾਕਰਾ ਕਰਨ ਦੀ ਟਰੇਨਿੰਗ ਦਿਓ ਅਤੇ ਆਪਣੇ ਪੁੱਤਰਾਂ ਨੂੰ ਵੀ ਸਮਝਾਓ ਕਿ ਉਹ ਕਿਸੇ ਦੀ ਧੀ ਦੀ ਇੱਜ਼ਤ ਨਾਲ ਨਾ ਖੇਡਣ। ਜ਼ਿਲ੍ਹਾ ਖਜ਼ਾਨਚੀ ਕਿਰਨਬੀਰ ਵਲਟੋਹਾ ਨੇ ਕਿਹਾ ਕਿ ਜੇਕਰ ਅਸੀਂ ਛੋਟੀਆਂ ਬੱਚੀਆਂ ਦਾ ਬਲਾਤਕਾਰ ਕਰਕੇ ਕਤਲ ਕਰਨ ਦੀਆਂ ਘਟਨਾਵਾਂ ਦਾ ਅਸੀਂ ਪੂਰੀ ਤਾਕਤ ਨਾਲ ਵਿਰੋਧ ਨਹੀਂ ਕਰਦੇ ਤਾਂ ਇਹ ਦੇਸ਼ ਨਰਕ ਬਣ ਜਾਵੇਗਾ। ਸੀ ਪੀ ਆਈ ਦੇ ਬਲਾਕ ਸਕੱਤਰ ਪਵਨ ਕੁਮਾਰ ਮਲਹੋਤਰਾ, ਜ਼ਿਲ੍ਹਾ ਸਹਾਇਕ ਸਕੱਤਰ ਦਵਿੰਦਰ ਕੁਮਾਰ, ਕਿਸਾਨ ਆਗੂ ਜੈਮਲ ਬਾਠ, ਏ ਆਈ ਐੱਸ ਐੱਫ ਦੇ ਆਗੂ ਸੁਖਦੇਵ ਕਾਲਾ ਤੇ ਬਲਬੀਰ ਬੱਲੂ ਨੇ ਪੰਜਾਬ ਇਸਤਰੀ ਸਭਾ ਦੇ ਘੋਲ ਦੀ ਹਮਾਇਤ ਕਰਦਿਆਂ ਮਦਦ ਦਾ ਪੂਰਾ ਭਰੋਸਾ ਦਿਵਾਇਆ। ਇਸ ਮੌਕੇ ਹਰਜੋਤ ਕੌਰ ਵਲਟੋਹਾ, ਗੁਰਮੀਤ ਕੌਰ, ਵੀਰੋ, ਰਾਜਬੀਰ ਕੌਰ ਤੇ ਕੁਲਵਿੰਦਰ ਕੌਰ ਨੇ ਮੁਜ਼ਾਹਰੇ ਦੀ ਅਗਵਾਈ ਕੀਤੀ। ਪਰਗਟ ਸਿੰਘ ਨੇਪਰਬੰਧ ਕਰਨ 'ਚ ਮਦਦ ਕੀਤੀ।

Thursday, April 12, 2018

ਕਿੱਥੇ ਗਈਆਂ ਵਿਦਿਅਕ ਨਿਯਮ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ-CPI

Thu, Apr 12, 2018 at 3:54 PM
ਸਕੂਲ ਵਲੋਂ ਬੱਚਿਆਂ ਨਾਲ ਦੁਰਵਿਹਾਰ ਦਾ ਮਾਮਲਾ ਗਰਮਾਇਆ 
ਲੁਧਿਆਣਾ: 12 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ)::
ਇਸ ਸੂਚਨਾ ਤੇ ਕਿ ਗੁਰੂ ਨਾਨਕ ਪਬਲਿਕ ਸਕੂਲ ਦੀ ਪਰਿੰਸਪਲ ਵਲੋਂ ਅੱਜ ਰੋਂਦੇ ਬਿਲਖਦੇ ਬੱਚਿਆਂ ਨੂੰ ਬੇੇਦਰਦੀ ਨਾਲ ਧੱਕੇ ਦੇ ਕੇ ਸਕੂਲੋਂ ਬਾਹਰ ਕੱਢ ਦਿੱਤਾ। ਇਸ ਸਾਰੇ ਘਟਨਾਕ੍ਰਮ 'ਤੇ ਪਰਤੀਕਿਰਿਆ ਜ਼ਾਹਰ ਕਰਦਿਆਂ ਭਾਰਤੀ ਕਮਿਉਨਿਸਟ ਪਾਰਟੀ ਨੇ ਤਿੱਖੇ ਰੋਸ ਅਤੇ ਰੋਹ ਦਾ ਪਰਗਟਾਵਾ ਕੀਤਾ ਹੈ। ਇਸ ਸਬੰਧੀ CPI ਨੇ  ਪੁੱਛਿਆ ਹੈ ਕਿ ਇਹ ਸਭ ਕੁਝ ਮਾਣਯੋਗ ਕਚਿਹਿਰੀ ਦੇ ਹੁਕਮਾਂ ਦੀਆਂ ਧੱਜੀਆਂ ਉਡਾ ਕੇ ਕੀਤਾ ਗਿਆ ਪਰ ਉਥੇ ਮੌਜੂਦ ਪੁਲਿਸ ਨੇ ਬੱਚਿਆਂ ਨੂੰ ਸਕੂਲ ਵਿੱਚ ਵਾੜਨ ਦੇ ਲਈ ਕੋਈ ਕਾਰਵਾਈ ਕਿਓਂ ਨਹੀਂ ਕੀਤੀ।  
ਸੀਪੀਆਈ ਆਗੂਆਂ ਨੇ ਕਿਹਾ ਕਿ ਇਸ ਤਰਾਂ ਬੱਚਿਆਂ ਨੂੰ ਕੱਢਣਾ ਉਜ ਵੀ ਸਰਾਸਰ ਅੰਨਿਆਂ ਹੈ ਤੇ ਸੰਵਿਧਾਨ ਵਿਰੋਧੀ ਕਾਰਾ ਹੈ।  ਪਾਰਟੀ ਨੇ ਕਿਹਾ ਕਿ ਇਹ ਸਰਾਸਰ ਬਚਿਆਂ ਦੇ ਸਿੱਖਿਆ ਦੇ ਅਧਿਕਾਰ ਦੀ ਉਲੰਘਣਾ ਹੈ ਤੇ ਬੱਚਿਆਂ ਦੀ ਸੁੱਰਖਿਆ ਨੂੰ ਵੀ ਜਾਣਬੁਝ ਕੇ ਖਤਰੇ ਵਿੱਚ ਪਾਉਣ ਵਾਲੀ ਕਾਰਵਾਈ ਹੈ।  ਬੱਚੇ ਕੋਮਲ ਹੁੰਦੇ ਹਨ ਤੇ ਇਸ ਤਰਾਂ ਦੀਆਂ ਘਟਨਾਵਾਂ ਉਹਨਾਂ ਦੇ ਮਨਾਂ ਤੇ ਲੰਮੇਂ ਸਮੇ ਦੇ ਲਈ ਬੁਰਾ ਪਰਭਾਵ ਪਾਂਦੀਆਂ ਹਨ। 
ਇਸ ਸਬੰਧੀ ਜਾਰੀ ਬਿਆਨ ਵਿੱਚ ਪਾਰਟੀ ਦੇ ਜ਼ਿਲਾ ਸਕੱਤਰ ਕਾਮਰੇਡ ਡੀ ਪੀ ਮੌੜ, ਸਹਾਇਕ ਸਕੱਤਰ ਡਾ: ਅਰੁਣ ਮਿੱਤਰਾ ਤੇ ਚਮਕੌਰ ਸਿੰਘ, ਪਾਰਟੀ ਦੇ ਸ਼ਹਿਰੀ ਸਕੱਤਰ ਰਮੇਸ਼ ਰਤਨ ਤੇ ਗੁਰਨਾਮ ਸਿੱਧੂ ਨੇ ਪ੍ਰੈਸ ਬਿਆਨ ਵੀ ਜਾਰੀ ਕੀਤਾ ਹੈ। ਇਸ ਬਿਆਨ ਰਾਹੀਂ ਪੁਲਿਸ ਕਮਿਸਨਰ ਤੋਂ ਆਪ ਸਿੱਧੇ ਦਖਲ ਦੇ ਕੇ ਬੱਚਿਆਂ ਨੂੰ ਸਕੂਲ ਵਿੱਚ ਵਾੜਨ ਦੀ ਮੰਗ ਕੀਤੀ ਗਈ ਹੈ।  ਇਲਾਕੇ ਵਿੱਚ ਕੁਝ ਸਕੂਲਾਂ ਵਿੱਚ ਸਿਖਿਆ ਦੇ ਨਾਮ ਤੇ ਮਾਫੀਆਵਾਦ ਨੂੰ ਠਲ੍ਹ ਪਾਉਣ ਦੀ ਲੋੜ ਹੈ। ਪਾਰਟੀ ਨੇ ਚੇਤਾਵਨੀ ਵੀ ਦਿੱਤੀ ਹੈ ਕਿ ਲੋੜ ਪੈਣ ਤੇ ਪਾਰਟੀ ਇਸ ਵਿਰੁੱਧ ਅੰਦੇਲਨ ਚਲਾਏਗੀ।

Saturday, April 07, 2018

PSA: ਨਾਮਜ਼ਦਗੀਆਂ ਵਾਪਸ ਲੈਣ ਉਪਰੰਤ ਹੇਠ ਲਿਖੇ ਉਮੀਦਵਾਰ ਚੋਣ ਮੈਦਾਨ ’ਚ

ਚੋਣਾਂ 15 ਅਪ੍ਰੈਲ 2018 ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ
ਲੁਧਿਆਣਾ:  07 ਅਪਰੈਲ 2018:: (ਪੰਜਾਬ ਸਕਰੀਨ ਬਿਊਰੋ)::
 ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੀਆਂ 15 ਅਪਰੈਲ 2018 ਨੂੰ ਹੋਣ ਵਾਲੀਆਂ ਚੋਣਾਂ ਦਾ ਦੂਜਾ ਪੜਾਅ ਮੁਕੰਮਲ। ਵੱਖ ਵੱਖ ਅਹੁਦਿਆਂ ਲਈ ਹੇਠ ਲਿਖੇ ਉਮੀਦਵਾਰ ਚੋਣ ਮੈਦਾਨ ਵਿਚ ਹਨ।
ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਦੇ ਅਹੁਦੇ ਲਈ ਪ੍ਰੋ. ਰਵਿੰਦਰ ਭੱਠਲ ਅਤੇ ਡਾ. ਤੇਜਵੰਤ ਸਿੰਘ ਗਿੱਲ ਅਤੇ ਸੀਨੀਅਰ ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਡਾ. ਗੁਰਚਰਨ ਕੌਰ ਕੋਚਰ ਅਤੇ ਸ੍ਰੀ ਸੁਰਿੰਦਰ ਕੈਲੇ ਅਤੇ ਜਨਰਲ ਸਕੱਤਰ ਦੇ ਅਹੁਦੇ ਲਈ ਡਾ. ਸੁਰਜੀਤ ਸਿੰਘ ਅਤੇ ਭੁਪਿੰਦਰ ਕੌਰ ਪਰੀਤ ਮੈਦਾਨ ਵਿਚ ਹਨ। ਪੰਜ ਮੀਤ ਪ੍ਰਧਾਨਾਂ ਦੇ ਅਹੁਦੇ ਲਈ ਡਾ. ਸਰੂਪ ਸਿੰਘ ਅਲੱਗ, ਡਾ. ਹਰਵਿੰਦਰ ਸਿੰਘ  (ਪੰਜਾਬ ਤੇ ਚੰਡੀਗੜੋਂ  ਬਾਹਰ), ਸ. ਸਹਿਜਪਰੀਤ ਸਿੰਘ ਮਾਂਗਟ, ਡਾ. ਭਗਵੰਤ ਸਿੰਘ,  ਭੁਪਿੰਦਰ,  ਖੁਸ਼ਵੰਤ ਬਰਗਾੜੀ, ਸ. ਭੁਪਿੰਦਰ ਸਿੰਘ ਸੰਧੂ, ਡਾ. ਗੁਲਜ਼ਾਰ ਸਿੰਘ ਪੰਧੇਰ, ਮਨਜੀਤ ਕੌਰ ਅੰਬਾਲਵੀ  (ਪੰਜਾਬ ਤੇ ਚੰਡੀਗੜ ਤੋਂ ਬਾਹਰ) ਮੈਦਾਨ ਵਿਚ ਹਨ।
ਪਰਬੰਧਕੀ ਬੋਰਡ ਦੇ ਚੌਧਾਂ ਮੈਂਬਰ ਲਈ ਮੈਡਮ ਦਵਿੰਦਰ ਪਰੀਤ ਕੌਰ, ਡਾ. ਕੰਵਰ ਜਸਮਿੰਦਰ ਪਾਲ  ਸਿੰਘ,  ਸੁਖਦਰਸ਼ਨ ਗਰਗ, ਸ. ਮਨਜਿੰਦਰ ਸਿੰਘ ਧਨੋਆ, ਸ. ਗੁਲਜ਼ਾਰ ਸਿੰਘ ਸ਼ੌਂਕੀ, ਤਰੈਲੋਚਨ ਲੋਚੀ, ਸ. ਦਰਸ਼ਨ ਸਿੰਘ ਗੁਰੂ,  ਸਿਰੀ ਰਾਮ ਅਰਸ਼, ਜਸਵੀਰ ਝੱਜ,  ਅਮਰਜੀਤ ਕੌਰ ਹਿਰਦੇ, ਡਾ. ਸ਼ਰਨਜੀਤ ਕੌਰ, ਮੈਡਮ ਹਰਲੀਨ ਕੌਰ, ਭਗਵੰਤ ਰਸੂਲਪੁਰੀ, ਡਾ. ਹਰਪਰੀਤ ਸਿੰਘ ਹੁੰਦਲ, ਤਰਸੇਮ, ਰਜਿੰਦਰ ਸ਼ੌਂਕੀ, ਕਮਲਜੀਤ ਨੀਲੋਂ, ਡਾ. ਸੁਦਰਸ਼ਨ ਗਾਸੋ (ਹਰਿਆਣਾ), ਡਾ. ਗੁਰਮੇਲ ਸਿੰਘ,  ਮੈਡਮ ਸੁਰਿੰਦਰ ਨੀਰ (ਜੰਮੂ) ਅਤੇ ਡਾ. ਜਗਵਿੰਦਰ ਜੋਧਾ ਚੋਣ ਮੈਦਾਨ ਵਿਚ ਹਨ।  ਪਰੇਮ ਸਾਹਿਲ (ਬਾਕੀ ਭਾਰਤ) ਵਿਚੋਂ ਇਕੋ ਇਕ ਉਮੀਦਵਾਰ ਹਨ। ਸੰਵਿਧਾਨ ਅਨੁਸਾਰ ਉਹਨਾਂ  ਨੂੰ ਜੇਤੂ ਕਰਾਰ ਦਿੱਤਾ ਜਾਂਦਾ ਹੈ।
ਉਪਰੋਕਤ ਜਾਣਕਾਰੀ ਦਿੰਦਿਆਂ ਮੁੱਖ ਚੋਣ ਅਧਿਕਾਰੀ ਸ. ਮਲਕੀਅਤ ਸਿੰਘ ਔਲਖ ਨੇ ਦਸਿਆਂ ਕਿ ਇਹਨਾਂ ਅਹੁਦਿਆਂ ’ਤੇ ਚੋਣਾਂ 15 ਅਪਰੈਲ 2018 ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਹੋਣਗੀਆਂ। ਵੋਟਾਂ ਸਵੇਰੇ 9 ਵਜੇ ਤੋਂ ਸ਼ਾਮ 03 ਵਜੇ ਤੱਕ ਪੈਣਗੀਆਂ। । ਮੁੱਖ ਚੋਣ ਅਧਿਕਾਰੀ ਸ. ਮਲਕੀਅਤ ਸਿੰਘ ਔਲਖ, ਸਹਾਇਕ ਚੋਣ ਅਧਿਕਾਰੀ ਸ. ਹਕੀਕਤ ਸਿੰਘ ਮਾਂਗਟ, ਸ. ਬਲਵੰਤ ਸਿੰਘ, ਪ੍ਰੋ. ਕੁਲਵੰਤ ਸਿੰਘ, ਸ੍ਰੀ ਅਸ਼ੋਕ ਕੁਮਾਰ ਦਿਵੇਦੀ ਅਤੇ ਡਾ. ਕੁਲਵਿੰਦਰ ਕੌਰ ਮਿਨਹਾਸ ਨੇ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਸਮੂਹ ਮੈਂਬਰਾਂ ਨੂੰ ਚੋਣਾਂ ਵਿਚ ਵੱਧ ਤੋਂ ਵੱਧ ਸ਼ਿਰਕਤ ਕਰਨ ਅਤੇ ਭਰਪੂਰ ਸਹਿਯੋਗ ਦੇਣ ਦੀ ਅਪੀਲ ਕੀਤੀ ਹੈ।

Friday, April 06, 2018

ਹੁਣ ਆਨਲਾਈਨ ਮੀਡੀਆ ਦੀ ਵੀ ਪੂਰੀ ਨਿਗਰਾਨੀ ਕਰੇਗੀ ਕੇਂਦਰ ਸਰਕਾਰ

ਮੰਤਰਾਲੇ ਵੱਲੋਂ  ਬਣਾਈ ਗਈ 10 ਮੈਂਬਰੀ ਕਮੇਟੀ
ਨਵੀਂ ਦਿੱਲੀ: 6 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ):: 
ਇੱਕ ਚੰਗੀ ਖਬਰ ਆ ਰਹੀ ਹੈ। ਬੜੇ ਚਿਰਾਂ ਦੀ ਲੰਮੀ ਉਡੀਕ ਤੋਂ ਬਾਅਦ ਆਈ ਹੈ ਇਹ ਖਬਰ। ਜਿਹਨਾਂ ਨੇ ਆਨਲਾਈਨ ਮੀਡੀਆ ਦੀ ਹਕੀਕਤ ਤੋਂ ਅੱਖਾਂ ਮੀਚੀਆਂ ਹੋਈਆਂ ਸਨ ਉਹ ਹੁਣ ਖੁੱਲ ਗਈਆਂ ਹੋਣਗੀਆਂ ਜਾਂ ਖੁੱਲ ਜਾਣਗੀਆਂ। ਕੇਂਦਰ ਸਰਕਾਰ ਵੀ ਹੁਣ ਇਸ ਬਾਰੇ ਗੰਭੀਰ ਹੈ। ਆਨਲਾਈਨ ਮੀਡੀਆ ਬਾਰੇ ਨਿਯਮਾਵਲੀ ਬਣਾਉਣ ਦਾ ਕੰਮ ਸ਼ੁਰੂ ਹੋ ਗਿਆ ਹੈ। 
ਦਿਲਚਸਪ ਇਤਫ਼ਾਕ ਹੈ ਕਿ ਇਹ ਕਦਮ ਹਾਲ ਹੀ ਵਿੱਚ ਨਸ਼ਰ ਹੋਈ ਇੱਕ ਵਿਸ਼ੇਸ਼ ਖਬਰ ਤੋਂ ਬਾਅਦ ਚੁੱਕਿਆ ਗਿਆ ਹੈ। ਇਹ ਖਬਰ ਮੀਡੀਆ ਕੰਪੇਨ ਚਲਾਉਣ ਲਈ ਹੋਈ ਇਸ਼ਤਿਹਾਰੀ ਸੌਦੇਬਾਜ਼ੀ ਨਾਲ ਸਬੰਧਿਤ ਸੀ ਅਤੇ ਇਸਨੂੰ ਕੋਬਰਾ ਪੋਸਟ ਨੇ ਬੇਨਕਾਬ ਕੀਤਾ ਸੀ। ਇਸ ਵਿੱਚ ਰਵਾਇਤੀ ਮੀਡੀਆ ਦੇ ਕਈ ਵੱਡੇ ਵੱਡੇ ਚੇਹਰੇ ਬੇਨਕਾਬ ਹੋਏ ਸਨ। ਵਿਚਾਰਧਾਰਕ ਪਰਤੀਬੱਧਤਾ ਕਿਵੇਂ ਕਾਰੋਬਾਰੀ ਪਰਤੀਬੱਧਤਾ ਬਣ ਗਈ ਇਸਦਾ ਅਹਿਮ ਖੁਲਾਸਾ ਵੀ ਸੀ ਇਹ। 
ਹੁਣ ਜਾਅਲੀ ਖਬਰਾਂ ਨੂੰ ਲੈ ਕੇ ਪੱਤਰਕਾਰਾਂ ਦੀ ਮਾਨਤਾ ਖਤਮ ਕਰਨ ਵਾਲੇ ਵਿਵਾਦਗਰਸਤ ਨੋਟੀਫਿਕੇਸ਼ਨ ਨੂੰ ਪਰ੍ਧਾਨ ਮੰਤਰੀ ਦੇ ਦਖਲ ਤੋਂ ਬਾਅਦ ਵਾਪਸ ਲੈਣ ਪਿੱਛੋਂ ਸੂਚਨਾ ਤੇ ਪ੍ਰਸਾਰਨ ਮੰਤਰਾਲੇ ਨੇ ਨਿਊਜ਼ ਪੋਰਟਲ ਅਤੇ ਮੀਡੀਆ ਵੈੱਬਸਾਈਟ ਨੂੰ ਰੈਗੂਲੇਟ ਕਰਨ ਵੱਲ ਰੁਖ਼ ਕਰ ਲਿਆ ਹੈ ਤੇ ਇਸ ਕੰਮ ਵਾਸਤੇ ਇੱਕ ਕਮੇਟੀ ਦਾ ਗਠਨ ਵੀ ਕਰ ਦਿੱਤਾ ਹੈ। 
ਇਸ ਕਮੇਟੀ ਦਾ ਕੰਮ ਆਨਲਾਈਨ ਮੀਡੀਆ ਲਈ ਨਿਯਮ-ਕਾਨੂੰਨ ਅਤੇ ਮਾਪਦੰਡ ਬਣਾਉਣਾ ਹੋਵੇਗਾ। ਇਸ ਦੇ ਦਾਇਰੇ 'ਚ ਆਨਲਾਈਨ ਨਿਊਜ਼, ਡਿਜੀਟਲ ਬਰਾਡਕਾਸਟਿੰਗ ਦੇ ਨਾਲ-ਨਾਲ ਇੰਟਰਟੇਨਮੈਂਟ ਤੇ ਇਨਫੋਟੇਨਮੈਂਟ ਸਮੱਗਰੀ ਮੁਹੱਈਆ ਕਰਵਾਉਣ ਵਾਲੀਆਂ ਵੈੱਬਸਾਈਟਾਂ ਆਉਣਗੀਆਂ। ਇਸ ਸਬੰਧੀ 4 ਅਪਰੈਲ ਨੂੰ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲੇ ਦੀ ਤਰਫੋਂ ਜਾਰੀ ਇੱਕ ਆਦੇਸ਼ 'ਚ ਕਿਹਾ ਗਿਆ ਹੈ ਕਿ ਦੇਸ਼ 'ਚ ਚੱਲਣ ਵਾਲੇ ਟੀ ਵੀ ਚੈਨਲਾਂ ਅਤੇ ਅਖਬਾਰਾਂ ਲਈ ਨਿਯਮ ਬਣੇ ਹੋਏ ਹਨ। ਜੇ ਉਹ ਇਹਨਾਂ ਕਾਨੂੰਨਾਂ ਦੀ ਉਲੰਘਣਾ ਕਰਦੇ ਹਨ ਤਾਂ ਉਸ ਨਾਲ ਨਜਿੱਠਣ ਲਈ ਪਰੈਸ ਕੌਂਸਲ ਆਫ ਇੰਡੀਆ ਵਰਗੀਆਂ ਸੰਸਥਾਵਾਂ ਵੀ ਹਨ, ਪਰ ਆਨਲਾਈਨ ਮੀਡੀਆ ਲਈ ਅਜਿਹੀ ਕੋਈ ਵਿਵਸਥਾ ਨਹੀਂ, ਇਸ ਨੂੰ ਧਿਆਨ ਵਿੱਚ ਰੱਖਦਿਆਂ ਆਨਲਾਈਨ ਮੀਡੀਆ ਲਈ ਰੈਗੂਲੇਟਰੀ ਢਾਂਚਾ ਕਿਸ ਤਰਾਂ ਬਣਾਇਆ ਜਾਵੇ, ਇਸ ਲਈ ਇੱਕ ਕਮੇਟੀ ਦਾ ਗਠਨ ਕੀਤਾ ਜਾ ਰਿਹਾ ਹੈ। 
ਮੰਤਰਾਲੇ ਵੱਲੋਂ ਬਣਾਈ ਗਈ ਇਹ ਕਮੇਟੀ 10 ਮੈਂਬਰੀ ਹੈ, ਜਿਸ 'ਚ ਸੂਚਨਾ ਤੇ ਪ੍ਰਸਾਰਨ, ਕਾਨੂੰਨ, ਗਰਿਹ, ਆਈ ਟੀ ਮੰਤਰਾਲਾ ਅਤੇ ਡਿਪਾਰਟਮੈਂਟ ਆਫ ਇੰਡਸਟਰੀਅਲ ਪਾਲਿਸੀ ਐਂਡ ਪਰਮੋਸ਼ਨ ਦੇ ਸਕੱਤਰਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਚੀਫ ਐਗਜ਼ੀਕਿਊਟਿਵ, ਪਰੈਸ ਕੌਂਸਲ, ਨਿਊਜ਼ ਬਰਾਡਕਾਸਟਰਜ਼ ਐਸੋਸੀਏਸ਼ਨ ਅਤੇ ਇੰਡੀਅਨ ਬਰਾਡਕਾਸਟਰਜ਼ ਐਸੋਸੀਏਸ਼ਨ ਦੇ ਪ੍ਰਤੀਨਿਧੀਆਂ ਨੂੰ ਵੀ ਮੈਂਬਰ ਬਣਾਇਆ ਗਿਆ ਹੈ। ਇਸ ਕਮੇਟੀ ਨੂੰ ਆਨਲਾਈਨ ਮੀਡੀਆ, ਨਿਊਜ਼ ਪੋਰਟਲ ਅਤੇ ਆਨਲਾਈਨ ਕੰਟੈਂਟ ਪਲੇਟਫਾਰਮ ਵਾਸਤੇ ਵਾਜਬ ਨੀਤੀਆਂ ਦੀ ਸਿਫਾਰਸ਼ ਕਰਨ ਲਈ ਕਿਹਾ ਗਿਆ ਹੈ। ਅਜਿਹਾ ਕਰਦੇ ਸਮੇਂ ਪਰਤੱਖ  ਵਿਦੇਸ਼ੀ ਨਿਵੇਸ਼ (ਐੱਫ ਡੀ ਆਈ), ਟੀ ਵੀ ਚੈਨਲਾਂ ਦੇ ਪਰੋਗਰਾਮ ਤੇ ਵਿਗਿਆਪਨ ਜ਼ਾਬਤੇ ਸਮੇਤ ਪੀ ਸੀ ਆਈ ਦੇ ਨਿਯਮਾਂ ਨੂੰ ਵੀ ਧਿਆਨ 'ਚ ਰੱਖਿਆ ਜਾਵੇਗਾ। 
ਜ਼ਿਕਰਯੋਗ ਹੈ ਕਿ ਆਨਲਾਈਨ ਮੀਡੀਆ 'ਤੇ ਨਿਗਰਾਨੀ ਰੱਖਣ ਲਈ ਨਿਯਮ-ਕਾਨੂੰਨ ਬਣਾਉਣ ਦੀ ਖਾਤਰ ਇਸ ਕਮੇਟੀ ਦਾ ਗਠਨ ਅਜਿਹੇ ਸਮੇਂ ਕੀਤਾ ਗਿਆ ਹੈ, ਜਦ ਜਾਅਲੀ ਖਬਰਾਂ ਨੂੰ ਲੈ ਕੇ ਪ੍ਰਸਾਰਣ ਮੰਤਰਾਲੇ ਦੇ ਆਦੇਸ਼ 'ਤੇ ਵੱਡਾ ਵਿਵਾਦ ਖੜਾ ਹੋ ਕੇ ਹਟਿਆ ਹੈ।
 ਫੇਕ ਨਿਊਜ਼ 'ਤੇ ਦਿਸ਼ਾ-ਨਿਰਦੇਸ਼ਾਂ ਨੂੰ ਵਾਪਸ ਲਿਆਉਣ ਦੇ ਬਾਅਦ ਸੂਚਨਾ ਪ੍ਰਸਾਰਨ ਮੰਤਰਾਲੇ ਨੇ ਬੁੱਧਵਾਰ ਨੂੰ ਇਕ ਨਵੀਂ ਕਮੇਟੀ ਬਣਾਈ ਹੈ। ਇਹ ਕਮੇਟੀ ਆਨਲਾਈਨ ਮੀਡੀਆ ਅਤੇ ਨਿਊਜ਼ ਪੋਰਟਲ ਨਿਯਮਿਤ ਕਰਨ ਦੇ ਲਈ ਕਾਨੂੰਨ ਤੈਅ ਕਰੇਗੀ। ਇਸ ਕਮੇਟੀ 'ਚ ਦੱਸ ਮੈਂਬਰ ਹੋਣਗੇ, ਜਿਸ ਦੀ ਅਗਵਾਈ ਸੂਚਨਾ ਅਤੇ ਪ੍ਰਸਾਰਨ ਸਕੱਤਰ ਕਰਨਗੇ। ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਸਕੱਤਰ ਦੇ ਇਲਾਵਾ ਮੰਤਰਾਲੇ ਵੱਲੋਂ ਦਿੱਤੇ ਗਏ ਆਦੇਸ਼ ਦੇ ਮੁਤਾਬਕ ਕਮੇਟੀ ਨੂੰ ਆਨਲਾਈਨ ਮੀਡੀਆ/ਨਿਊਜ਼ ਪੋਰਟਲ ਅਤੇ ਆਨਲਾਈਨ ਸਮੱਗਰੀ ਪਲੇਟਫਾਰਮ ਦੇ ਲਈ ਉੱਚਿਤ ਨੀਤੀ ਤਿਆਰ ਕਰਨ ਦੀ ਸਲਾਹ ਦੇਣੀ ਹੋਵੇਗੀ।
ਸਰਕਾਰ ਦਾ ਮੰਨਣਾ ਹੈ ਕਿ ਆਨਲਾਈਨ ਮੀਡੀਆ, ਨਿਊਜ਼ ਪੋਰਟਲ ਅਤੇ ਡਿਜੀਟਲ ਬਰਾਡਕਾਸਟਿੰਗ ਦੇ ਲਈ ਕੋਈ ਦਿਸ਼ਾ-ਨਿਰਦੇਸ਼ ਅਤੇ ਮਾਨਦੰਡ ਨਹੀਂ ਹੈ। ਇਸ ਦੇ ਲਈ ਡਿਜੀਟਲ ਪ੍ਰਸਾਰਨ ਅਤੇ ਮਨੋਰੰਜਨ/ਅਨਪੜ੍ਹਤਾ ਸਾਈਟਾਂ ਅਤੇ ਨਿਊਜ਼/ਮੀਡੀਆ ਇਕਾਈ ਸਮੇਤ ਆਨਲਾਈਨ ਮੀਡੀਆ ਨਿਊਜ਼ ਪੋਰਟਲ ਦੇ ਲਈ ਇਕ ਰੈਗੂਲੇਟਰ ਢਾਂਚੇ ਦਾ ਸੁਝਾਅ ਦੇਣ ਅਤੇ ਉਸ ਨੂੰ ਬਣਾਉਣ ਦੇ ਲਈ ਇਕ ਕਮੇਟੀ ਗਠਿਤ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਕੁਝ ਦਿਨ ਪਹਿਲੇ ਮੈਡਮ ਇਰਾਨੀ ਨੇ ਕਿਹਾ ਸੀ ਕਿ ਸਰਕਾਰ ਦੇ ਸਾਹਮਣੇ ਇਹ ਚੁਣੌਤੀ ਹੈ ਕਿ ਸਾਨੂੰ ਇਸ ਤਰਾਂ ਦੀ ਸੁਰੱਖਿਆ ਪਾਲਿਸੀ ਬਣਾਉਣ ਲਈ ਕਦਮ ਚੁੱਕਣੇ ਹੋਣਗੇ ਜੋ ਬੋਲਣ ਦੀ ਆਜ਼ਾਦੀ ਦੇ ਅਧਿਕਾਰ ਨੂੰ ਤਾਂ ਸਪੱਸ਼ਟ ਕਰ ਸਕੇ ਪਰ ਲੋਕਾਂ ਨੂੰ ਦੰਗਾ ਭੜਕਾਉਣ ਦਾ ਵੀ ਅਧਿਕਾਰ ਨਾ ਦੇਵੇ। 
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਇਰਾਨੀ ਮੰਤਰਾਲੇ ਨੇ ਫੇਕ ਨਿਊਜ਼ ਵਾਲੇ ਪੱਤਰਕਾਰਾਂ ਦੇ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਗਏ ਸੀ। ਇਹਨਾਂ ਦਿਸ਼ਾ-ਨਿਰਦੇਸ਼ਾਂ ਦੇ ਮੁਤਾਬਕ ਇਹ ਕਿਹਾ ਗਿਆ ਸੀ ਕਿ ਜੇਕਰ ਕੋਈ ਵੀ ਪੱਤਰਕਾਰ ਫੇਕ ਨਿਊਜ਼ ਦਿਖਾਉਂਦਾ ਹੈ ਤਾਂ ਉਸ ਦੀ ਮਾਨਤਾ ਰੱਦ ਕਰ ਦਿੱਤੀ ਜਾਵੇਗੀ। ਜਿਸ ਦਾ ਪੱਤਰਕਾਰਾਂ ਨੇ ਕਾਫੀ ਵਿਰੋਧ ਕੀਤਾ ਸੀ। ਹਾਲਾਂਕਿ ਪਰ੍ਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਖੁਦ ਇਸ ਮਾਮਲੇ 'ਚ ਦਖਲ ਦਿੱਤਾ ਅਤੇ ਮੰਤਰਾਲੇ ਨੂੰ ਫੇਕ ਨਿਊਜ਼ 'ਤੇ ਲਈ ਆਪਣੇ ਆਦੇਸ਼ ਨੂੰ ਵਾਪਸ ਲੈਣ ਨੂੰ ਕਿਹਾ ਸੀ।

"ਕੋਬਰਾ ਪੋਸਟ" ਨੇ ਲਿਆਂਦਾ "ਵਿਕਾਊ ਮੀਡੀਆ" ਨੂੰ ਲੋਕਾਂ ਦੇ ਕਟਹਿਰੇ ਵਿੱਚ

ਮੀਡੀਆ ਅਤੇ ਪਾਠਕ ਦੇ ਰਿਸ਼ਤੇ ਵਿੱਚ ਵੱਧ ਰਿਹਾ ਹੈ ਫਾਸਲਾ: ਹਰਤੋਸ਼ ਬੱਲ

ਆਨ ਲਾਈਨ ਮੀਡੀਆ ਦੀ ਇੱਕ ਜਰੂਰੀ ਮੀਟਿੰਗ 28 ਦਸੰਬਰ ਨੂੰ ਲੁਧਿਆਣਾ ਵਿੱ

ਜਦੋਂ ਪੱਤਰਕਾਰੀ ਸਰਕਾਰੀ ਪ੍ਰਚਾਰ ਹੋ ਨਿੱਬੜੀ

ਧੜੇਬੰਦਕ ਸਿਆਸਤ ਅਤੇ ਪੰਜਾਬੀ ਅਖਬਾਰ//ਅਮੋਲਕ ਸਿੰਘ ਜੰਮੂ

ਜਾਨਵਰ ਨੂੰ ਬਿਨਾ ਬੋਲੇ ਇੰਨਸਾਫ ਮਿਲ਼ ਗਿਆ ਪਰ ਇਨਸਾਨਾਂ ਦੀ ਵਾਰੀ ਕਦੋਂ ?

ਸਿੱਖ 1984 ਤੋਂ ਚੀਖ ਰਹੇ ਨੇ ਪਰ ਕੋਈ ਇੰਨਸਾਫ ਨਹੀਂ
ਲੁਧਿਆਣਾ: 6 ਅਪਰੈਲ 2018: (ਪੰਜਾਬ ਸਕਰੀਨ ਬਿਊਰੋ)::
ਅੱਜ ਇਤਿਹਾਸਿਕ ਫੈਸਲੇ ਵਿੱਚ ਕਾਲੇ ਹਿਰਨ ਨੂੰ ਮਾਰਨ ਤੇ ਸਲਮਾਨ ਖਾਨ ਨੂੰ ਸਜਾ ਸੁਣਾ ਦਿੱਤੀ ਗਈ, ਇਹ ਚੰਗੀ ਗੱਲ ਹੈ ਜਾਨਵਰ ਨੂੰ ਮਾਰਨਾ ਗੁਨਾਹ ਹੈ ਪਰ ਕੀ ਭਾਰਤੀ ਅਦਾਲਤਾਂ ਨੂੰ ਨਵੰਬਰ 1984 ਇੰਨਸਾਫ ਲਈ ਚੀਖ ਰਹੇ ਲੋਕ ਦਿਖਾਈ ਨਹੀਂ ਦਿੰਦੇ ।ਭਾਰਤ ਦੇ 26 ਰਾਜਾਂ ਵਿੱਚ ਹਜਾਰਾਂ ਸਿੱਖਾਂ ਨੂੰ ਕੋਹ ਕੋਹ ਕੇ ਮਾਰਿਆ ਗਿਆ, ਬਲਦੇ ਟਾਇਰ ਉਹਨਾਂ ਦੇ ਗਲਾਂ ਵਿੱਚ ਪਾਏ ਗਏ, ਪਰ ਕੋਈ ਇੰਨਸਾਫ ਨਹੀਂ। ਸਿੱਖਾਂ ਨਾਲ਼ੋ ਤਾਂ ਇਸ ਦੇਸ਼ ਵਿੱਚ ਹਿਰਨ ਕਿਸਮਤ ਵਾਲ਼ੇ ਹਨ ਜੀਹਨਾਂ ਨੂੰ ਬਿਨਾ ਬੋਲੇ ਇੰਨਸਾਫ ਤਾਂ ਮਿਲ਼ ਗਿਆ ਪਰ ਹਜ਼ਾਰਾਂ ਸਿੱਖਾਂ ਨੂੰ ਮਾਰਨ ਵਾਲ਼ੇ, ਧੀਆਂ ਭੈਣਾ ਨੂੰ ਸਰੇ ਬਜ਼ਾਰ ਬੇਪੱਤ ਕਰਨ ਵਾਲ਼ੇ, ਉਹਨਾਂ ਦੇ ਘਰ ਬਾਰ ਉਜਾੜਨ ਵਾਲ਼ੇ ਸੱਜਣ ਕੁਮਾਰ, ਟਾਈਟਲਰ ਵਰਗੇ ਗੁੰਡੇ ਰਾਜਗੱਦੀਆਂ ਮਾਣਦੇ ਹਨ। ਚਾਰੇ ਪਾਸੇ ਹਿਰਨ ਮਾਰਨ ਦਾ ਮੁੱਦਾ ਛਾਇਆ ਹੋਇਆ ਹੈ , ਇਹਨਾਂ ਲਈ ਹਜਾਰਾਂ ਸਿੱਖਾਂ ਨੂੰ ਮਾਰਨ ਦਾ ਕੋਈ ਮੁੱਦਾ ਹੀ ਨਹੀਂ , ਕਦੇ ਕਦੇ ਤਾਂ ਇਸ ਤਰਾਂ ਪਰਤੀਤ ਹੁੰਦਾ ਹੈ ਕਿ ਇਹ ਦੇਸ਼ ਨਹੀਂ 'ਚਿੜੀਆਘਰ' ਹੈ। ਇਹਨਾਂ ਗੱਲਾਂ ਦਾ ਪਰਗਟਾਵਾ ਹੋਂਦ ਚਿੱਲੜ ਤਾਲਮੇਲ ਕਮੇਟੀ ਦੇ ਪਰ੍ਧਾਨ ਇੰਜੀ.ਮਨਵਿੰਦਰ ਸਿੰਘ ਗਿਆਸਪੁਰਾ ਨੇ ਪੱਤਰਕਾਰਾਂ ਨੂੰ ਭੇਜੇ ਪਰੈਸ ਨੋਟ ਵਿੱਚ ਕੀਤਾ। ਉਹਨਾਂ ਅੱਗੇ ਕਿਹਾ ਕਿ ਬਿਸ਼ਨੋਈ ਸਮਾਜ ਜਿਹਨਾਂ ਨੇ ਕਾਲ਼ੇ ਹਿਰਨ ਦੀ ਲੜਾਈ ਲੜੀ ਹੈ ਸਿੱਖਾਂ ਨਾਲ਼ੋ ਤਕੜੇ ਹਨ, ਅਫਸੋਸ ਸਿੱਖਾਂ ਦੇ ਆਗੂ ਸਿਰਫ ਬਿਆਨਬਾਜੀ ਤੱਕ ਸੀਮਿਤ ਹਨ। ਸ਼ਰੋਮਣੀ ਗੁਰਦੁਆਰਾ ਪਰਬੰਧਕ ਕਮੇਟੀ ਨੂੰ ਬਿਸ਼ਨੋਈ ਸਮਾਜ ਤੋਂ ਸੇਧ ਲੈਂਦੇ ਹੋਏ ਸਿੱਖਾਂ ਦੀ ਇੰਨਸਾਫ ਲਈ ਲੜੀ ਜਾ ਰਹੀ ਜੰਗ ਵਿੱਚ ਮੋਹਰੀ ਰੋਲ ਅਦਾ ਕਰਨਾ ਚਾਹੀਦਾ ਹੈ ਪਰ ਅਫਸੋਸ ਸ਼ਰੋਮਣੀ ਕਮੇਟੀ ਦੇ ਉੱਚ ਅਧਿਕਾਰੀ ਇੰਨਸਾਫ ਲਈ ਲੜਨ ਵਾਲ਼ਿਆਂ ਨਾਲ ਬੜਾ ਮਾੜਾ ਵਿਵਹਾਰ ਕਰਦੇ ਹਨ। ਪੀੜਤਾਂ ਦੇ ਪਰਿਵਾਰ ਧੱਕੇ ਖਾ ਰਹੇ ਹਨ ਅਤੇ ਇਹ ਆਪਣੀ ਐਸ਼ਪ੍ਰ੍ਸਤੀ ਵਿੱਚ ਮਸਤ ਹਨ। ਭਾਰਤ ਅੰਦਰ ਦੋ ਕਿਸਮ ਦਾ ਕਾਨੂੰਨ ਚੱਲਦਾ ਹੈ ਸਿੱਖਾਂ ਅਤੇ ਘੱਟਗਿਣਤੀਆਂ ਲਈ ਕਨੂੰਨ ਹੋਰ ਹੈ ਅਤੇ ਦੂਸਰਿਆਂ ਲਈ ਕਾਨੂੰਨ ਹੋਰ, ਸੋਚਣ ਵਾਲ਼ੀ ਗੱਲ ਹੈ ਕਿ ਮੁਸਲਮਾਨ ਸਲਮਾਨ ਖਾਨ ਕਹਿੰਦਾ ਕਿ ਉਸ ਨੇ ਕੋਈ ਹਿਰਨ ਨਹੀਂ ਮਾਰਿਆ ਤੇ ਉਸ ਨੂੰ ਪੰਜ ਸਾਲ ਦੀ ਸਜ਼ਾ ਅਤੇ ਦੂਸਰੇ ਪਾਸੇ ਜਗਦੀਸ਼ ਟਾਈਟਲਰ ਸ਼ਰੇਆਮ ਕਹਿੰਦਾ ਕਿ ਉਸ ਨੇ 100 ਸਿੱਖ ਮਾਰੇ ਨੇ, ਇਸ ਕਬੂਲਨਾਮੇ ਦੇ ਬਾਵਜੂਦ ਉਸ ਨੂੰ ਰਾਜਗੱਦੀ। ਸਿੱਖਾਂ ਅਤੇ ਘੱਟਗਿਣਤੀਆਂ ਲਈ ਸੋਚਣ ਦੀ ਘੜੀ ਹੈ ਕਿ ਉਹਨਾਂ ਨੇ ਕੀ ਕਰਨਾ ਹੈ। 

Wednesday, April 04, 2018

ਕੀ ਅੰਮ੍ਰਿਤਸਰ ਤੋਂ ਹੋ ਸਕੇਗੀ ਸੀਪੀਆਈ ਪੰਜਾਬ ਦੀ ਮੁੜ ਨਵੀਂ ਸ਼ੁਰੂਆਤ ?

ਕਾਮਰੇਡ ਸੁਧਾਕਰ ਰੈਡੀ ਨੇ ਮੀਡੀਆ ਨੂੰ ਵੀ ਲੰਮੇ ਹੱਥੀਂ ਲਿਆ 
ਅੰਮ੍ਰਿਤਸਰ: 4 ਅਪਰੈਲ  2018 (ਪੰਜਾਬ ਸਕਰੀਨ ਬਿਊਰੋ)::
ਅੱਤਵਾਦ ਖਿਲਾਫ ਲੜੀ ਗਈ ਲੰਮੀ ਲੜਾਈ ਅਤੇ ਉਸਤੋਂ ਬਾਅਦ ਪੈਦਾ ਹੋਈਆਂ ਹਾਲਤਾਂ ਨੇ ਖੱਬੀ ਮੁਹਿੰਮ 'ਤੇ ਬੁਰੀ ਤਰਾਂ ਅਸਰ ਪਾਇਆ। ਇਸ ਦਾ ਮਾੜਾ ਪ੍ਰਭਾਵ ਸੀਪੀਆਈ 'ਤੇ ਵੀ ਪਿਆ। ਇਸਦੇ ਬਾਵਜੂਦ ਸੀਪੀਆਈ ਨੇ ਆਪਣਾ ਵਿਚਾਰਧਾਰਕ ਪੈਂਤੜਾ ਨਹੀਂ ਬਦਲਿਆ। ਅੱਜ ਦੇ ਨਾਜ਼ੁਕ ਹਾਲਾਤਾਂ ਵਿੱਚ ਵੀ ਸੀਪੀਆਈ ਫਿਰ ਆਪਣੇ ਪੁਰਾਣੇ ਸ਼ਕਤੀਸ਼ਾਲੀ ਸਰੂਪ ਨੂੰ ਸੁਰਜੀਤ ਕਰਨ ਦੀਆਂ ਕੋਸ਼ਿਸ਼ਾਂ ਵਿੱਚ ਹੈ। ਇਸੇ ਦੌਰਾਨ ਸੀਪੀਆਈ ਦੀ 23ਵੀਂ ਸੂਬਾਈ ਪਾਰਟੀ ਕਾਨਫਰੰਸ ਅੰਮ੍ਰਿਤਸਰ ਦੀ ਧਰਤੀ 'ਤੇ ਸ਼ੁਰੂ ਹੋਈ। ਉਹੀ ਧਰਤੀ ਜਿੱਥੇ ਕਦੇ ਸੀਪੀਆਈ ਨੇ ਬਹੁਤ ਵੱਡੀਆਂ ਚੁਣੌਤੀਆਂ ਕਬੂਲੀਆਂ ਸਨ। ਇਹਨਾਂ ਨਾਜ਼ੁਕ ਹਾਲਤਾਂ ਦੌਰਾਨ ਪਾਰਟੀ ਦੀ ਸਥਾਨਕ ਅਗਵਾਈ ਕਾਮਰੇਡ ਸਤਪਾਲ ਡਾਂਗ ਅਤੇ ਕਾਮਰੇਡ ਪਰਦੁੱਮਣ ਸਿੰਘ ਦੇ ਹੱਥਾਂ ਵਿੱਚ ਸੀ। ਕਾਨਫਰੰਸ ਵਾਲੇ ਹਾਲ ਦਾ ਨਾਮ ਉਸ ਇਤਿਹਾਸਿਕ ਸਿਆਸੀ ਜੋੜੀ ਦੇ ਇੱਕ ਅਹਿਮ ਕਾਮਰੇਡ ਪਰਦੁੱਮਣ 'ਤੇ ਸਿੰਘ ਦੇ ਨਾਮ ਰੱਖਿਆ ਗਿਆ ਹੈ। ਉਸ ਦੌਰ ਨੇ ਸੀਪੀਆਈ ਦੀਆਂ ਕੁਰਬਾਨੀਆਂ ਦਾ ਇੱਕ ਨਵਾਂ ਇਤਿਹਾਸ ਰਚਿਆ ਸੀ। ਕਾਮਰੇਡ ਸਤਪਾਲ ਡਾਂਗ ਅਤੇ ਪਰਦੁੱਮਣ ਸਿੰਘ ਨੇ ਰਚਿਆ ਸੀ ਨਵਾਂ ਇਤਿਹਾਸ 
ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਕੌਮੀ ਜਨਰਲ ਸਕੱਤਰ ਕਾਮਰੇਡ ਐੱਸ. ਸੁਧਾਕਰ ਰੈਡੀ ਨੇ ਕੇਂਦਰ ਦੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ ਦੀਆਂ ਆਰਥਿਕ ਨੀਤੀਆਂ ਵਿਰੁੱਧ ਅਤੇ ਫਿਰਕੂ ਲੀਹਾਂ 'ਤੇ ਲੋਕਾਂ ਵਿੱਚ ਜਾਤੀਵਾਦੀ ਤੇ ਧਰਮਵਾਦੀ ਫੁੱਟ ਪਾਉਣ ਦੇ ਘਿਨਾਉਣੇ ਮਨਸੂਬਿਆਂ ਵਿਰੁੱਧ ਦੇਸ਼ ਦੇ ਸਮੂਹ ਧਰਮਾਂ ਦੇ ਲੋਕਾਂ ਨੂੰ ਲਾਮਬੰਦ ਹੋਣ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਮੋਦੀ ਤੇ ਭਾਜਪਾ ਨੂੰ ਹਰਾਉਣਾ ਜ਼ਰੂਰੀ ਹੈ, ਜੋ ਔਖਾ ਵੀ ਨਹੀਂ ਹੈ, ਜਦ ਕਿ ਕੁਝ ਮੀਡੀਆ ਚੈਨਲ ਜ਼ਰੂਰ ਮੋਦੀ ਦੇ ਗੁਣਗਾਣ ਕਰਨ ਵਿੱਚ ਲੱਗੇ ਹੋਏ ਹਨ, ਜੋ ਕਿ ਲੋਕਤੰਤਰ ਦੇ ਚੌਥੇ ਥੰਮ ਦੀ ਮਰਿਆਦਾ ਦੇ ਉਲਟ ਹੈ। 
ਸਥਾਨਕ ਵਿਸ਼ਵਵਿਦਿਆਲ ਦੇ ਸਾਹਮਣੇ ਕਬੀਰ ਪਾਰਕ ਦੀ ਖੁੱਲੀ ਗਰਾਊਂਡ ਵਿੱਚ ਇੱਕ ਵਿਸ਼ਾਲ ਤੇ ਜੋਸ਼ ਭਰਪੂਰ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਾਮਰੇਡ ਐੱਸ ਸੁਧਾਕਰ ਨੇ ਹਿੱਕ ਦੇ ਜ਼ੋਰ ਨਾਲ 23ਵੀਂ ਸੂਬਾ ਪੱਧਰੀ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਭਾਰਤੀ ਜਨਤਾ ਪਾਰਟੀ ਦੀ ਮੋਦੀ ਸਰਕਾਰ ਦੀਆਂ ਆਰਥਿਕ ਨੀਤੀਆਂ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਐੱਨ ਡੀ ਏ ਦੀ ਸਰਕਾਰ ਨੇ ਅਮੀਰ-ਗਰੀਬ ਦੇ ਪਾੜੇ ਇੰਨੇ ਵਧਾ ਦਿੱਤੇ ਹਨ ਕਿ ਅਮੀਰ ਹੋਰ ਅਮੀਰ ਹੋਈ ਜਾ ਰਿਹਾ ਹੈ ਤੇ ਗਰੀਬ ਜਲਾਲਤ ਭਰੀ ਜ਼ਿੰਦਗੀ ਜਿਉਣ ਲਈ ਮਜਬੂਰ ਹੈ। ਕਾਰਪੋਰੇਟ ਸੈਕਟਰ ਦਿਨ ਦੁੱਗਣੀ ਤੇ ਰਾਤ ਚੌਗੁਣੀ ਤਰੱਕੀ ਕਰਕੇ ਦੇਸ਼ ਦੇ ਹਰ ਪ੍ਰਕਾਰ ਦੇ ਖਣਿਜ ਨੂੰ ਲੁੱਟ ਰਿਹਾ ਹੈ। ਅੰਡਾਨੀ, ਅੰਬਾਨੀ, ਟਾਟੇ ਬਿਰਲੇ ਤੇ ਮਹਿੰਦਰਾ ਸ਼ਿੰਦਰਾ ਵਰਗੇ ਘਰਾਣੇ ਦੇਸ਼ ਦਾ ਸਰਮਾਇਆ ਇੱਕ ਥਾਂ ਇਕੱਠਾ ਕਰੀ ਜਾ ਰਹੇ ਹਨ। ਅੱਜ 90 ਫੀਸਦੀ ਲੋਕ ਆਰਥਿਕ ਸੰਕਟ ਦਾ ਸ਼ਿਕਾਰ ਹਨ ਤੇ ਗਰੀਬ ਨੂੰ ਦੋ ਸਮੇਂ ਦੀ ਰੋਟੀ ਵੀ ਮਿਲਣੀ ਮੁਸ਼ਕਲ ਹੋਈ ਪਈ ਹੈ। ਸਰਕਾਰ ਦੀ ਨੀਤੀ ਜਨਤਕ ਅਦਾਰੇ ਖਤਮ ਕਰਕੇ ਨਿੱਜੀਕਰਨ ਤੇ ਨਵ-ਉਦਾਰੀਕਰਨ ਦੀਆਂ ਨੀਤੀਆਂ ਨੂੰ ਜ਼ੋਰ-ਸ਼ੋਰ ਨਾਲ ਅੱਗੇ ਵਧਾਉਣਾ ਹੈ ਤੇ ਲਾਭ ਵਾਲੇ ਜਨਤਕ ਅਦਾਰੇ ਵੀ ਨਿੱਜੀ ਕੰਪਨੀਆਂ ਦੇ ਹਵਾਲੇ ਕਰ ਦਿੱਤੇ ਗਏ ਹਨ, ਜਿਸ ਕਾਰਨ ਬੇਰੁਜ਼ਗਾਰੀ, ਮਹਿੰਗਾਈ ਅਤੇ ਗਰੀਬੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋ ਰਿਹਾ ਹੈ। 
ਉਹਨਾਂ ਕਿਹਾ ਕਿ ਭਾਜਪਾ ਦੇ ਜਿਹੜੇ ਵੀ ਪਹਿਲੂ ਨੂੰ ਹੱਥ ਲਾਇਆ ਜਾਵੇ, ਉਹੀ ਹੀ ਵਿਨਾਸ਼ਕਾਰੀ ਸਾਬਤ ਹੋ ਰਿਹਾ ਹੈ। ਰਸਸ ਦੇ ਕੰਟਰੋਲ ਵਾਲੀ ਭਾਜਪਾ ਸਰਕਾਰ ਦੇਸ਼ ਨੂੰ ਫਿਰਕੂ ਤੇ ਜਜ਼ਬਾਤੀ ਲੀਹਾਂ 'ਤੇ ਕਤਾਰਬੰਦ ਕਰਨ 'ਤੇ ਤੁਲੀ ਹੋਈ ਹੈ। ਉਹਨਾ ਕਿਹਾ ਕਿ ਸੀ ਪੀ ਆਈ ਦੀ ਅਗਵਾਈ ਹੇਠ ਅਵਾਮ ਪੰਥੀ ਮੋਰਚਾ ਸਮੁੱਚੇ ਖੱਬੇ ਪੱਖੀ ਧਿਰਾਂ ਨੇ ਪਿਛਾਂਹ-ਖਿੱਚੂ ਆਰਥਿਕ ਨੀਤੀਆਂ ਵਿਰੁੱਧ ਅਤੇ ਫਾਸ਼ੀ ਫਿਰਕੂ ਤਾਕਤਾਂ ਦੇ ਖਤਰੇ ਵਿਰੁੱਧ ਲੜਨ ਲਈ ਸਿਰ 'ਤੇ ਮੜਾਸਾ ਬੰਨ੍ਹ ਲਿਆ ਹੈ ਤੇ ਮੋਦੀ ਸਰਕਾਰ ਨੂੰ ਚਾਰੋਂ ਤਰਫ ਘੇਰ ਕੇ ਉਸ ਦੀਆਂ ਫਿਰਕੂ ਤੇ ਦੇਸ਼ ਵਿਰੋਧੀ ਨੀਤੀਆਂ ਨੂੰ ਨਾਕਾਮ ਕਰਨਾ ਹੈ। ਉਹਨਾਂ ਕਿਹਾ ਕਿ ਸੀ ਪੀ ਆਈ ਵੱਲੋਂ ਜੰਗੀ ਪੱਧਰ 'ਤੇ ਕੋਸ਼ਿਸ਼ਾਂ ਜਾਰੀ ਹਨ ਕਿ 2019 ਦੇ ਚੋਣ ਮਹਾਂਭਾਰਤ ਲਈ ਧਰਮ ਨਿਰਪੱਖ, ਜਮਹੂਰੀ ਤੇ ਆਰਥਿਕ ਕਦਰਾਂ-ਕੀਮਤਾਂ ਨੂੰ ਮਜ਼ਬੂਤ ਕਰਨ ਵਾਲਾ ਮੋਰਚਾ ਕਾਇਮ ਕੀਤਾ ਜਾਵੇ ਤਾਂ ਕਿ ਫਾਸ਼ੀਵਾਦੀਆਂ ਨੂੰ ਪਛਾੜਿਆ ਜਾ ਸਕੇ। ਮੱਧ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਬਿਹਾਰ, ਬੰਗਾਲ ਆਦਿ ਸੂਬਿਆਂ ਵਿੱਚ ਹੋਈਆਂ ਉਪ ਚੋਣਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਮੋਦੀ ਤੇ ਭਾਜਪਾ ਦਾ ਪਾਣੀ ਲਹਿਣਾ ਸ਼ੁਰੂ ਹੋ ਗਿਆ ਹੈ। ਉਹਨਾ ਕਿਹਾ ਕਿ ਦੇਸ਼ ਦੀ ਆਰਥਿਕਤਾ ਤੇ ਧਰਮ ਨਿਰਪੱਖਤਾ ਨੂੰ ਮਜ਼ਬੂਤ ਕਰਨ ਲਈ ਫਿਰਕੂਵਾਦੀ ਭਾਜਪਾ ਤੇ ਉਸ ਦੇ ਸਹਿਯੋਗੀਆਂ ਨੂੰ ਹਰਾਉਣਾ ਬਹੁਤ ਜ਼ਰੂਰੀ ਹੈ, ਜਿਸ ਦਾ ਮੁੱਢ ਪੰਜਾਬ ਦੇ ਲੋਕਾਂ ਨੇ ਬੰਨ੍ਹ ਦਿੱਤਾ ਹੈ। ਉਹਨਾ ਕਿਹਾ ਕਿ ਦੇਸ਼ ਵਿੱਚ ਪਿਛਲੇ ਤਿੰਨ ਸਾਲਾਂ ਵਿੱਚ ਸੈਂਕੜੇ ਕਿਸਾਨ ਖੁਦਕੁਸ਼ੀਆਂ ਕਰ ਗਏ ਹਨ, ਜਿਸ ਲਈ ਮੋਦੀ ਸਰਕਾਰ ਜ਼ਿੰਮੇਵਾਰ ਹੈ। ਉਹਨਾ ਕਿਹਾ ਕਿ ਜਿਸ ਤਰੀਕੇ ਨਾਲ ਮਹਾਂਰਾਸ਼ਟਰ ਵਿੱਚ ਲਾਲ ਝੰਡੇ ਦੀ ਕਮਾਂਡ ਹੇਠ ਕਿਸਾਨਾਂ ਨੇ ਇੱਕ ਮਾਰਚ ਕਰਕੇ ਸਰਕਾਰ ਦੀ ਬੋਲਤੀ ਬੰਦ ਕਰ ਦਿੱਤੀ ਸੀ, ਅਜਿਹਾ ਹੀ ਮੋਰਚਾ ਪੂਰੇ ਭਾਰਤ ਵਿੱਚ ਸਥਾਪਤ ਕਰਨ ਦੀ ਲੋੜ ਹੈ। ਉਹਨਾ ਕਿਹਾ ਕਿ ਵਿਦਿਅਕ ਅਦਾਰੇ ਦੇਸ਼ ਦੇ ਭਵਿੱਖ ਦੇ ਨਿਰਮਾਤਾ ਹੁੰਦੇ ਪਰ ਦੇਸ਼ ਦੇ ਸਭ ਵੱਡੇ ਵਿਸ਼ਵ ਵਿਦਿਆਲੇ ਜੇ ਐੱਨ ਯੂ ਨੂੰ ਬਰਬਾਦ ਕਰਨ ਵਿੱਚ ਭਾਜਪਾ ਨੇ ਕੋਈ ਕਸਰ ਬਾਕੀ ਨਹੀਂ ਛੱਡੀ, ਪਰ ਵਿਦਿਆਰਥੀਆਂ ਨੇ ਜੇਲ੍ਹਾਂ ਕੱਟ ਕੇ ਵੀ ਇਸ ਨੂੰ ਬਚਾਉਣ ਵਿੱਚ ਪੂਰਾ-ਪੂਰਾ ਯੋਗਦਾਨ ਪਾਇਆ ਹੈ ਤੇ ਭਗਵਾਂਧਾਰੀਆਂ ਨੂੰ ਬਹੁਤ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਕਾਮਰੇਡ ਅਮਰਜੀਤ ਕੌਰ ਜਨਰਲ ਸਕੱਤਰ ਏਟਕ ਨੇ ਕਿਰਤੀਆਂ ਦੇ ਅਧਿਕਾਰਾਂ 'ਤੇ ਮੋਦੀ ਸਰਕਾਰ ਵੱਲੋਂ ਕੀਤੇ ਜਾ ਰਹੇ ਹਮਲਿਆਂ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕਰਦਿਆਂ ਮਜ਼ਦੂਰ ਜਮਾਤ ਨੂੰ ਸੱਦਾ ਦਿੱਤਾ ਕਿ ਉਹ ਆਪਣੇ ਅਤੇ ਸਮੁੱਚੇ ਲੋਕਾਂ ਦੇ ਹਿੱਤਾਂ ਲਈ ਲੜਨ ਵਾਸਤੇ ਅੱਗੇ ਆਉਣ ਤਾਂ ਜੋ ਜਮਹੂਰੀ ਹੱਕਾਂ ਦੀ ਰਾਖੀ ਕੀਤੀ ਜਾ ਸਕੇ। ਪ੍ਰਸਿੱਧ ਅੰਗਰੇਜ਼ੀ ਸਪਤਾਹਿਕ ਅਖਬਾਰ ਦੇ ਨਿਊਏਜ਼ ਦੇ ਮੁੱਖ ਸੰਪਾਦਕ ਕਾਮਰੇਡ ਸ਼ਮੀਮ ਫੈਜ਼ੀ ਨੇ ਕਿਹਾ ਕਿ ਕੇਵਲ ਕਿਰਤੀ ਜਨਤਾ ਹੀ ਨਹੀਂ, ਸਗੋਂ ਬੁੱਧੀਜੀਵੀ ਵਰਗ ਵੀ ਸਰਕਾਰ ਦੀਆਂ ਅਸਹਿਣਸ਼ੀਲਤਾ ਦੀਆਂ ਕਾਰਵਾਈਆਂ ਵਿਰੁੱਧ ਅਤੇ ਪ੍ਰਗਟਾਵੇ ਦੀ ਆਜ਼ਾਦੀ ਲਈ ਲੜ ਰਿਹਾ ਹੈ। ਉਹਨਾ ਕਿਹਾ ਕਿ ਬੁੱਧੀਜੀਵੀ ਵਰਗ ਨੂੰ ਆਪਣਾ ਪੱਖ ਪੂਰੀ ਜ਼ਿੰਮੇਵਾਰੀ ਨਾਲ ਪੇਸ਼ ਕਰਨਾ ਚਾਹੀਦਾ ਹੈ, ਕਿਉਂਕਿ ਦੇਸ਼ ਨੂੰ ਸਹੀ ਅਗਵਾਈ ਬੁੱਧੀਜੀਵੀ ਵਰਗ ਹੀ ਦੇ ਸਕਦਾ ਹੈ।
ਕਾਮਰੇਡ ਅਤੁਲ ਅਨਜਾਣ ਜਨਰਲ ਸਕੱਤਰ ਕੁਲ ਹਿੰਦ ਕਿਸਾਨ ਸਭਾ ਨੇ ਕਿਹਾ ਕਿ ਮੋਦੀ ਸਰਕਾਰ ਦੀਆਂ ਕਾਰਪੋਰੇਟ ਪੱਖੀ ਅਤੇ ਕਿਸਾਨ ਵਿਰੋਧੀ ਨੀਤੀਆਂ ਖੇਤੀ ਦੇ ਸੰਕਟ ਨੂੰ ਹੋਰ ਵੀ ਵਿਗਾੜ ਰਹੀਆਂ ਹਨ ਅਤੇ ਕਿਸਾਨਾਂ, ਖੇਤ ਮਜ਼ਦੂਰਾਂ ਨੂੰ ਖੁਦਕੁਸ਼ੀਆਂ ਵੱਲ ਧੱਕ ਰਹੀਆਂ ਹਨ। ਉਹਨਾ ਕਿਹਾ ਕਿ ਦੇਸ਼ ਦੀ ਖੁਸ਼ਹਾਲੀ ਦੇ ਪ੍ਰਤੀਕ ਸਿਰਫ ਕਿਸਾਨ ਹਨ, ਜਿਹੜੇ ਦੇਸ਼ ਦੇ ਨਾਗਰਿਕਾਂ ਨੂੰ ਵੱਧ ਤੋਂ ਵੱਧ ਅਨਾਜ ਪੈਦਾ ਕਰਕੇ ਖਵਾ ਰਹੇ ਹਨ। ਕਾਮਰੇਡ ਹਰਦੇਵ ਸਿੰਘ ਅਰਸ਼ੀ ਸੂਬਾ ਸਕੱਤਰ ਪੰਜਾਬ ਨੇ ਸਾਰੇ ਪੰਜਾਬ ਵਿੱਚੋਂ ਖਾਸ ਕਰਕੇ ਮਾਝਾ ਖੇਤਰ ਵਿੱਚੋਂ ਵੱਡੀ ਗਿਣਤੀ ਵਿੱਚ ਆਏ ਸਾਥੀਆਂ ਨੂੰ ਜੀ ਆਇਆਂ ਕਿਹਾ, ਜਿਹਨਾਂ ਵਿੱਚ ਵੱਡੀ ਗਿਣਤੀ ਵਿੱਚ ਔਰਤਾਂ, ਨੌਜਵਾਨ, ਮਜ਼ਦੂਰ , ਮੁਲਾਜ਼ਮ ਤੇ ਕਿਸਾਨ ਸਨ ਅਤੇ ਜੋ ਲਾਲ ਝੰਡੇ ਲਹਿਰਾਅ ਰਹੇ ਸਨ ਅਤੇ ਕਮਿਊਨਿਸਟ ਪਾਰਟੀ ਜ਼ਿੰਦਾਬਾਦ, ਇਨਕਲਾਬ ਜ਼ਿੰਦਾਬਾਦ ਦੇ ਨਾਅਰੇ ਲਗਾ ਰਹੇ ਸਨ। ਉਹਨਾਂ ਪੰਜਾਬ ਦੀ ਕੈਪਟਨ ਸਰਕਾਰ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਚੋਣਾਂ ਸਮੇਂ ਕੀਤੇ ਵਾਅਦੇ ਪੂਰੇ ਕਰਨ ਵਿੱਚ ਸਰਕਾਰ ਨਾਕਾਮ ਹੀ ਨਹੀਂ ਰਹੀ, ਸਗੋਂ ਵਾਅਦਿਆਂ ਤੋਂ ਭੱਜ ਰਹੀ ਹੈ। ਉਹਨਾ ਕਿਹਾ ਕਿ ਸੀ ਪੀ ਆਈ ਵੱਲੋਂ ਲੋੜ ਪੈਣ 'ਤੇ ਅੰਦੋਲਨ ਛੇੜਿਆ ਜਾਵੇਗਾ ਤਾਂ ਕਿ ਸੂਬੇ ਦੇ ਲੋਕਾਂ ਨੂੰ ਇਨਸਾਫ ਮਿਲ ਸਕੇ।
ਡਾ. ਜੋਗਿੰਦਰ ਦਿਆਲ ਕੌਮੀ ਕਾਰਜਕਾਰਨੀ ਮੈਂਬਰ ਸੀ ਪੀ ਆਈ ਨੇ ਲੋਕਾਂ ਨੂੰ ਰਸਸ ਦੇ ਮਨਸੂਬੇ ਫੇਲ੍ਹ ਕਰਨ ਲਈ ਵਿਸ਼ਾਲ ਸਾਂਝੇ ਘੋਲਾਂ ਦਾ ਸੱਦਾ ਦਿੱਤਾ, ਜੋ ਘੱਟ ਗਿਣਤੀਆਂ ਅਤੇ ਕਮਜ਼ੋਰ ਤਬਕਿਆਂ 'ਤੇ ਹਮਲੇ ਕਰ ਰਹੀ ਹੈ।
ਕਾਮਰੇਡ ਜਗਰੂਪ ਨੇ ਦੁਨੀਆ ਭਰ ਦੇ ਮਿਹਨਤਕਸ਼ਾਂ ਨੂੰ ਇੱਕ ਹੋਣ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਅੱਜ ਦੁਨੀਆ ਦੇ ਮਿਹਨਤਕਸ਼ ਆਪਣੇ ਹੱਕਾਂ ਲਈ ਜੂਝ ਰਹੇ ਹਨ, ਪਰ ਸਰਮਾਏਦਾਰ ਸਰਕਾਰ ਮਿਹਨਤਕਸ਼ਾਂ ਦਾ ਸ਼ੋਸ਼ਣ ਕਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡਦੀਆਂ। ਉਹਨਾ ਕਿਹਾ ਕਿ ਪਾਰਟੀ ਦਾ ਕੌਮੀ ਸੰਮੇਲਨ ਕੇਰਲਾ ਵਿੱਚ ਹੋ ਰਿਹਾ ਹੈ, ਜਿਸ ਵਿੱਚ ਅਹਿਮ ਫੈਸਲੇ ਲਏ ਜਾਣੇ ਹਨ। ਉਹਨਾ ਕਿਹਾ ਕਿ ਸੀ ਪੀ ਆਈ ਹਮਖਿਆਲੀ ਪਾਰਟੀਆਂ ਨਾਲ ਮਿਲ ਕੇ ਇੱਕ ਮਜ਼ਬੂਤ ਮੋਰਚਾ ਬਣਾਏਗੀ ਤਾਂ ਕਿ 2019 ਦੀਆਂ ਚੋਣਾਂ ਦੀ ਜੰਗ ਜਿੱਤੀ ਜਾ ਸਕੇ। ਰੈਲੀ ਨੂੰ ਕੌਮੀ ਕੌਂਸਲ ਦੇ ਮੈਂਬਰ ਬੰਤ ਬਰਾੜ, ਸੁਆਗਤੀ ਕਮੇਟੀ ਦੇ ਚੇਅਰਮੈਨ ਕਾਮਰੇਡ ਅਮਰਜੀਤ ਆਸਲ, ਜ਼ਿਲ੍ਹਾ ਸਕੱਤਰ (ਸ਼ਹਿਰੀ) ਸਾਥੀ ਵਿਜੈ ਕੁਮਾਰ, ਦਿਹਾਤੀ ਸਕੱਤਰ ਕਾਮਰੇਡ ਲਖਬੀਰ ਸਿੰਘ ਨਿਜ਼ਾਮਪੁਰਾ ਨੇ ਵੀ ਸੰਬੋਧਨ ਕੀਤਾ। 
ਇਸ ਰੈਲੀ ਦੀ ਪ੍ਰਧਾਨਗੀ ਸਰਵ ਸਾਥੀ ਵਿਜੈ ਕੁਮਾਰ, ਕਾਮਰੇਡ ਦਸਵਿੰਦਰ ਕੌਰ, ਗੁਰਨਾਮ ਕੌਰ ਸਰਪੰਚ, ਜਗਤਾਰ ਸਿੰਘ ਮਹਿਲਾਂਵਾਲਾ ਅਤੇ ਗੁਰਦੀਪ ਸਿੰਘ ਗੁਰੂਵਾਲੀ ਨੇ ਕੀਤੀ। ਸੂਬਾ ਸਕੱਤਰ ਕਾਮਰੇਡ ਹਰਦੇਵ ਸਿੰਘ ਅਰਸ਼ੀ ਨੇ ਜ਼ਿਲ੍ਹਾ ਅੰਮ੍ਰਿਤਸਰ ਤੇ ਦੂਜੇ ਜ਼ਿਲ੍ਹਿਆਂ ਤੋਂ ਆਏ ਆਗੂਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ 23ਵੀਂ ਸੂਬਾ ਪੱਧਰੀ ਕਾਨਫਰੰਸ ਅੱਜ ਸ਼ਾਮ ਨੂੰ ਰਾਜੂ ਪੈਲੇਸ ਵਿਖੇ ਸ਼ੁਰੂ ਹੋਵੇਗੀ, ਜਿਸ ਦਾ ਉਦਘਾਟਨ ਪਾਰਟੀ ਦੇ ਕੌਮੀ ਜਨਰਲ ਸਕੱਤਰ ਕਾਮਰੇਡ ਸੁਧਾਕਰ ਰੈਡੀ ਕਰਨਗੇ। ਸੂਬਾ ਸਕੱਤਰ ਵੱਲਂੋ ਪੇਸ਼ ਰਿਪੋਰਟ 'ਤੇ ਬਹਿਸ ਅਤੇ ਹੋਰ ਵਿਚਾਰਾਂ 6 ਅਪ੍ਰੈਲ ਤੱਕ ਚੱਲਣਗੀਆਂ, ਜਿਸ ਦੀ ਪ੍ਰਵਾਨਗੀ ਮਗਰੋਂ ਪਾਰਟੀ ਕਾਂਗਰਸ ਲਈ ਡੈਲੀਗੇਟਾਂ ਦੀ ਚੋਣ ਅਤੇ ਨਵੀਂ ਸੂਬਾ ਕੌਂਸਲ ਚੁਣੀ ਜਾਵੇਗੀ ਅਤੇ ਪਾਰਟੀ ਦੀ ਮਜ਼ਬੂਤੀ ਲਈ ਫੈਸਲੇ ਕੀਤੇ ਜਾਣਗੇ।

ਅਸੀਂ ਨਾਮਧਾਰੀ ਮੂਹਰੇ ਹੋ ਕੇ ਰਾਮ ਮੰਦਰ ਬਣਾਵਾਂਗੇ ਠਾਕੁਰ ਸਤਿਗੁਰੂ ਦਲੀਪ ਸਿੰਘ

ਧਰਮ ਸਾਨੂੰ ਜੁੜਨਾ ਸਿਖਾਉਂਦਾ ਹੈ, ਤੋੜਨਾ ਨਹੀਂ: ਡਾ. ਮੋਹਨ ਭਾਗਵਤ
ਸਿਰਸਾ (ਹਰਿਆਣਾ): 4 ਅਪਰੈਲ 2018: (ਪੰਜਾਬ ਸਕਰੀਨ ਟੀਮ):: 
ਨਾਮਧਾਰੀ ਸੰਗਤਾਂ ਨੇ ਅੱਜ ਹਰਿਆਣਾ ਦੇ ਸਿਰਸਾ ਇਲਾਕੇ ਵਿੱਚ ਹਿੰਦੂਆਂ ਅਤੇ ਸਿੱਖਾਂ ਵੱਲੋਂ ਰਾਮਨੌਮੀ ਦਾ ਤਿਓਹਾਰ ਸਾਂਝੇ ਤੌਰ ਤੇ ਮਨਾ ਕੇ ਇੱਕ ਵਾਰ  ਫੇਰ ਆਪਣੀ ਸੋਚ, ਮਿਸ਼ਨ ਅਤੇ ਸਟੈਂਡ ਨੂੰ ਖੁਲ ਕੇ ਸਪਸ਼ਟ ਕੀਤਾ ਹੈ। ਸੰਗਤਾਂ ਦੇ ਵਿਸ਼ਾਲ ਸਮੁੰਦਰ ਸਾਹਮਣੇ ਇਸ ਮੌਕੇ ਨਾਮਧਾਰੀਆਂ ਨੇ ਰਾਮ ਮੰਦਿਰ ਬਣਾਉਣ ਲਈ ਸਭਨਾਂ ਤੋਂ ਅੱਗੇ ਹੋ ਕੇ ਆਉਣ ਦਾ ਵੀ ਐਲਾਨ ਕੀਤਾ। ਇਸ ਇਕੱਤਰਤਾ ਵਿੱਚ ਆਰ ਐਸ ਐਸ ਮੁਖੀ ਡਾਕਟਰ ਮੋਹਨ ਭਾਗਵਤ ਉਚੇਚ ਨਾਲ ਸਮਾਂ ਕੱਢ ਕੇ ਮੁੱਖ ਮਹਿਮਾਨ ਵੱਜੋਂ ਪੁੱਜੇ। ਡਾਕਟਰ ਮੋਹਨ ਭਾਗਵਤ ਨੇ ਬੇਇਨਸਾਫੀ ਦੇ ਖਾਤਮੇ ਲਈ ਬਲਸ਼ਾਲੀ ਹੋਣ ਦਾ ਸੱਦਾ ਵੀ ਦਿੱਤਾ। ਇਸ ਮੌਕੇ ਸੁਰੱਖਿਆ ਦਾ ਭਾਰੀ ਬੰਦੋਬਸਤ ਸੀ। ਸ਼ਰਦਾਈ, ਹਵਨ ਅਤੇ ਭਜਨ ਕੀਰਤਨ ਦੇ ਅਲੌਕਿਕ ਜਿਹੇ ਮਾਹੌਲ ਦੌਰਾਨ "ਜੈ ਸ਼ਰੀ ਰਾਮ" ਅਤੇ "ਬੋਲੇ ਸੋ ਨਿਹਾਲ ਦੇ ਜੈਕਾਰੇ" ਸਾਰੇ ਵਾਤਾਵਰਨ ਵਿੱਚ ਉਤਸ਼ਾਹ ਵਾਲਾ ਜੋਸ਼ ਭਰ ਰਹੇ ਸਨ। ਨਾਮਧਾਰੀ ਸਿੱੱਖਾਂ ਨੇ ਹਿੰਦੂ-ਸਿੱੱਖ ਏਕਤਾ ਨੂੰ ਸਮਰਪਿਤ “ਰਾਮ-ਨੌਮੀ” ਮਨਾ ਕੇ ਧਾਰਮਿਕ ਸਦਭਾਵਨਾ ਦੀ ਲਹਿਰ ਨੂੰ ਹੁਲਾਰਾ ਦਿੱਤਾ। ਨਾਮਧਾਰੀ ਮੁਖੀ ਠਾਕੁਰ ਦਲੀਪ ਵੱਲੋਂ ਖਿੱਚੀਆਂ ਤਸਵੀਰਾਂ ਵਾਲੀ ਐਲਬਮ ਅੱਜ ਵੀ ਮੁੱਖ ਪਰਦਰਸ਼ਨੀ ਸਟਾਲ 'ਤੇ ਬੇਹੱਦ ਹਰਮਨ ਪਿਆਰੀ ਰਹੀ। 
ਅੱਜ ਸਿਰਸਾ  ਵਿਖੇ ਹਿੰਦੂ-ਸਿੱੱਖ ਏਕਤਾ ਨੂੰ ਸਮਰਪਿਤ “ਰਾਮ-ਨੌਮੀ” ਵਿਸ਼ਵ ਨਾਮਧਾਰੀ ਸੰਗਤ ਨੇ ਸ੍ਰੀ ਸਤਿਗੁਰੂ ਦਲੀਪ ਸਿੰਘ ਜੀ ਦੀ ਰਹਿਨੁਮਾਈ ਹੇਠ ਆਪਣੇ ਹਿੰਦੂ ਸਿੱੱਖ ਭਰਾਵਾਂ ਨਾਲ ਮਿਲਕੇ ਮਨਾਈ ਜਿਸ ਵਿੱੱਚ ਹਜ਼ਾਰਾਂ ਦੀ ਗਿਣਤੀ ਵਿੱੱਚ ਸੰਗਤਾਂ ਨੇ ਹਾਜਰੀ ਲਵਾਈ। ਹਿੰਦੂ-ਸਿੱੱਖ ਭਰਾਵਾਂ ਦਾ ਆਪਸੀ ਪਰੇਮ ਹਿੰਦੂ- ਸਿੱਖ ਏਕਤਾ ਦਾ ਇੱੱਕ ਆਲੌਕਿਕ ਨਜ਼ਾਰਾ ਪੇਸ਼ ਕਰ ਰਿਹਾ ਸੀ।ਸਤਿਗੁਰੂ ਦਲੀਪ ਸਿੰਘ ਜੀ ਦੀ ਰਹਿਨੁਮਾਈ ਹੇਠ ਨਾਮਧਾਰੀ ਸਮਾਜ ਹਿੰਦੂ- ਸਿੱਖ ਏਕਤਾ ਲਈ ਇਹੋ ਜਿਹੇ ਆਯੋਜਨ ਲਗਾਤਾਰ ਕਰਵਾ ਰਿਹਾ ਹੈ। ਅੱਜ ਵੀ ਜਿੰਨੀ ਕੁ ਸੰਗਤਾਂ ਦਾਣਾ ਮੰਡੀ ਵਿੱਚ ਲੱਗੇ ਪੰਡਾਲ ਦੇ ਅੰਦਰ ਸੀ ਓਨੀ ਕੁ ਹੀ ਸੰਗਤ ਲੰਗਰ ਵਾਲੇ ਪੰਡਾਲ ਵਿੱਚ ਵੀ ਸੀ। ਲੰਗਰ ਲਗਾਤਾਰ ਸਵੇਰ ਤੋਂ ਲੈ ਕੇ ਸ਼ਾਮ ਤੱਕ ਜਾਰੀ ਰਿਹਾ। ਸ਼ਰਦਾਈ ਵਾਲੇ ਪਾਸੇ ਤਾਂ ਸਮਾਗਮ ਖਤਮ ਹੋਣ ਤੋਂ ਬਾਅਦ ਵੀ ਭਾਰੀ ਭੀੜ ਰਹੀ। 
ਇਸ ਮੌਕੇ ਸਤਿਗੁਰੂ ਦਲੀਪ ਸਿੰਘ ਜੀ ਨੇ ਬੋਲਦਿਆਂ ਕਿਹਾ ਕਿ ਗੁਰਬਾਣੀ ਵਿੱੱਚ “ਸਰੀ ਰਾਮਚੰਦ ਜਿਸ ਰੂਪ ਨ ਰੇਖਿਆ॥ਮਾਰੂ ਮਹਲਾ 5” ਭਗਵਾਨ ਸ਼੍ਰੀ ਰਾਮ ਚੰਦਰ ਜੀ ਨੂੰ ਪਰ੍ਭੂ ਅਵਤਾਰ ਅਤੇ ਤਰੇਤਾ ਯੁਗ ਦੇ ਸਤਿਗੁਰੂ ਲਿਖਿਆ ਹੈ ਜਿਸ ਕਰਕੇ ਉਹ ਸਾਡੇ ਪੂਜਨੀਕ ਹਨ। ਬਾਣੀ ਵਿੱੱਚ ਪਰ੍ਭੂ ਅਵਤਾਰ ਲਿਖੇ ਹੋਣ ਕਰਕੇ ਅਸੀਂ ਰਾਮਨੌਮੀ ਮਨਾਉਂਦੇ ਹਾਂ। 
ਰਾਮ ਮੰਦਿਰ ਬਾਰੇ ਵੀ ਇਸ ਮੰਚ ਤੋਂ ਸਪਸ਼ਟ ਸਟੈਂਡ ਵਾਲਾ ਐਲਾਨ ਕੀਤਾ ਗਿਆ। ਮੰਚ ਤੋਂ ਠਾਕੁਰ ਦਲੀਪ ਸਿੰਘ ਹੁਰਾਂ ਨੇ ਕਿਹਾ ਕਿ ਭਗਵਾਨ ਰਾਮ ਦੀ ਜਨਮ ਭੂਮੀ ਅਯੁੱੱਧਿਆ ਵਿੱੱਚ ਰਾਮ ਮੰਦਰ ਬਨਾਉਣਾ ਸਾਡਾ ਹੱੱਕ ਹੈ।  ਅਸੀਂ ਨਾਮਧਾਰੀ ਸਭ ਤੋਂ ਮੂਹਰੇ  ਹੋਕੇ ਮੰਦਰ ਬਨਾਵਾਂਗੇ। 
ਹਰ ਕੇਸਾਧਾਰੀ ਸਿੱੱਖ ਨਹੀਂ ਅਤੇ ਹਰ ਮੋਨਾ ਹਿੰਦੂ ਨਹੀਂ। ਕੇਸ ਰਹਿਤ ਵੀ ਸਿੱੱਖ ਹੋ ਸਕਦਾ ਹੈ। ਅੰਮ੍ਰਿਤਧਾਰੀ ਖਾਲਸਾ ਹੋਣ ਵਾਸਤੇ ਕੇਸ ਰੱੱਖਣੇ ਜਰੂਰੀ ਹਨ। ਇਸ ਮੌਕੇ ਸੰਗਤ ਵਿੱੱਚ ਇੱੱਕ ਪਿਤਾ ਪੁੱੱਤਰ ਨੂੰ ਮੰਚ 'ਤੇ ਖੜੇ ਕਰਕੇ ਉਹਨਾਂ ਨੇ ਇਸ ਗੱੱਲ ਦਾ ਪਰਤੱਖ ਸਬੂਤ ਦਿੱੱਤਾ। ਉਹਨਾਂ ਸੁਆਲ ਪੁੱਛਿਆ ਕਿ ਇਹਨਾਂ ਦੋਹਾਂ ਨੂੰ ਹਿੰਦੂ ਜਾਂ ਸਿੱਖ ਆਖ ਕੇ ਵੰਡਿਆ ਜਾ ਸਕਦਾ ਹੈ? ਉਹਨਾਂ ਕਿਹਾ ਕਿ ਸਿੱੱਖ ਪੰਥ ਦੀ ਹੋਂਦ ਸੁਤੰਤਰ ਹੈ ਤੇ ਸੁਤੰਤਰ ਹੀ ਰਹਿਣੀ ਚਾਹੀਦੀ ਹੈ।
ਇਸ ਮੌਕੇ ਨਾਮਧਾਰੀ ਸਤਿਗੁਰੂ ਦਲੀਪ ਸਿੰਘ ਜੀ ਦੇ ਵਿਸ਼ੇਸ਼ ਸੱੱਦੇ ਤੇ ਸਿਰਸਾ ਪਹੁੰਚੇ ਆਰ.ਐਸ.ਐਸ. ਦੇ ਪਰਮ ਸਤਿਕਾਰਯੋਗ ਸਰਸੰਘਚਾਲਕ ਡਾ. ਮੋਹਨ ਭਾਗਵਤ  ਮੁਖ ਵਕਤਾ ਦੇ ਰੂਪ ਵਿੱੱਚ ਸ਼ਾਮਲ ਹੋਏ। ਇਸ ਮੌਕੇ ਸੰਘ ਮੁਖੀ ਨੇ ਬੋਲਦਿਆਂ ਕਿਹਾ ਕਿ ਇਸ ਤਰਾਂ ਰਾਮਨੌਮੀ ਮਨਾਉਣਾ ਸਭ ਨੂੰ ਜੋੜਨ ਵਾਲੀ ਗੱੱਲ ਹੈ ਜਿਸ ਕਰਕੇ ਇਥੇ ਸ਼ਾਂਤੀ ਅਤੇ ਸੁੱੱਖ ਹੈ। ਇਹ ਅੱੱਜ ਦੇ ਸਮੇਂ ਦੀ ਜਰੂਰਤ ਹੈ। ਉਹਨਾਂ ਨੇ ਇਸ ਏਕਤਾ ਵਾਲੇ ਆਯੋਜਨ ਰਾਮਨੌਮੀ ਮੌਕੇ ਉਹਨਾਂ ਨੂੰ ਸੱਦਾ ਦੇਣ ਦਾ ਧੰਨਵਾਦ ਕੀਤਾ। ਸਾਨੂੰ ਸਾਰਿਆਂ ਨੂੰ ਮਿਲਕੇ ਰਹਿਣਾ ਅਤੇ ਚਲਣਾ ਚਾਹੀਦਾ ਹੈ, ਇਹ ਹੀ ਸਾਡਾ ਧਰਮ ਹੈ। ਸਾਡਾ ਧਰਮ ਸਾਨੂੰ ਜੁੜਨਾ ਸਿਖਾਉਂਦਾ ਹੈ, ਤੋੜਨਾ ਨਹੀਂ।ਇਸਦੇ ਨਾਲ ਹੀ ਸਾਨੂੰ ਆਪਣੀ ਸਵੈ-ਰੱੱਖਿਆ ਅਤੇ ਅਨਿਆਏ ਨੂੰ ਖਤਮ ਕਰਨ ਲਈ ਬਲਸ਼ਾਲੀ ਵੀ ਹੋਣਾ ਚਾਹੀਦਾ ਹੈ। ਸਾਨੂੰ ਆਪਣੀ ਸ਼ਕਤੀ ਦੀ ਵਰਤੋਂ ਜੋੜਨ ਲਈ ਕਰਨੀ ਚਾਹੀਦਾ ਹੈ ਨਾਕਿ ਤੋੜਨ ਲਈ। ਸੰਗਤਾਂ ਨੇ ਡਾਕਟਰ ਮੋਹਨ ਭਾਗਵਤ ਨੂੰ ਇੱਕ ਸਾਹ ਹੋ ਕੇ ਸੁਣਿਆ। ਏਨੇ ਵਿਸ਼ਾਲ ਪੰਡਾਲ ਵਿੱਚ ਇਹਨਾਂ ਦੇ ਭਾਸ਼ਣ ਦੌਰਾਨ ਪੂਰੀ ਖਾਮੋਸ਼ੀ ਰਹੀ। ਇਸ ਮੌਕੇ ਅੰਗਰੇਜ਼ੀ ਸ਼ਬਦਾਂ ਪਿੰਨ ਡਰਾਪ ਸਾਈਲੈਂਸ ਦੀ ਯਾਦ ਆ ਰਹੀ ਸੀ। ਨੌਜਵਾਨ ਮੁੰਡੇ ਕੁੜੀਆਂ ਤਾਂ ਡਾਕਟਰ ਮੋਹਨ ਭਾਗਵਤ ਦੇ ਭਾਸ਼ਣ ਨਾਲ ਹੀ ਕੀਲੇ ਗਏ ਲੱਗਦੇ ਸਨ। ਠਾਕੁਰ ਦਲੀਪ ਸਿੰਘ ਹੁਰਾਂ ਦੇ ਵਿਚਾਰਾਂ ਨੇ ਰਾਮਨੌਮੀ ਮੇਲੇ ਵਿੱਚ ਮੌਜੂਦ ਗੈਰ ਨਾਮਧਾਰੀ ਨਵੀਂ ਪੀਡ਼ੀ ਨੂੰ ਵੀ ਪੂਰੀ ਤਰਾਂ ਪਰਭਾਵਿਤ ਕੀਤਾ। 
ਇਸ ਰਾਮਨੌਮੀ ਮੇਲੇ ਵਿੱਚ ਵਿਸ਼ੇਸ਼ ਤੌਰ ਤੇ ਪੰਜਾਬੀ ਗਾਇਕੀ ਦੇ ਬਾਦਸ਼ਾਹ ਹੰਸ ਰਾਜ ਹੰਸ ਨੇ ਵੀ ਹਾਜ਼ਰੀ ਭਰਦਿਆਂ ਹੋਇਆਂ ਬਹੁਤ ਹੀ ਸੁਰੀਲੀ ਆਵਾਜ ਵਿੱੱਚ ਭਜਨ ਗਾਕੇ ਸਮੂਹ ਸੰਗਤਾਂ ਨੂੰ ਮੰਤਰ ਮੁਗਧ ਕੀਤਾ। ਹੰਸਰਾਜ ਹੰਸ ਦੀ ਮੌਜੂਦਗੀ ਨੇ ਇਸ ਮੇਲੇ ਵਿੱਚ ਇੱਕ ਨਵਾਂ ਉਤਸ਼ਾਹ ਭਰਿਆ। "ਸੁਣੋ ਮਹਾਰਾਜ" ਦੇ ਗਾਇਨ ਦਾ ਅੰਦਾਜ਼ ਬੇਹੱਦ ਯਾਦਗਾਰੀ ਹੋ ਨਿੱਬੜਿਆ।  
ਨਸ਼ਾ ਮੁਕਤ ਭਾਰਤ ਅਤੇ ਮਹਿਲਾ ਸਸ਼ਕਤੀਕਰਨ ਲਈ ਨਿਰੰਤਰ ਸਰਗਰਮ ਸੰਗਠਨ "ਬੇਲਣ ਬਰਗੇਡ" ਸੁਪਰੀਮੋ ਅਨੀਤਾ ਸ਼ਰਮਾ  ਇਸ ਮੌਕੇ ਆਪਣੀ ਟੀਮ ਸਹਿਤ ਇਸ ਸਮਾਗਮ ਵਿੱਚ ਸ਼ਾਮਲ ਹੋਏ। ਪੰਜਾਬ, ਹਰਿਆਣਾ, ਰਾਜਸਥਾਨ ਅਤੇ ਹੋਰਨਾਂ ਥਾਵਾਂ ਤੋਂ ਸੰਗਤਾਂ ਭਾਰੀ ਗਿਣਤੀ ਵਿੱਚ ਪੁੱਜੀਆਂ। 
ਇਸ ਮੌਕੇ ਬਜਰੰਗ ਲਾਲ ਜੀ, ਦੇਵੀ ਪ੍ਰਸਾਦ ਜੀ, ਹੇਮਰਾਜ ਜੀ, ਵਿਵੇਕਾ ਨੰਦ ਜੀ, ਰਮੇਸ਼ ਗੁਪਤਾ ਜੀ, ਪਵਨ ਕੌਸ਼ਿਕ ਜੀ, ਸੁਰਿੰਦਰ ਮਲਹੋਤਰਾ ਜੀ, ਅਵਿਨਾਸ਼ ਰਾਏ ਖੰਨਾ ਮੀਤ ਪ੍ਰਧਾਨ ਬੀ.ਜੇ.ਪੀ.  ਅਤੇ ਬਹੁਤ ਵੱੱਡੀ ਗਿਣਤੀ ਵਿੱੱਚ ਸੰਤ-ਮਹਾਂਪੁਰਸ਼ ਮੌਜੂਦ ਸਨ। ਇਸ ਮੌਕੇ ਅੰਤ ਤੇ ਗਏ ਗਏ ਗੀਤ--ਯੇਹ ਭਾਰਤ ਦੇਸ਼ ਹੈ  ਮੇਰਾ--ਵਾਲੇ ਗੀਤ ਦੇ ਗਾਇਨ ਨਾਲ ਜਿੱਥੇ ਸੰਗਤਾਂ ਝੂਮ ਉੱਠੀਆਂ ਉੱਥੇ ਖੁਦ ਡਾਕਟਰ ਮੋਹਨ ਭਾਗਵਤ ਵੀ ਝੂਮਦੇ ਨਜ਼ਰ ਆਏ।  ਨਾਮਧਾਰੀ ਜੱਥੇ ਦਾ ਇਹ ਗਾਇਨ ਬਹੁਤ ਸੁਰੀਲਾ ਸੀ।