Friday, January 19, 2018

ਉਪ ਰਾਸ਼ਟਰਪਤੀ, ਸ਼੍ਰੀ ਐੱਮ ਵੈਂਕਈਆ ਨਾਇਡੂ ਚੇਨਈ ਤੋਂ ਰਵਾਨਾ

ਵਿਦਾ ਕੀਤਾ ਤਾਮਿਲਨਾਡੂ ਦੇ ਮੁੱਖ ਮੰਤਰੀ, ਸ਼੍ਰੀ ਐਡਾਪਾਡੀ ਕੇ. ਪਾਲਨੀਸਵਾਮੀ ਨੇ 
ਉਪ ਰਾਸ਼ਟਰਪਤੀ, ਸ਼੍ਰੀ ਐੱਮ ਵੈਂਕਈਆ ਨਾਇਡੂ ਨੂੰ 19 ਜਨਵਰੀ, 2018 ਨੂੰ ਤਾਮਿਲਨਾਡੂ ਦੇ ਮੁੱਖ ਮੰਤਰੀ, ਸ਼੍ਰੀ ਐਡਾਪਾਡੀ ਕੇ. ਪਾਲਨੀਸਵਾਮੀ (Shri Edappadi K. Palaniswami) ਵੱਲੋਂ ਚੇਨਈ ਤੋਂ ਰਵਾਨਾ ਹੋਣ ਸਮੇਂ ਵਿਦਾ ਕੀਤਾ ਜਾ ਰਿਹਾ ਹੈ।                                                           (PIB ਫੋਟੋ

Thursday, January 18, 2018

ਦਿੱਲੀ ਕੇਸ ਵਿਚ ਭਾਈ ਦਿਆ ਸਿੰਘ ਲਾਹੋਰੀਆ ਅਤੇ ਤਰਲੋਚਨ ਮਾਣਕਿਆ ਨੇ ਪੇਸ਼ੀ ਭੁਗਤੀ

Thu, Jan 18, 2018 at 5:54 PM
ਪੰਜਾਬ ਪੁਲਿਸ ਨੇ ਗਾਰਦ ਨਾ ਹੋਣ ਦਾ ਬਹਾਨਾ ਬਣਾ ਕੇ ਸੁੱਖੀ ਨੂੰ ਪੇਸ਼ ਨਹੀ ਕੀਤਾ
ਨਵੀਂ ਦਿੱਲੀ:18 ਜਨਵਰੀ 2018: (ਮਨਪ੍ਰੀਤ ਸਿੰਘ ਖਾਲਸਾ//ਪੰਜਾਬ ਸਕਰੀਨ):: 
ਦਿੱਲੀ ਦੀ ਇਕ ਸੈਸ਼ਨ ਅਦਾਲਤ ਵਿਚ ਚਲ ਰਹੇ ਕੇਸ ਵਿਚ ਦਿੱਲੀ ਪੁਲਿਸ ਵਲੋਂ ਸਖਤ ਪਹਿਰੇ ਵਿਚ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਦੇ ਕਮਾਂਡਰ ਭਾਈ ਦਿਆ ਸਿੰਘ ਲਾਹੋਰੀਆ ਨੂੰ ਸੌਦਾ ਸਾਧ ਕੇਸ ਐਫ ਆਈ ਆਰ ਨੂੰ 77/2007 ਧਾਰਾ 25(1), 120 ਬੀ ਅਤੇ 121 ਏ ਅਧੀਨ ਜੱਜ ਸਿੱਧਾਰਥ ਸ਼ਰਮਾ ਦੀ ਕੋਰਟ ਵਿਚ ਸਮੇਂ ਸਿਰ ਪੇਸ਼ ਕੀਤਾ ਗਿਆ । ਪੰਜਾਬ ਪੁਲਿਸ ਵਲੋਂ ਮੁੜ ਗਾਰਦ ਨਾ ਹੋਣ ਦਾ ਬਹਾਨਾ ਬਣਾ ਕੇ ਸੁੱਖਵਿੰਦਰ ਸਿੰਘ ਸੁੱਖੀ ਨੂੰ ਪੇਸ਼ ਨਹੀ ਕੀਤਾ ਗਿਆ ਅਤੇ ਇਸੇ ਕੇਸ ਵਿਚ ਬੱਬਰ ਖਾਲਸਾ ਇੰਟਰਨੈਸ਼ਨਲ ਦੇ ਖਾੜਕੂ ਭਾਈ ਤਰਲੋਚਨ ਸਿੰਘ ਮਾਣਕਿਆ ਜੋ ਕਿ ਜਮਾਨਤ ਤੇ ਹਨ ਨਿਜੀ ਤੋਰ ਤੇ ਪੇਸ਼ ਹੋਏ ਸਨ। 
ਖਾੜਕੂ ਸਿੰਘਾਂ ਦੇ ਕੇਸ ਵਿਚ ਇਸ ਸਮੇਂ ਕੋਰਟ ਅੰਦਰ ਗਵਾਹੀਆਂ ਦਰਜ ਹੋ ਰਹੀਆਂ ਹਨ ਜਿਸ ਵਿਚ ਅਜ ਪੁਲਿਸ ਇੰਸਪੈਕਟਰ ਏਸੀਪੀ ਪੰਕਜ ਸੂਦ ਅਤੇ ਏਅਰਟੈਲ ਦੇ ਇਕ ਅਧਿਕਾਰੀ ਨੇ ਅਪਣੀ ਗਵਾਹੀ ਦਰਜ ਕਰਵਾਈ । 
ਪੇਸ਼ੀ ਭੁਗਤਣ ਉਪਰੰਤ ਖਾੜਕੂ ਸਿੰਘਾਂ ਨੇ ਪ੍ਰੈਸ ਨਾਲ ਗਲਬਾਤ ਕਰਦਿਆਂ ਕਿਹਾ ਕਿ ਅਜ ਸਿੱਖ ਪੰਥ ਬਹੁਤ ਹੀ ਭਿਆਨਕ ਨਾਜੂਕ ਦੌਰ ਤੋਂ ਗੁਜਰ ਰਿਹਾ ਹੈ ਜੋ ਕਿ ਚੁਫੇਰਿਉ ਸਿੱਖ ਪੰਥ ਦੇ ਵਿਰੋਧੀਆਂ ਨਾਲ ਘਿਰਿਆ ਹੋਇਆ ਅਪਣੀ ਪੰਥਕ ਹੋਂਦ ਨੂੰ ਬਚਾਉਣ ਲਈ ਹੱਥ ਪੈਰ ਮਾਰ ਰਿਹਾ ਹੈ ਪਰ ਸਹੀ ਸਲਾਮਤ ਨਿਕਲਣ ਦਾ ਰਾਹ ਕਿਧਰੇ ਵੀ ਨਜ਼ਰ ਨਹੀ ਪੈ ਰਿਹਾ ਹੈ । ਪੰਥ ਦੀ ਅਜੋਕਿ ਹਾਲਤ ਨੂੰ ਵੇਖਦਿਆਂ ਹੋਇਆ ਇਹੋ ਹੀ ਕਿਹਾ ਜਾ ਸਕਦਾ ਹੈ ਕਿ ਅਜ ਪੰਥ ਦੀ ਬੇੜੀ ਨਹੀ ਤੁਫਾਨਾਂ ਵਿਚ ਬਲਕਿ ਬੇੜੀ ਵਿਚ ਹੀ ਤੁਫਾਨ ਮਚਿਆ ਪਿਆ ਹੈ । ਇਨ੍ਹਾਂ ਹਾਲਾਤਾਂ ਨੂੰ ਦੇਖਦਿਆਂ ਹੋਇਆ ਅਜ ਕੌਮ ਨੂੰ ਪੰਥਕ ਏਕਤਾ ਦੀ ਬਹੁਤ ਵਡੀ ਲੋੜ ਹੈ ਜਿਸ ਨਾਲ ਹੀ ਸਾਡੀ ਹੋਂਦ ਬਚਾਈ ਜਾ ਸਕਦੀ ਹੈ । ਉਨ੍ਹਾਂ ਕੌਮ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਪੰਥ ਦੇ ਭਲੇ ਲਈ ਪੰਥ ਦਰਦੀਆਂ ਨੂੰ ਸਿਰਜੋੜ ਕੇ ਸੋਚਣ ਲਈ ਸਮਾਂ ਕੌਮ ਦੇ ਦਰਵਾਜੇ ਤੇ ਦਸਤਕ ਦੇ ਰਿਹਾ ਹੈ ਅਤੇ ਹੁਣ ਪੰਥ ਦੇ ਜਾਗਣ ਦਾ, ਜਾਗਰੂਕ ਹੋ ਕੇ ਇਕੱਠੇ ਤੁਰਨ ਦਾ ਸਮਾਂ ਆ ਗਿਆ ਹੈ ਇਸ ਲਈ ਸਾਰੀਆਂ ਧਿਰਾਂ ਇਕੋ ਨਿਸ਼ਾਨ ਸਾਹਿਬ ਹੇਠ ਮਿਲਵਰਤਨ ਦਾ ਫੈਸਲਾ ਲੈ ਕੇ ਡੁਬ ਰਹੀ ਕੌਮ ਦੀ ਬੇੜੀ ਨੂੰ ਬਚਾਉਣ ਦਾ ਉਪਰਾਲਾ ਕਰਨ । 
ਚਲ ਰਹੇ ਮਾਮਲੇਦੀ ਅਗਲੀ ਸੁਣਵਾਈ 22 ਅਤੇ 24 ਜਨਵਰੀ ਨੂੰ ਹੋਵੇਗੀ । ਖਾੜਕੂ ਸਿੰਘਾਂ ਨੂੰ ਮਿਲਣ ਲਈ ਭਾਈ ਮਨਪ੍ਰੀਤ ਸਿੰਘ ਖਾਲਸਾ, ਭਾਈ ਮਹਿੰਦਰਪਾਲ ਸਿੰਘ, ਸ਼੍ਰੌਮਣੀ ਅਕਾਲੀ ਦਲ (ਮਾਨ) ਦੇ ਦਿੱਲੀ ਇਕਾਈ ਦੇ ਪ੍ਰਧਾਨ ਭਾਈ ਸੰਸਾਰ ਸਿੰਘ ਅਤੇ ਹੋਰ ਬਹੁਤ ਸਾਰੇ ਸਿੰਘ ਪਹੁੰਚੇ ਹੋਏ ਸਨ ।

ਧਾਰਾ 144 ਰਾਹੀਂ ਲੋਕ ਸੰਘਰਸ਼ਾਂ ਨੂੰ ਦਬਾਉਣ ਵਿਰੁੱਧ ਲਾਮਬੰਦੀ ਹੋਰ ਤੇਜ਼

Thu, Jan 18, 2018 at 4:16 PM
ਤਾਨਾਸ਼ਾਹ ਹੁਕਮਾਂ ਖਿਲਾਫ਼ 30 ਜਨਵਰੀ ਨੂੰ ਲੁਧਿਆਣਾ 'ਚ ਵਿਸ਼ਾਲ ਮੁਜ਼ਾਹਰਾ 
ਲੁਧਿਆਣਾ: 18 ਜਨਵਰੀ 2018: (ਪੰਜਾਬ ਸਕਰੀਨ ਟੀਮ):: ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਧਰਨੇ-ਮੁਜਾਹਰਿਆਂ ‘ਤੇ ਅਣਮਿਥੀ ਰੋਕ ਸਬੰਧੀ ਜਨਤਕ-ਜਮਹੂਰੀ ਜੱਥੇਬੰਦੀਆਂ ਦੀ ਡੀ.ਸੀ. ਨਾਲ਼ ਮੀਟਿੰਗ ਬੇਸਿੱਟਾ ਰਹੀ
ਲੁਧਿਆਣਾ ਪਰਸ਼ਾਸਨ ਦੇ ਤਾਨਾਸ਼ਾਹ ਹੁਕਮਾਂ ਖਿਲਾਫ਼ 30 ਜਨਵਰੀ ਨੂੰ ਕੀਤਾ ਜਾਵੇਗਾ ਵਿਸ਼ਾਲ ਰੋਸ ਮੁਜਾਹਰਾ।
ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਅੱਜ ਜ਼ਿਲਾ ਲੁਧਿਆਣਾ ਦੀਆਂ ਮਜ਼ਦੂਰਾਂ, ਕਿਸਾਨਾਂ, ਮੁਲਾਜਮਾਂ, ਨੌਜਵਾਨਾਂ, ਵਿਦਿਆਰਥੀਆਂ, ਔਰਤਾਂ, ਬੁੱਧੀਜੀਵੀਆਂ ਦੀਆਂ ਕਰੀਬ 50 ਜਨਤਕ-ਜਮਹੂਰੀ ਜੱਥੇਬੰਦੀਆਂ ਦੇ ਇੱਕ ਪਰਤੀਨਿਧੀ ਮੰਡਲ ਦੀ ਡੀ.ਸੀ. ਲੁਧਿਆਣਾ ਨਾਲ਼ ਮੀਟਿੰਗ ਹੋਈ। ਪ੍ਰਤੀਨਿਧੀ ਮੰਡਲ ਨੇ ਡਿਪਟੀ ਕਮਿਸ਼ਨਰ ਤੋਂ ਮੰਗ ਕੀਤੀ ਕਿ ਲੁਧਿਆਣਾ ਵਿੱਚ ਅਣਮਿੱਥੇ ਸਮੇਂ ਲਈ ਧਾਰਾ 144 ਲਗਾਉਣ ਦੇ ਗੈਰਜਮਹੂਰੀ-ਤਾਨਾਸ਼ਾਹ ਹੁਕਮਾਂ ਨੂੰ ਤੁਰੰਤ ਵਾਪਿਸ ਲਿਆ ਜਾਵੇ। ਦਿਲਚਸਪ ਗੱਲ ਇਹ ਹੈ ਕਿ ਡੀ.ਸੀ. ਨੂੰ ਇਹ ਵੀ ਸਹੀ ਢੰਗ ਨਾਲ਼ ਨਹੀਂ ਪਤਾ ਸੀ ਕਿ ਉਹਨਾਂ ਵੱਲੋਂ ਜਾਰੀ ਪੱਤਰ ਮੁਤਾਬਕ ਪੁਲਿਸ ਕਮਿਸ਼ਨਰ, ਲੁਧਿਆਣਾ ਨੇ ਕੀ ਹੁਕਮ ਜਾਰੀ ਕੀਤੇ ਹਨ। ਡੀਸੀ ਨੇ ਮੰਨਿਆ ਕਿ ਇਹ ਘੋਖਣਾ ਪਵੇਗਾ ਕਿ ਪੁਲਿਸ ਕਮਿਸ਼ਨਰ ਨੂੰ ਅਣਮਿੱਥੇ ਸਮੇਂ ਲਈ ਧਾਰਾ 144 ਲਗਾਉਣ ਦਾ ਅਧਿਕਾਰ ਹੈ ਵੀ ਜਾਂ ਨਹੀਂ। ਜੱਥੇਬੰਦੀਆਂ ਦਾ ਕਹਿਣਾ ਹੈ ਕਿ ਧਾਰਾ 144 ਕਨੂੰਨੀ ਤੌਰ ‘ਤੇ ਵਿਸ਼ੇਸ਼ ਖਤਰਾ ਭਰਪੂਰ ਹਾਲਤਾਂ ਵਿੱਚ ਹੀ ਥੋੜੇ ਜਿਹੇ ਸਮੇਂ ਲਈ ਹੀ ਲਾਈ ਜਾ ਸਕਦੀ ਹੈ। ਲੁਧਿਆਣਾ ਪੁਲਿਸ ਕਮਿਸ਼ਨਰੀ ਵਿੱਚ ਅਜਿਹੇ ਕੋਈ ਹਾਲਤ ਨਹੀਂ ਹਨ ਜਿਹਨਾਂ ਨੂੰ ਬਹਾਨਾ ਬਣਾ ਕੇ ਇਸ ਧਾਰਾ ਦੀ ਵਰਤੋਂ ਕੀਤੀ ਜਾਵੇ। ਅਸਲ ਵਿੱਚ ਹਾਕਮ ਤਰਾਂ ਤਰਾਂ ਦੇ ਬਹਾਨਿਆਂ ਹੇਠ ਲੋਕ ਅਵਾਜ਼ ਕੁਚਲਣ ਦੀਆਂ ਸਾਜਿਸ਼ਾਂ ਰਚ ਰਹੇ ਹਨ। ਲੁਧਿਆਣਾ ਪੁਲਿਸ ਕਮਿਸ਼ਨਰੀ ਵਿੱਚ ਇਹ ਧਾਰਾ ਲਾ ਕੇ ਧਰਨਿਆਂ-ਮੁਜ਼ਹਰਿਆਂ ‘ਤੇ ਪਾਬੰਦੀ ਲਾਉਣਾ ਵੀ ਇਹਨਾਂ ਹੀ ਸਾਜਿਸ਼ਾਂ ਦਾ ਇੱਕ ਹਿੱਸਾ ਹੈ।
ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਜਨਤਕ ਜਮਹੂਰੀ ਜੱਥੇਬੰਦੀਆਂ ਵੱਲੋਂ 30 ਜਨਵਰੀ ਨੂੰ ਡਿਪਟੀ ਕਮਿਸ਼ਨਰ ਦੇ ਦਫ਼ਤਰ ’ਤੇ ਵਿਸ਼ਾਲ ਰੋਸ ਮੁਜਾਹਰਾ ਕੀਤਾ ਜਾਵੇਗਾ। 19 ਤੋਂ 29 ਜਨਵਰੀ ਤੱਕ ਭਰਵੀਂ ਪਰਚਾਰ ਮੁਹਿੰਮ ਚਲਾ ਕੇ ਲੋਕਾਂ ਨੂੰ ਲੁਧਿਆਣਾ ਪ੍ਰਸ਼ਾਸਨ ਦੇ ਤਾਨਾਸ਼ਾਹ ਹੁਕਮਾਂ ਖਿਲਾਫ਼ ਲਾਮਬੰਦ ਕੀਤਾ ਜਾਵੇਗਾ।
 ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਡੀਸੀ ਲੁਧਿਆਣਾ ਨਾਲ਼ ਹੋਈ ਅੱਜ ਦੀ ਮੀਟਿੰਗ ਵਿੱਚ ਕਾਰਖਾਨਾ ਮਜ਼ਦੂਰ ਯੂਨੀਅਨ, ਜਮਹੂਰੀ ਕਿਸਾਨ ਸਭਾ, ਮਨਰੇਗਾ ਮਜ਼ਦੂਰ ਯੂਨੀਅਨ, ਤਰਕਸ਼ੀਲ ਸੁਸਾਇਟੀ, ਰੇਹੜੀ ਫੜੀ ਯੂਨੀਅਨ, ਇਨਕਲਾਬੀ ਕੇਂਦਰ ਪੰਜਾਬ, ਏਟਕ, ਮਜ਼ਦੂਰ ਅਧਿਕਾਰ ਸੰਘਰਸ਼ ਅਭਿਆਨ, ਨੌਜਵਾਨ ਭਾਰਤ ਸਭਾ, ਮੌਲਡਰ ਐਂਡ ਸਟੀਲ ਵਰਕਰਜ਼ ਯੂਨੀਅਨ, ਲਾਲ ਝੰਡਾ ਬਜਾਜ ਸੰਨਜ ਮਜ਼ਦੂਰ ਯੂਨੀਅਨ, ਲਾਲ ਝੰਡਾ ਹੀਰੋ ਸਾਈਕਲ ਮਜ਼ਦੂਰ ਯੂਨੀਅਨ, ਜਮਹੂਰੀ ਅਧਿਕਾਰ ਸਭਾ, ਬੀ.ਕੇ.ਐਮ.ਯੂ., ਪੰਜਾਬ ਖੇਤ ਮਜ਼ਦੂਰ ਸਭਾ, ਲੋਕ ਮੰਚ ਪੰਜਾਬ, ਕਾਮਾਗਾਟਾ ਮਾਰੂ ਯਾਦਗਾਰੀ ਕਮੇਟੀ, ਹੌਜ਼ਰੀ ਮਜ਼ਦੂਰ ਯੂਨੀਅਨ, ਪੰਜਾਬ ਰੋਡਵੇਜ ਇੰਪਲਾਈਜ਼ ਯੂਨੀਅਨ (ਅਜਾਦ), ਪੰਜਾਬ ਲੋਕ ਸੱਭਿਆਚਾਰਕ ਮੰਚ, ਸਫਾਈ ਲੇਬਰ ਯੂਨੀਅਨ, ਜਮਹੂਰੀ ਕਿਸਾਨ ਸਭਾ, ਟੈਕਸਟਾਈਲ ਹੌਜ਼ਰੀ ਕਾਮਗਾਰ ਯੂਨੀਅਨ, ਪੇਂਡੂ ਮਜ਼ਦੂਰ ਯੂਨੀਅਨ (ਮਸ਼ਾਲ), ਪੰਜਾਬ ਸਟੂਡੈਂਟਸ ਯੂਨੀਅਨ, ਕਿਰਤੀ ਕਿਸਾਨ ਯੂਨੀਅਨ, ਪੇਂਡੂ ਮਜ਼ਦੂਰ ਯੂਨੀਅਨ,  ਮਿਊਂਸੀਪਲ ਵਰਕਰਜ਼ ਯੂਨੀਅਨ, ਦੇਹਾਤੀ ਮਜ਼ਦੂਰ ਸਭਾ, ਸੀਟੀਯੂ, ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਪੰਜਾਬ, ਗੋਰਮਿੰਟ ਟੀਚਰਜ਼ ਯੂਨੀਅਨ, ਰੇਲਵੇ ਪੇਂਸ਼ਨਰਜ਼ ਐਸੋਸਿਏਸ਼ਨ, ਡਿਸਪੋਜੇਬਲ ਵਰਕਰਜ਼ ਯੂਨੀਅਨ, ਲਾਲ ਝੰਡਾ ਪੇਂਡੂ ਚੌਂਕੀਦਾਰ ਯੂਨੀਅਨ, ਪੀਪਲਜ ਮੀਡੀਆ ਲਿੰਕ, ਮਹਾਸਭਾ ਲੁਧਿਆਣਾ, ਬੀ.ਐਮ.ਐਸ.,  ਆਦਿ ਜੱਥੇਬੰਦੀਆਂ ਦੇ ਨੁਮਾਇੰਦੇ ਸ਼ਾਮਲ ਸਨ।
ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਬਾਅਦ ਵਿੱਚ ਹੋਈ ਇੱਕ ਮੀਟਿੰਗ ਵਿੱਚ ਜੱਥੇਬੰਦੀਆਂ ਨੇ ਕੱਲ ਪੱਤਰਕਾਰਾਂ ’ਤੇ ਕਾਰਪੋਰੇਸ਼ਨ ਅਧਿਕਾਰੀਆਂ ਵੱਲੋਂ ਹੋਏ ਹਮਲੇ ਅਤੇ ਦੋਸ਼ੀ ਅਫ਼ਸਰਾਂ ਖਿਲਾਫ਼ ਪੁਲਿਸ ਵੱਲੋਂ ਕੋਈ ਕਾਰਵਾਈ ਨਾ ਕਰਨ ਦੀ ਸਖਤ ਨਿਖੇਧੀ ਕੀਤੀ ਹੈ ਅਤੇ ਮੰਗ ਕੀਤੀ ਹੈ ਕਿ ਦੋਸ਼ੀ ਅਫਸਰਾਂ ਖਿਲਾਫ਼ ਸਖਤ ਤੋਂ ਸਖਤ ਪੁਲਿਸ ਕਾਰਵਾਈ ਕੀਤੀ ਜਾਵੇ।
ਹੋਰ ਤਸਵੀਰਾਂ ਫੇਸਬੁੱਕ ਤੇ ਵੀ ਦੇਖੋ ਬਸ ਇਥੇ ਕਲਿੱਕ ਕਰਕੇ
ਇਸ ਮੁਹਿੰਮ ਨਾਲ ਜੁੜਣ ਲਈ ਤੁਸੀਂ ਸੰਪਰਕ ਕਰ ਸਕਦੇ ਹੋ ਸਾਥੀ ਲਖਵਿੰਦਰ ਨਾਲ (ਮੋ.ਨੰਬਰ: 9646150249)

Wednesday, January 17, 2018

ਇੰਟਰਨੈੱਟ 'ਤੇ ਪੋਰਨੋਗ੍ਰਾਫੀ ਤੱਕ ਪਹੁੰਚ ਨੂੰ ਸਮਾਪਤ ਕਰਨ ਦਾ ਆਦੇਸ਼

17 JAN 2018 6:33PM
ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਵੱਲੋਂ ਅਹਿਮ ਐਲਾਨ 
ਨਵਗਠਿਤ ਸਾਈਬਰ ਅਤੇ ਸੂਚਨਾ ਸੁਰੱਖਿਆ (ਸੀਆਈਐੱਸ) ਡਿਵੀਜ਼ਨ ਦੀ ਪ੍ਰਗਤੀ ਦੀ ਸਮੀਖਿਆ ਕੀਤੀ
ਨਵੀਂ ਦਿੱਲੀ: 19 ਜਨਵਰੀ 2018: (ਪੀਆਈਬੀ//ਪੰਜਾਬ ਸਕਰੀਨ)::
ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਦੇ ਨਾਲ ਨਾਲ ਪੋਰਨੋਗ੍ਰਾਫੀ ਰਾਹੀਂ ਖੋਖਲਾ ਕਰਨ ਦਾ ਸਿਲਸਿਲਾ ਲੰਮੇ ਸਮੇਂ ਤੋਂ ਚਲਿਆ ਆ ਰਿਹਾ ਸੀ। ਸਮਾਜਿਕ ਤਾਣੇਬਾਣੇ ਨੂੰ ਉਲਝਾਉਣ ਦੇ ਨਾਲ ਨਾਲ ਸੱਭਿਆਚਾਰਕ ਕਦਰਾਂ ਕੀਮਤਾਂ ਨੂੰ ਵੀ ਇਹ ਖਤਰਨਾਕ ਰੁਝਾਣ ਮਲੀਆਮੇਟ ਕਰ ਰਿਹਾ ਸੀ। ਸਾਡੇ ਸਮਾਜ ਅਤੇ ਸੱਭਿਆਚਾਰ ਵਿਚਲੇ ਪਾਵਨ ਪਵਿੱਤਰ ਰਿਸ਼ਤੇ ਇਹਨਾਂ ਖੁੱਲੀਆਂ ਹਵਾਵਾਂ ਕਾਰਨ ਆਏ ਦਿਨ ਖਤਰਿਆਂ ਵਿੱਚ ਪੈ ਰਹੇ ਸਨ। ਜੂਨ-2017 ਵਿੱਚ 857 ਪੋਰਨੋ ਸਾਈਟਸ ਨੂੰ ਬੈਨ ਕਰਨ ਦਾ ਹੁਕਮ ਦਿੱਤਾ ਗਿਆ ਸੀ। ਇਸ ਨੂੰ ਲੈ ਕੇ ਕਾਫੀ ਬਹਿਸ ਵੀ ਹੋਈ ਸੀ ਅਤੇ ਇਸਨੂੰ ਇੰਟਰਨੈਟ 'ਤੇ ਸੈਂਸਰਸ਼ਿਪ ਤੱਕ ਆਖਿਆ ਗਿਆ ਸੀ।  ਵੀ ਇਸ ਮਾਰੂ ਰੁਝਾਣ ਨੂੰ ਠੱਲ੍ਹ ਪਾਉਣ ਦੇ ਮਕਸਦ ਨਾਲ ਕੇਂਦਰ ਸਰਕਾਰ ਵੱਲੋਂ ਇੱਕ ਅਹਿਮ ਫੈਸਲਾ ਲਿਆ ਗਿਆ ਹੈ। 
ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ ਅਨੁਸਾਰ ਨਵਗਠਿਤ ਸਾਈਬਰ ਅਤੇ ਸੂਚਨਾ ਸੁਰੱਖਿਆ (ਸੀਆਈਐੱਸ) ਡਿਵੀਜ਼ਨ ਤਹਿਤ ਇੰਡੀਅਨ ਸਾਈਬਰ ਕ੍ਰਾਈਮ ਕੋਆਰਡੀਨੇਸ਼ਨ ਸੈਂਟਰ( ਆਈ4ਸੀ ) ਅਤੇ ਸਾਈਬਰ ਪੁਲਿਸ ਬਲ ਦਾ ਗਠਨ ਕੀਤਾ ਜਾਵੇਗਾ। ਇਹ ਗੱਲ ਸੀਆਈਐੱਸ ਡਿਵੀਜ਼ਨ ਦੇ ਇਸ ਸਾਲ ਦੇ ਐਕਸ਼ਨ ਪਲਾਨ 'ਤੇ ਵਿਚਾਰ ਕਰਨ ਲਈ ਆਯੋਜਿਤ ਇੱਕ ਬੈਠਕ ਦੇ ਬਾਅਦ ਸਾਹਮਣੇ ਆਈ। ਇਸ ਬੈਠਕ ਦੀ ਪ੍ਰਧਾਨਗੀ ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਅੱਜ ਇੱਥੇ ਕੀਤੀ। ਗ੍ਰਹਿ ਮੰਤਰਾਲੇ ਅਨੁਸਾਰ ਸੀਆਈਐੱਸ ਡਿਵੀਜ਼ਨ ਦਾ ਗਠਨ 10 ਨਵੰ‍ਬਰ 2017 ਨੂੰ ਕੀਤਾ ਗਿਆ ਸੀ ।
ਸੀਆਈਐੱਸ ਡਿਵੀਜ਼ਨ ਦੇ ਚਾਰ ਭਾਗ ਹੋਣਗੇ–ਸੁਰੱਖਿਆ ਪ੍ਰਵਾਨਗੀ (ਕਲੀਅਰੈਂਸ), ਸਾਈਬਰ ਅਪਰਾਧ ਦੀ ਰੋਕਥਾਮ, ਸਾਈਬਰ ਸੁਰੱਖਿਆ ਅਤੇ ਸੂਚਨਾ ਸੁਰੱਖਿਆ। ਹਰ ਭਾਗ ਦੇ ਮੁਖੀ ਅੰਡਰ ਸੈਕਟਰੀ ਪੱਧਰ ਦੇ ਅਧਿਕਾਰੀ ਹੋਣਗੇ। ਮੁੱਖ‍ ਸੂਚਨਾ ਸੁਰੱਖਿਆ ਅਧਿਕਾਰੀ (ਸੀਆਈਐੱਸਓ) ਅਤੇ ਉੱਪ ਸੀਆਈਐੱਸਓ ਦੀ ਨਿਯੁਕਤੀ ਦਾ ਵੀ ਪ੍ਰਸ‍ਤਾਵ ਦਿੱਤਾ ਗਿਆ ਹੈ। ਵਿੱਤੀ ਧੋਖਾਧੜੀ ਲਈ ਇੱਕ ਆਨਲਾਈਨ ਪੋਰਟਲ ਬਣਾਉਣ ਦਾ ਵੀ ਪ੍ਰਸ‍ਤਾਵ ਹੈ।
ਗ੍ਰਹਿ ਮੰਤਰੀ ਨੇ ਇੰਟਰਨੈੱਟ 'ਤੇ ਪੋਰਨੋਗ੍ਰਾਫੀ ਸਾਂਝਾ ਕਰਨ ਦੀਆਂ ਵੱਧਦੀਆਂ ਘਟਨਾਵਾਂ ਪ੍ਰਤੀ ਚਿੰਤਾ ਪ੍ਰਗਟਾਈ ਹੈ। ਸ਼੍ਰੀ ਰਾਜਨਾਥ ਸਿੰਘ ਨੇ ਸਾਈਬਰ ਜਗਤ ‘ਤੇ ਇੱਕ ਨਿਕਟ ਨਿਗਰਾਨੀ ਰੱਖਣ ਅਤੇ ਭਾਰਤੀ ਕਾਨੂੰਨਾਂ ਦਾ ਉਲੰਘਣ ਕਰਨ ਵਾਲੇ ਵੈੱਬਸਾਈਟਾਂ ਖਾਸ ਤੌਰ 'ਤੇ ਚਾਈਲ‍ਡ ਪੋਰਨ ਵੈੱਬਸਾਈਟਾਂ ਨੂੰ ਬੰਦ ਕਰਨ ਦਾ ਆਦੇਸ਼ ਦਿੱਤਾ ।
ਆਈਪੀਐੱਸ ਅਧਿਕਾਰੀਆਂ ਲਈ ਬਣੇ ips.gov.in ਵੈੱਬਸਾਈਟ ਦੇ ਬਾਰੇ ਗ੍ਰਹਿ ਮੰਤਰੀ ਨੂੰ ਸੂਚਨਾ ਦਿੱਤੀ ਗਈ। ਸਲਾਨਾ ਕਾਰਗੁਜ਼ਾਰੀ ਦੀ ਰਿਪੋਰਟ, ਸਥਾਈ ਜਾਇਦਾਦ ਦਾ ਵੇਰਵਾ ਅਤੇ ਕਾਰਜ ਰਿਕਾਰਡ ਨੂੰ ਹੁਣ ਆਨਲਾਈਨ ਦਰਜ ਕੀਤਾ ਜਾ ਸਕਦਾ ਹੈ। ਹੁਣ 
******
(Release ID: 1517123)

ਦਿੱਲੀ ਵਿਖੇ ਹੋਏ ਸਿੱਖ ਕਤਲੇਆਮ ਦੇ ਇਕ ਮਾਮਲੇ ਦੀ ਹੋਈ ਅਦਾਲਤ ਅੰਦਰ ਸੁਣਵਾਈ

Wed, Jan 17, 2018 at 6:04 PM
ਨਵੀਂ ਦਿੱਲੀ: 17  ਜਨਵਰੀ 2018:(ਮਨਪ੍ਰੀਤ ਸਿੰਘ ਖਾਲਸਾ//ਪੰਜਾਬ ਸਕਰੀਨ)::
ਦਿੱਲੀ ਦੀ ਇਕ ਅਦਾਲਤ ਨੇ ਬੁੱਧਵਾਰ ਨੂੰ ਸਿੱਖ ਵਿਰੋਧੀ ਦੰਗਿਆਂ ਦੇ ਮਾਮਲੇ ਵਿਚ ਮੁੱਖ ਮੁਲਜ਼ਮ ਜਗਦੀਸ਼ ਟਾਈਟਲਰ ਦੇ ਖਿਲਾਫ ਸੁਣਵਾਈ ਜਾਰੀ ਰੱਖੀ ਹੈ। ਇਹ ਮਾਮਲਾ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਹੱਤਿਆ ਮਗਰੋਂ ਹੋਏ ਦੰਗਿਆਂ ਦੇ ਸਿੱਟੇ ਵਜੋਂ 1 ਨਵੰਬਰ 1984 ਨੂੰ ਉੱਤਰ ਦਿੱਲੀ ਦੇ ਗੁਰਦੁਆਰਾ ਪੁਲਬੰਗਸ਼ ਵਿਖੇ ਬਾਦਲ ਸਿੰਘ, ਠਾਕੁਰ ਸਿੰਘ ਅਤੇ ਗੁਰਚਰਨ ਸਿੰਘ ਦੇ ਤਿੰਨ ਸਿੱਖਾਂ ਦੀ ਮੌਤ ਨਾਲ ਸਬੰਧਤ ਹੈ।
ਚਲ ਰਹੇ ਮਾਮਲੇ ਵਿਚ ਸੀਬੀਆਈ ਵਲੋਂ ਪੇਸ਼ ਹੋਏ ਵਕੀਲ ਨੇ ਅਦਾਲਤ ਨੂੰ ਦਸਿਆ  ਕਿ ਵਰਮਾ ਦੀ ਪੌਲੀਗ੍ਰਾਫ ਕਰਨ ਵਾਲੀ ਮਸ਼ੀਨ ਜੋ ਕਿ ਖਰਾਬ ਸੀ ਸਰਕਾਰ ਵਲੋਂ ਇਕ ਨਵੀ ਮਸ਼ੀਨ ਖਰੀਦਣ ਦਾ ਟੇਂਡਰ ਖੋਲਿਆ ਗਿਆ ਹੈ ਜਿਸ ਰਾਹੀ ਮਸ਼ੀਨ ਦੋ ਮਹੀਨੇਆਂ ਵਿਚ ਮਿਲਣ ਦੀ ਉਮੀਦ ਹੈ । ਸੀਬੀਆਈ ਦੇ ਵਕੀਲ ਨੇ ਅਦਾਲਤ ਨੂੰ ਦਸਿਆ ਕਿ ਉਹ ਗਾਂਧੀ ਨਗਰ (ਗੁਜਰਾਤ) ਜਾਂ ਫਿਰ ਹੈਦਰਾਬਾਦ ਵਿਖੇ ਵਰਮਾ ਦਾ ਪੌਲੀਗ੍ਰਾਫ ਟੈਸਟ ਕਰਵਾਓਣ ਨੂੰ ਤਿਆਰ ਹੈ। ਅਦਾਲਤ ਵਲੋਂ ਵਰਮਾ ਨੂੰ ਅਪਣਾ ਟੈਸਟ ਕਰਵਾਓਣ ਲਈ ਜਗ੍ਹਾ ਦਸਣ ਲਈ ਕਿਹਾ ਗਿਆ ਹੈ ਜਿਸ ਕਰਕੇ ਚਲ ਰਹੇ ਮਾਮਲੇ ਦੀ ਅਗਲੀ ਸੁਣਵਾਈ 24 ਜਨਵਰੀ ਨੂੰ ਹੋਵੇਗੀ। 
ਇਸ ਤੋਂ ਪਹਿਲਾਂ ਅਕਤੂਬਰ ਵਿਚ ਇਕ ਅਦਾਲਤ ਨੇ ਉਪਰੋਕਤ ਮਾਮਲੇ ਦੇ ਸੰਬੰਧ ਵਿਚ ਗਵਾਹ ਅਭਿਸ਼ੇਕ ਵਰਮਾ ਦੀ ਲਾਈਟ ਡਿਟੈਕਟਰ ਟੈਸਟ ਦੇਖਣ ਲਈ ਐਡਵੋਕੇਟ ਬੀ.ਬੀ. ਜੂਨ ਨੂੰ ਕਮੇਟੀ ਦੇ ਕਮਿਸ਼ਨਰ ਵਜੋਂ ਨਿਯੁਕਤ ਕੀਤਾ ਸੀ ।ਵਰਮਾ ਨੇ ਦਿੱਲੀ ਪੁਲਿਸ ਕੋਲ ਇਕ ਲਿਖਤੀ ਸ਼ਿਕਾਇਤ ਕੀਤੀ ਹੈ ਕਿ ਉਸਨੂੰ ਈਮੇਲ ਰਾਹੀ ਮੌਤ ਦੀ ਧਮਕੀ ਦਿੱਤੀ ਗਈ ਹੈ ਜਿਸ ਕਰਕੇ ਉਸ ਨੇ ਅਪਣੀ ਪੁਲਿਸ ਸੁਰੱਖਿਆ ਵਧਾਉਣ ਦੀ ਬੇਨਤੀ ਕੀਤੀ ਸੀ।
ਵਰਮਾ ਨੂੰ ਮਿਲੀ ਈ-ਮੇਲ ਵਿੱਚ ਕਿਹਾ ਗਿਆ ਹੈ ਕਿ ਵਰਮਾ ਨੂੰ "ਦੇਸ਼ਭਗਤੀ" ਦੇ ਵਿਚਾਰ ਨੂੰ ਛੱਡ ਦੇਣਾ ਚਾਹੀਦਾ ਹੈ ਅਤੇ ਪੌਲੀਗ੍ਰਾਫ (ਝੂਠ ਖੋਜਣ ਵਾਲੇ) ਟੈਸਟ ਨੂੰ ਟਾਈਟਲਰ ਦੇ ਖਿਲਾਫ ਗਵਾਹ ਦੇ ਤੌਰ ਤੇ ਵਰਤਣ ਦਾ ਵਿਚਾਰ ਛੱਡ ਦੇਣਾ ਚਾਹੀਦਾ ਹੈ, ਜਿਸ ਵਿੱਚ ਅਸਫਲ ਰਹਿਣ ਨਾਲ ਉਸ ਨੂੰ ਮੌਤ ਦਾ ਸਾਹਮਣਾ ਕਰਨਾ ਪਵੇਗਾ । ਵਰਮਾ ਨੇ ਸ਼ਿਕਾਇਤ ਵਿਚ ਲਿਖਿਆ ਕਿ ਇਹ ਇਕ ਬਹੁਤ ਗੰਭੀਰ ਮਾਮਲਾ ਹੈ ਅਤੇ ਕੇਸ ਦੀ ਗੰਭੀਰਤਾ ਨੂੰ ਧਿਆਨ ਵਿਚ ਰੱਖਦੇ ਹੋਏ ਮੈਂ ਅਤੇ ਹੋਰ ਗਵਾਹਾਂ ਨੂੰ ਜੋ ਕਿ ਟਾਈਟਲਰ ਦੇ ਖਿਲਾਫ ਗਵਾਹ ਹਾਂ ਲਗਾਤਾਰ ਧਮਕੀਆਂ ਮਿਲ ਰਹੀਆਂ ਹਨ।

ਪੰਥਕ ਆਗੂ ਮਨਜੀਤ ਸਿੰਘ ਕਲਕੱਤਾ ਹੁਣ ਨਹੀਂ ਰਹੇ

ਪੰਜਾਬ ਸਰਕਾਰ ਵੱਲੋਂ ਅੱਧੇ ਦਿਨ ਦੀ ਛੁੱਟੀ ਦਾ ਐਲਾਨ 
ਅੰਮ੍ਰਿਤਸਰ: 17 ਜਨਵਰੀ 2018: (ਪੰਜਾਬ ਸਕਰੀਨ ਬਿਊਰੋ)::
ਪੰਜਾਬ ਦੇ ਨਾਜ਼ੁਕ ਵੇਲਿਆਂ ਨੂੰ ਬਹੁਤ ਹੀ ਨੇੜਿਓਂ ਹੋ ਕੇ ਦੇਖਣ ਵਾਲੇ ਪੰਥਕ ਆਗੂ ਮਨਜੀਤ ਸਿੰਘ ਕਲਕੱਤਾ ਹੁਣ ਨਹੀਂ ਰਹੇ।  ਅੱਜ ਸਵੇਰੇ ਉਹਨਾਂ ਦਾ ਦੇਹਾਂਤ ਹੋ ਗਿਆ। ਉਮਰ ਦੇ ਨਾਲ ਨਾਲ ਸ਼ੂਗਰ ਦੀ ਬਿਮਾਰੀ ਅਤੇ ਸਰਦੀਆਂ ਦੇ ਇਸ ਮੌਸਮ ਵਿੱਚ ਪੈਦਾ ਹੋਏ ਸਿਹਤ ਦੇ ਉਲਝੇਵਿਆਂ ਨੇ ਉਹਨਾਂ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਨਾਕਾਮ ਕਰ ਦਿੱਤੀਆਂ। ਉਹਨਾਂ ਦੀ ਛਾਤੀ ਵਿੱਚ ਬਲਗਮ ਜਮਾ ਹੋ ਗਈ।  ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੁਰਾਂ ਨੇ ਉਹਨਾਂ ਦੀ ਸਿਹਤ ਬਾਰੇ ਵਿਸ਼ੇਸ਼ ਧਿਆਨ ਰੱਖਣ ਲਈ ਉਚੇਚੇ ਪ੍ਰਬੰਧ ਵੀ ਕਰਾਏ ਸਨ। ਉਹਨਾਂ ਦੇ ਦੇਹਾਂਤ ਮਗਰੋਂ ਉਹਨਾਂ ਦੇ ਸਨਮਾਨ ਵਿੱਚ ਅੱਜ ਪੰਜਾਬ ਸਰਕਾਰ ਦੇ ਦਫਤਰਾਂ ਵਿੱਚ ਅੱਧੇ ਦਿਨ ਦੀ ਛੁੱਟੀ ਵੀ ਕੀਤੀ ਗਈ।  ਉਹਨਾਂ ਦਾ ਹਾਲਚਾਲ ਪੁੱਛਣ ਲਈ ਬਹੁਤ ਸਾਰੇ ਮਹੱਤਵਪੂਰਨ ਵਿਅਕਤੀ ਆਉਂਦੇ ਰਹੇ। ਉਹਨਾਂ ਦੀ ਉਮਰ 80 ਸਾਲਾਂ ਦੀ ਸੀ। ਅੱਜ ਸਵੇਰੇ ਸਾਢੇ ਕੁ ਛੇ ਵਜੇ ਉਹਨਾਂ ਦਾ ਦੇਹਾਂਤ ਹੋ ਗਿਆ। 
ਉਹਨਾਂ ਨੇ ਸਿੱਖ ਸਿਆਸਤ ਦੌਰਾਨ ਪੰਜਾਬ ਦੇ ਨਾਜ਼ੁਕ ਹਾਲਾਤ ਨੂੰ ਬਹੁਤ ਹੀ ਨੇੜਿਓਂ ਹੋ ਕੇ ਦੇਖਿਆ। ਬਹੁਤ ਸਾਰੇ ਸੀਨੀਅਰ ਪੰਥਕ ਲੀਡਰਾਂ ਦੇ ਨਾਲ ਉਹਨਾਂ ਦੀ ਨੇੜਤਾ ਇਸ ਗੱਲ ਦਾ ਸਬੂਤ ਸੀ ਕਿ ਉਹਨਾਂ ਨੇ ਆਪਣੀ ਜ਼ਿੰਦਗੀ ਦੇ ਨਾਲ ਨਾਲ ਸਿਆਸਤ ਵਿੱਚ ਵੀ ਕਿੰਨਾ ਸੰਤੁਲਨ ਰੱਖਿਆ ਹੋਇਆ ਸੀ। ਜੱਥੇਦਾਰ ਟੋਹੜਾ ਦੇ ਨਾਲ ਉਹਨਾਂ ਦੇ ਸਬੰਧ ਬਹੁਤ ਹੀ ਨੇੜਲੇ ਸਨ।  ਦਿਲ ਦੇ ਮੇਲਿਆਂ ਵਰਗੇ। ਸਿੱਖ ਸਿਆਸਤ ਦੇ ਨਾਜ਼ੁਕ ਦੌਰ ਵਿੱਚ ਵੀ ਉਹ ਅਡੋਲ ਰਹੇ। 
ਇਸਦੇ ਨਾਲ ਨਾਲ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰ ਕੁਮਾਰ ਗੁਜਰਾਲ ਅਤੇ ਕਈ ਹੋਰਨਾਂ ਨਾਲ ਵੀ ਉਹਨਾਂ ਦੀ ਨੇੜਤਾ ਸੀ। ਉਹ ਆਮ ਤੌਰ ਤੇ ਬਹੁਤ ਹੀ ਘੱਟ ਬੋਲਦੇਵ ਸਨ ਪਰ ਜਦੋਂ ਬੋਲਦੇ ਸਨ ਤਾਂ ਖੁੱਲ ਕੇ ਬਹੁਤ ਹੀ ਬੇਬਾਕੀ ਨਾਲ ਬੋਲਦੇ ਸਨ। ਸਿੱਖਾਂ ਨੂੰ ਪੰਡਤ ਜਵਾਹਰ ਲਾਲ ਨਹਿਰੂ ਅਤੇ ਹੋਰ ਕਾਂਗਰਸੀ ਲੀਡਰਾਂ ਵੱਲੋਂ ਦਿਤੇ ਗਏ ਵਾਅਦਿਆਂ ਦੇ ਪੂਰਾ ਨਾ ਹੋਣ ਤੇ ਉਹਨਾਂ ਨੇ ਮੀਡੀਆ ਸਾਹਮਣੇ ਵੀ ਦੁੱਖ ਦਾ ਇਜ਼ਹਾਰ ਕੀਤਾ ਸੀ। 
ਪਿੱਛੇ ਜਹੇ ਸੰਨ 2015 ਵਿੱਚ ਉਹਨਾਂ ਦੇ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋਣ ਦੀ ਚਰਚਾ ਵੀ ਚੱਲੀ ਸੀ ਪਰ ਉਹ ਹਮੇਸ਼ਾਂ ਪੰਥਕ ਸਫ਼ਾਂ ਵਿੱਚ ਹੀ ਰਹੇ। ਸਿੱਖ ਸਿਆਸਤ ਅੰਦਰਲੇ ਮਤਭੇਦਾਂ ਅਤੇ ਵਿਵਾਦਾਂ ਦੌਰਾਨ ਵੀ ਉਹ ਅਕਸਰ ਆਪਣੀ ਸਥਿਤੀ ਨੂੰ ਬਹੁਤ ਹੀ ਸਪਸ਼ਟ ਬਣਾਈ ਰੱਖਣ ਵਿੱਚ ਸਫਲ ਰਹਿੰਦੇ। ਉਹਨਾਂ ਦੇ ਦੇਹਾਂਤ ਨਾਲ ਇੱਕ ਸਫਲ ਸਿਆਸੀ ਅਤੇ ਧਾਰਮਿਕ ਆਗੂ ਖੁੱਸ ਗਿਆ ਹੈ।  

Tuesday, January 16, 2018

ਮਾਘੀ ਦੇ ਮੌਕੇ ਵੀ ਲੁਧਿਆਣਾ ਵਿੱਚ ਵਿਕਦਾ ਰਿਹਾ ਬੀੜੀਆਂ ਮਿਲਿਆ ਗੱਚਕ ਦਾ ਮਾਲ

ਵੇਚਣ ਵਾਲੇ ਨੇ ਕਿਹਾ ਪਿੱਛੋਂ ਹੀ ਅਜਿਹੀ ਪੈਕਿੰਗ ਆਈ 
ਲੁਧਿਆਣਾ: 15 ਜਨਵਰੀ 2018: (ਪੰਜਾਬ ਸਕਰੀਨ ਟੀਮ)::
ਪੰਜਾਬ ਅਤੇ ਸਿੱਖ ਜਗਤ ਵਿੱਚ ਮਾਘੀ ਦਾ ਬਹੁਤ ਵੱਡਾ ਮਹੱਤਵ ਹੈ। ਇਸ ਦਿਨ ਨੂੰ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾਂਦਾ ਹੈ। ਗੈਰ ਸਿੱਖ ਅਤੇ ਗੈਰ ਪੰਜਾਬੀ ਹਲਕਿਆਂ ਵਿੱਚ ਵੀ ਇਸ ਦਿਨ ਦੀ ਬਹੁਤ ਅਹਿਮੀਅਤ ਹੈ। ਇਸ ਨੂੰ ਮਕਰ ਸੰਕ੍ਰਾਂਤੀ ਦੇ ਨਾਮ ਨਾਲ ਮਨਾਇਆ ਜਾਂਦਾ ਹੈ। 
ਇਸਦਾ ਭੇਦ ਉਦੋਂ ਖੁੱਲ੍ਹਿਆ ਜਦੋਂ ਇੱਕ ਪਰਿਵਾਰ ਨੇ ਰੇਵੜੀਆਂ ਅਤੇ ਗੱਚਕ ਦਾ ਇਹ ਡੱਬਾ ਮਾਘੀ ਦੇ ਤਿਓਹਾਰ ਮੌਕੇ ਗੁਰਦੁਆਰੇ ਸੰਗਤ ਲਈ ਭੇਂਟ ਕਰਨ ਵਾਸਤੇ ਲਿਆਂਦਾ। ਜਦੋਂ ਰਾਤ ਵੇਲੇ ਇਸ ਦੀ ਸੁੱਚਮਤਾ ਨੂੰ ਕਾਇਮ ਰੱਖਣ ਵਾਸਤੇ ਇਸ ਨੂੰ ਬਾਕੀ ਸਾਮਾਨ ਤੋਂ ਵੱਖ ਕਰਕੇ ਰੱਖਿਆ ਜਾਣ ਲੱਗਿਆ ਤਾਂ ਇਸ ਡੱਬੇ ਵਿੱਚ ਪੈਕ ਹੋਈ ਬੀੜੀ ਵੀ ਇਸ ਦੇ ਇੱਕ ਪਾਰਦਰਸ਼ੀ ਕਵਰ ਵਿੱਚੋਂ  ਸਾਫ ਨਜ਼ਰ ਆਈ। ਕਾਬਿਲੇ ਜ਼ਿਕਰ ਹੈ ਕਿ ਸਿੱਖ ਜਗਤ ਦੇ ਨਾਲ ਨਾਲ ਗੈਰ ਸਿੱਖ ਵਰਗਾਂ ਵਿੱਚੋਂ ਵੀ ਬਹੁ ਗਿਣਤੀ ਬੀੜੀ ਸਿਗਰੇਟ ਨੂੰ ਸਖਤ ਨਫਰਤ ਕਰਦੀ ਹੈ।  ਸਿਹਤ ਦੇ ਲਈ ਵੀ ਇਸ ਨੂੰ ਬਹੁਤ ਖਤਰਨਾਕ ਸਮਝਿਆ ਜਾਂਦਾ ਹੈ। ਦੂਜੇ ਪਾਸੇ ਸਰਦੀਆਂ ਵਿੱਚ ਗੁੜ ਅਤੇ ਤਿਲਾਂ ਨੂੰ ਚੰਗੀ ਸਿਹਤ ਅਤੇ ਤੰਦਰੁਸਤੀ ਲਈ ਖੜ੍ਹਾ ਜਾਂਦਾ ਹੈ। ਸਿਹਤ ਵਾਸਤੇ ਵਰਦਾਨ ਗਿਣੀ ਜਾਂਦੀ ਅਜਿਹੀ ਚੀਜ਼ ਵਿੱਚ ਵੀ ਬੀੜੀ ਮਿਲਾ ਕੇ ਵੇਚਣ ਵਾਲੇ ਲੋਕਾਂ ਦੀ ਸਿਹਤ ਅਤੇ ਧਾਰਮਿਕ ਭਾਵਨਾਵਾਂ ਨਾਲ ਕਿੰਨਾ ਖਿਲਵਾੜ ਕਰ ਰਹੇ ਹਨ ਇਸਦਾ ਅੰਦਾਜ਼ਾ ਪਾਠਕ ਆਸਾਨੀ ਨਾਲ ਲਗਾ ਸਕਦੇ ਹਨ। 
ਇਹ ਗੱਚਕ ਅਤੇ ਰੇਵੜੀਆਂ ਦਾ ਇਹ ਡੱਬਾ ਲੁਧਿਆਣਾ ਦੇ ਪ੍ਰਸਿੱਧ ਦਮੋਰੀਆ ਪੁੱਲ ਨੇੜਿਓਂ ਇੱਕ ਬਹੁਤ ਪੁਰਾਣੀ ਦੁਕਾਨ ਤੋਂ ਖਰੀਦਿਆ ਗਿਆ ਸੀ। ਜਦੋਂ ਸਵੇਰ ਹੋਣ ਤੇ ਇਸਦੀ ਇਤਲਾਹ ਸਬੰਧਤ ਦੁਕਾਨਦਾਰ ਨੂੰ ਦਿੱਤੀ ਗਈ ਤਾਂ ਉਸਨੇ ਕਿਹਾ ਕਿ ਇਹ ਮਾਲ ਅਸਲ ਵਿੱਚ ਅਸੀਂ ਖੁਦ ਪੈਕ ਨਹੀਂ ਕਰਦੇ। ਹੋਰਨਾਂ ਥਾਵਾਂ ਤੋਂ ਤੋਂ ਠੋਕ ਦੇ ਭਾਅ ਮੰਗਵਾਉਂਦੇ ਹਾਂ ਅਤੇ ਅੱਗੇ ਰਿਟੇਲ ਦੇ ਹਿਸਾਬ ਨਾਲ ਵੇਚ ਦੇਂਦੇ ਹਾਂ।  ਸਾਨੂੰ ਹਰ ਡੱਬੇ ਮਗਰੋਂ ਕੁਝ ਕਮਾਈ ਹੋ ਜਾਂਦੀ ਹੈ। ਦੁਕਾਨਦਾਰ ਨੇ ਦੱਸਿਆ ਕਿ ਜਿਸ ਡੱਬੇ ਵਿੱਚੋਂ ਬੀੜੀ ਨਿਕਲੀ ਹੈ ਉਹ ਡੱਬਾ ਮੀਨਾ ਬਾਜ਼ਾਰ ਵਿੱਚ ਸਥਿਤ ਇੱਕ ਫਰਮ ਕੋਲੋਂ ਮੰਗਵਾਇਆ ਗਿਆ ਸੀ।  
ਸਮਾਜਿਕ ਅਤੇ ਧਾਰਮਿਕ ਸੰਗਠਨਾਂ ਵਿੱਚ ਇਸ ਮੁੱਦੇ ਨੂੰ ਲੈ ਕੇ ਭਾਰੀ ਰੋਸ ਦੀ ਲਹਿਰ ਪਾਈ ਜਾ ਰਹੀ ਹੈ। ਹੁਣ ਦੇਖਣਾ ਹੈ ਕਿ ਪ੍ਰਸ਼ਾਸਨ ਇਸ ਮਾਮਲੇ ਵਿੱਚ ਕੀ ਕਦਮ ਉਠਾਉਂਦਾ ਹੈ। ਹੋਲਸੇਲਰ ਨੇ ਰਿਟੇਲ ਦਾ ਮੱਲ ਵੇਚਣ ਵਾਲੇ ਰਾਹੀਂ ਕਿਹਾ ਕਿ ਸਾਡੇ ਕੋਲ ਬਹੁਤ ਸਾਰੀ ਗੈਰ ਪੰਜਾਬੀ ਲੇਬਰ ਕੰਮ ਕਰਦੀ ਹੈ ਸੋ ਕਿਸੇ ਨੇ ਗਲਤੀ ਨਾਲ ਬੀੜੀ ਦਾ ਟੁਕੜਾ ਸੁੱਟ ਦਿੱਤਾ ਹੋਣਾ ਹੈ। ਅੰਦਾਜ਼ਾ ਲਾਓ ਕਿ ਅਜਿਹੀ ਲਾਪਰਵਾਹੀ ਕਦੋਂ ਤੋਂ ਚਲਦੀ ਆ ਰਹੀ ਹੋਣੀ ਹੈ ਅਤੇ ਕਦੋਂ ਤੀਕ ਜਾਰੀ ਰਹੇਗੀ?ਅਜਿਹੇ ਡੱਬੇ ਕਿੰਨੀ ਵੱਡੀ ਗਿਣਤੀ ਵਿੱਚ ਵਿਕੇ ਹੋ ਸਕਦੇ ਹਨ ਕਿਓਂਕਿ ਸਰਦੀਆਂ ਵਿੱਚ ਬੀੜੀਆਂ ਪੀਣ ਵਾਲੇ ਇਸ ਦੀ ਵਰਤੋਂ ਵੱਡੀ ਮਾਤਰਾ ਵਿਚਕ ਕਰਦੇ ਹਨ ਅਤੇ ਅੱਧ ਪੀਤੀਆਂ ਬੀੜੀਆਂ ਏਧਰ ਓਧਰ ਸੁੱਟ ਦੇਂਦੇ ਹਨ। 

Monday, January 15, 2018

ਕਾਵਿ ਰਚਨਾ//ਚਾਨਣ ਗਿਆਨ ਮਸ਼ਾਲ//ਜੱਥੇਦਾਰ ਜੋਗਿੰਦਰ ਸਿੰਘ "ਮੁਕਤਾ"

.......ਕੁਝ ਤੇ ਵਿਥਾਂ ਯਾਰ ਘਟਾਉ
ਜਲੰਧਰ : 15 ਜਨਵਰੀ 2018 : (ਰਾਜਪਾਲ ਕੌਰ//ਪੰਜਾਬ ਸਕਰੀਨ ):: 
ਸਾਹਿਤ ਹਮੇਸ਼ਾਂ ਹੀ ਸਮਾਜ ਦੇ ਅਸਲੀ ਰੂਪ ਸਰੂਪ ਨੂੰ ਬੜੇ ਹੀ ਕਲਾਤਮਕ ਢੰਗ ਨਾਲ ਸੰਭਾਲਦਾ ਹੈ। ਕਾਲਪਨਿਕ ਨਾਵਣਾ ਅਤੇ ਥਾਵਾਂ ਦਾ ਸਹਾਰਾ ਲੈ ਕੇ ਰਚੀ ਜਾਂਦਾ ਸਾਹਿਤ ਅਸਲ ਵਿੱਚ ਦਸਤਾਵੇਜ਼ੀ ਤੋਂ ਘੱਟ ਵੀ ਨਹੀਂ ਹੁੰਦਾ। ਕਲਮ ਦੀਆਂ ਮਜਬੂਰੀਆਂ ਦੇ ਵਿੱਚ ਵਿੱਚ ਰਹਿ ਕੇ ਸਾਹਿਤ ਬਹੁਤ ਕੁਝ ਅਜਿਹਾ ਦਿਖਾਉਂਦਾ ਹੈ ਜਿਹੜਾ ਸੱਚਮੁੱਚ ਵਾਪਰਿਆ ਹੁੰਦਾ ਹੈ। ਇਸਦੀ ਕਲਪਨਾ ਦੀ ਉਡਾਰੀ ਵੀ ਕਈ ਵਾਰ ਆਉਣ ਵਾਲੇ ਭਵਿੱਖ ਦੀ ਤਸਵੀਰ ਦਿਖਾਉਂਦੀ ਹੈ। ਕਵਿਤਾ ਪ੍ਰਕਾਸ਼ਨ ਵੱਲੋਂ ਇਹਨਾਂ ਰਚਨਾਵਾਂ ਦਾ ਇੱਕ ਨਵਾਂ ਸੰਕਲਨ ਵੀ ਛੇਤੀ ਆ ਰਿਹਾ ਹੈ। ਇਥੇ ਅਸੀਂ ਦੇ ਰਹੇ ਹਾਂ ਜੱਥੇਦਾਰ ਜੋਗਿੰਦਰ ਸਿੰਘ "ਮੁਕਤਾ" ਦੀ ਇੱਕ ਰਚਨਾ। 

ਚਾਨਣ ਗਿਆਨ ਮਸ਼ਾਲ 
ਹੁਣ ਮੋਮਬਤੀਆਂ ਸਭ ਬੁਝਾਉ। 
ਚਾਨਣ ਗਿਆਨ ਮਸ਼ਾਲ ਜਗਾਓ।। 

ਬੁੱਝਣ ਬੱਤੀਆਂ ਤਪਸ਼ ਮਿਟੇਗੀ ,
ਦਹਿਸ਼ਤ ਗਰਦੀ ਹਬਸ਼ ਮਿਟੇਗੀ। 
ਨੇਕੀ ਦਾ ਰਸਤਾ ਅਪਨਾਉ। 

ਹੁਣ ਮੋਮਬਤੀਆਂ  .......... 
ਮੋਮਬਤੀਆਂ ਨਾਲ ਹੁਣ ਨਹੀਂ ਸਰਨਾ। 
ਪੈਣਾ ਏਂ ਵੱਡਾ ਹੀਲਾ ਕਰਨਾ। 
ਕੁਝ ਤੇ ਵਿਥਾਂ ਯਾਰ ਘਟਾਉ। 
ਹੁਣ ਮੋਮਬਤੀਆਂ  ..........

ਬੜੀਆਂ ਫਿਰਕੂ ਬੱਤੀਆਂ ਜੱਗੀਆਂ। 
ਨਫਰਤ ਤੇਜ ਹਵਾਵਾਂ ਵੱਗੀਆਂ। 
ਫਿਰਕਾ ਪ੍ਰਸਤੀ ਜੜੋਂ ਮੁਕਾਓ। 
ਹੁਣ ਮੋਮਬਤੀਆਂ  ...........

ਉਹ ਬੱਤੀਆਂ ਦੇ ਦਾਹਵੇ ਦਾਰੋ। 
ਕੁਝ ਤਾਂ ਦਿਲ ਵਿੱਚ ਸੋਚ ਵਿਚਾਰੋ।  
ਨਿਤ ਨਾਂ ਨਵੇਂ ਵਿਵਾਦ ਵਧਾਓ। 
ਹੁਣ ਮੋਮਬਤੀਆਂ  ............

ਵੱਖਰੇ ਠੱਪੇ ਲਾਈ ਫਿਰਦੇ। 
ਵਾੜੇ ਬਹੁਤ ਬਨਾਈ ਫਿਰਦੇ। 
ਚੱਲ ਚੱਲ ਚਾਲਾਂ ਨਾ ਉਕਸਾਓ। 
ਹੁਣ ਮੋਮਬਤੀਆਂ ............

ਮੂੰਹੋਂ ਗੱਲਾਂ ਕਰਨ ਸੌਖੀਆਂ। 
ਐਪਰ ਤੰਗੀਆਂ ਜਰਣ ਔਖੀਆਂ। 
ਸਭ ਨੂੰ ਜੀਵਨ ਜਾਚ ਸਿਖਾਉ। 
ਹੁਣ ਮੋਮਬਤੀਆਂ  .............

ਝੁੱਗੀਆਂ ਅੰਦਰ ਘੁੱਪ ਹਨੇਰਾ। 
ਗਮੀਆਂ ਪੱਕਾ ਲਾਇਆ ਡੇਰਾ। 
ਕਹੇ 'ਮੁਕਤਾ' ਰੱਲ ਦਰਦ ਵੰਡਾਉ। 
ਹੁਣ ਮੋਮਬਤੀਆਂ  ........... 

ਜਥੇਦਾਰ ਜੋਗਿੰਦਰ ਸਿੰਘ 'ਮੁਕਤਾ'
(ਹਰਿਆਣਾ ਪੰਜਾਬ ਸਾਹਿਤ ਅਕਾਦਮੀ ਵਲੋਂ ਪੁਰਸਕ੍ਰਿਤ)

GCG: ਏਡਜ਼ ਜਾਗਰੂਕਤਾ ਦਿਵਸ ਮਨਾਇਆ

Mon, Jan 15, 2018 at 3:06 PM
ਆਸ਼ਿਮਾ ਨੇ ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚ ਹਾਸਲ ਕੀਤਾ ਪਹਿਲਾ ਸਥਾਨ
ਲੁਧਿਆਣਾ: 15 ਜਨਵਰੀ 2018: (ਪੰਜਾਬ ਸਕਰੀਨ ਬਿਊਰੋ):: 
ਏਡਜ਼ ਲਗਾਤਾਰ ਦੁਨੀਆ ਦੀ ਇੱਕ ਵੱਡੀ ਮਹਾਂਮਾਰੀ ਬਣੀ ਹੋਈ ਹੈ। ਪ੍ਰਚਾਰ ਅਤੇ ਜਾਗਰੂਕਤਾ ਨਾਲ ਇਸ ਦੀ ਮਾਰ ਨੂੰ ਰੋਕਣ ਵਿੱਚ ਕਾਫੀ ਮਦਦ ਵੀ ਮਿਲੀ ਹੈ ਲੇਕਿਨ ਅਜੇ ਵੀ ਇਸਦਾ ਖਤਰਾ ਘੱਟ ਨਹੀਂ ਹੋਇਆ। ਇਸਤੋਂ ਬਚਾਓ ਲਈ ਸਭ ਤੋਂ ਵੱਧ ਜ਼ਰੂਰੀ ਹੈ ਸੰਜਮ ਅਤੇ ਜਾਗਰੂਕਤਾ। ਇਸ ਮਕਸਦ ਲਈ ਲੜਕੀਆਂ ਦੇ ਸਰਕਾਰੀ ਕਾਲਜ ਵਿੱਚ ਇੱਕ ਵਿਸ਼ੇਸ਼ ਉਪਰਾਲਾ ਕੀਤਾ ਗਿਆ। 
ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਵਿਖੇ ਐਨ.ਐਸ.ਐਸ ਦੀਆਂ ਵਿਦਿਆਰਥਣਾਂ ਵੱਲੋਂ ਏਡਜ਼ ਜਾਗਰੂਕਤਾ ਦਿਵਸ ਮਨਾਇਆ ਗਿਆ। ਜਿਸ ਵਿੱਚ ਪੋਸਟਰ ਮੇਕਿੰਗ ਅਤੇ ਸਲੋਗਨ ਲਿਖਣ ਮੁਕਾਬਲੇ ਕਰਵਾਏ ਗਏ। ਇਸ ਮੌਕੇ ਤੇ ਕਾਲਜ ਦੇ ਕਾਰਜਕਾਰੀ ਪ੍ਰਿੰਸੀਪਲ ਸ਼੍ਰੀਮਤੀ ਸ਼ਰਨਜੀਤ ਕੌਰ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਬੀ.ਏ. ਭਾਗ ਪਹਿਲਾ ਦੀ ਆਸ਼ਿਮਾ ਨੇ ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ। ਜਦਕਿ ਪ੍ਰਭਜੋਤ ਕੌਰ ਤੇ ਅਨੁਸ਼ਕਾ ਜੈਨ ਕ੍ਰਮਵਾਰ ਦੂਜੇ ਅਤੇ ਤੀਜੇ ਸਥਾਨ ਤੇ ਰਹੀਆਂ। ਐਮ.ਏ. ਭਾਗ ਦੂਜਾ ਦੀ ਅਮਨਦੀਪ ਕੌਰ ਅਤੇ ਬੀ.ਏ. ਭਾਗ ਪਹਿਲਾ ਸ਼ਿਵਾਨੀ ਨੇ ਹੌਸਲਾ ਵਧਾਉ ਇਨਾਮ ਹਾਸਲ ਕੀਤਾ। ਸਲੋਗਨ ਲਿਖਣ ਮੁਕਾਬਲੇ ਵਿੱਚ ਬੀ.ਏ. ਭਾਗ ਤੀਜਾ ਦੀ ਜਸਮੀਤ ਕੌਰ ਨੇ ਪਹਿਲਾ, ਸਿਮਰਨਜੀਤ ਕੌਰ ਨੇ ਦੂਜਾ ਅਤੇ ਐਮ.ਏ. ਭਾਗ ਪਹਿਲਾ ਦੀ ਅਮਨਪ੍ਰੀਤ ਕੌਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਮੁਕਾਬਲਿਆ ਦੇ ਅੰਤ ਤੇ ਡਾ. ਜਸਪ੍ਰੀਤ ਕੌਰ ਨੇ ਸਭ ਦਾ ਧੰਨਵਾਦ ਕੀਤਾ।   
   

ਲੋਹੜੀ ਮੌਕੇ ਧੀਆਂ ਦਾ ਸਤਿਕਾਰ ਕਰਨ ਦਾ ਵੀ ਦਿੱਤਾ ਸੰਦੇਸ਼

ਸਤਿਗੁਰੂ ਦਲੀਪ ਸਿੰਘ ਜੀ ਦੇ ਹੁਕਮਾਂ ਅਨੁਸਾਰ ਲੋਹੜੀ ਮਨਾਈ 
ਜਲੰਧਰ ਸਕੂਲ ਦੇ ਬੱਚਿਆਂ ਨੂੰ ਲੋਹੜੀ ਅਤੇ ਮਾਘੀ ਦੇ ਇਤਿਹਾਸਿਕ ਗੌਰਵ ਨਾਲ ਜਾਣੂ ਕਰਵਾਇਆ 
ਜਲੰਧਰ: 14 ਜਨਵਰੀ 2018: (ਰਾਜਪਾਲ ਕੌਰ//ਪੰਜਾਬ ਸਕਰੀਨ):: 
ਜਲੰਧਰ ਸਕੂਲ,ਗਦਾਈਪੁਰ ਵਿਖੇ ਵਿਦਿਆਰਥੀਆਂ ਨੇ ਲੋਹੜੀ ਦੇ ਤਿਉਹਾਰ ਨੂੰ ਬੜੇ ਚਾਵਾਂ ਨਾਲ ਮਨਾਇਆ। ਕਿਸੇ ਨੂੰ ਭੰਗੜਾ ਪਾਉਣ ਦਾ ਚਾਅ ਚੜਿਆ ਸੀ ਅਤੇ ਕਿਸੇ ਨੂੰ ਗਿੱਧੇ ਪਾਉਣ ਦਾ ਜਾਂ ਫਿਰ ਪੰਜਾਬੀ ਗੀਤ ਗਾਉਣ ਦਾ ਕਿਉਂਕਿ ਬੱਚੇ ਪੜਾਈ ਦੇ ਨਾਲ ਮਨੋਰੰਜਨ ਵੀ ਕਰਨਾ ਚਾਹੁੰਦੇ ਹਨ ਅਤੇ ਮੌਕੇ ਦੀ ਭਾਲ ਵਿਚ ਹੀ ਹੁੰਦੇ ਹਨ। ਇਸ ਲਈ ਸਕੂਲ ਦੇ ਬੱਚਿਆਂ, ਅਧਿਆਪਕਾਂ ਅਤੇ ਹੋਰ ਸਟਾਫ ਨੇ ਰੱਲ ਕੇ ਲੋਹੜੀ ਦੇ ਤਿਉਹਾਰ ਤੇ ਸਕੂਲ ਕੈਂਪਸ ਵਿੱਚ ਬਹੁਤ ਰੌਣਕਾਂ ਲਾਈਆਂ ਅਤੇ ਲੋਹੜੀ ਦੀ ਅਗਨੀ ਬਾਲ ਕੇ ਸਾਰੇ ਸ਼ਗਨ ਵੀ ਪੂਰੇ ਕੀਤੇ। ਇਸ ਮੌਕੇ ਮੈਡਮ ਜਸਬੀਰ ਕੌਰ ਅਤੇ ਮੈਡਮ ਸੋਨਮ ਨੇ ਬੱਚਿਆਂ ਨੂੰ ਲੋਹੜੀ ਦਾ ਮਹੱਤਵ ਦੱਸਦੇ ਹੋਏ ਹਿੰਦੂ ਅਤੇ ਸਿੱਖ ਧਰਮ ਵਿੱਚ ਮਾਘੀ ਦੇ ਮਹਾਤਮ ਤੋਂ ਵੀ ਜਾਣੂ ਕਰਵਾਇਆ। ਸਕੂਲ ਦੀ ਮੁੱਖ-ਅਧਿਆਪਕਾ ਰਾਜਪਾਲ ਕੌਰ ਨੇ ਦੱਸਿਆ ਕਿ ਸਾਡੇ ਦੇਸ਼ ਵਿੱਚ ਹਰ ਤਿਉਹਾਰ ਕਿਸੇ ਪ੍ਰੇਰਨਾ ਅਤੇ ਸ਼ੁਭ ਵਿਚਾਰਾਂ ਨੂੰ ਲੈ ਕੇ ਸ਼ੁਰੂ ਹੋਇਆ ਪਰ ਹੋਲੀ-ਹੋਲੀ ਉਸ ਵਿੱਚ ਕਈ ਬੁਰਾਈਆਂ ਆ ਗਈਆਂ ਅਤੇ ਸਮਾਜ ਨੇ ਉਸ ਨੂੰ ਆਪਣੇ ਅਨੁਸਾਰ ਢਾਲ ਲਿਆ। ਜਿਸ ਤਰ੍ਹਾਂ ਲੋਹੜੀ ਦਾ ਤਿਉਹਾਰ ਧੀਆਂ,ਭੈਣਾਂ ਨੂੰ ਤੋਹਫੇ ਆਦਿ ਦੇਣ ਤੋਂ ਸ਼ੁਰੂ ਹੋਇਆ ਪਰ ਪੁਰਸ਼ ਪ੍ਰਧਾਨ ਸਮਾਜ ਨੇ ਇਸ ਨੂੰ ਮੁੰਡਿਆਂ ਦੀ ਖੁਸ਼ੀ ਮਨਾਉਣ ਤੱਕ ਸੀਮਿਤ ਕਰ ਲਿਆ। ਅੱਜ ਸਾਨੂੰ ਸਤਿਗੁਰੂ ਦਲੀਪ ਸਿੰਘ ਜੀ ਧੀਆਂ ਦਾ ਸਤਿਕਾਰ ਕਰਨ ਅਤੇ ਉਹਨਾਂ ਦੀ ਲੋਹੜੀ ਮਨਾਉਣ ਦਾ ਸੰਦੇਸ਼ ਦੇ ਰਹੇ ਹਨ ਕਿਓਂਕਿ ਲੜਕੀਆਂ ਨੂੰ ਵੀ ਲੜਕਿਆਂ ਦੇ ਬਰਾਬਰ ਹੱਕ ਦਿੱਤੇ ਜਾਣੇ ਚਾਹੀਦੇ। ਫਿਰ ਇਸੇ ਤਰ੍ਹਾਂ ਮੁਕਤਸਰ ਸਾਹਿਬ ਦੇ ਪਾਵਨ ਇਤਿਹਾਸ ਤੋਂ ਜਾਣੂ ਕਰਵਾਉਂਦਿਆਂ ਉਹਨਾਂ ਦੱਸਿਆ ਕਿ ਕਿਵੇਂ ਚਾਲੀ ਮੁਕਤਿਆਂ ਨੇ ਮੁਗ਼ਲ ਸੈਨਾ ਨਾਲ ਟਾਕਰਾ ਲੈ ਕੇ ਜੌਹਰ ਵਿਖਾਏ ਅਤੇ ਬਹਾਦਰੀ ਨਾਲ ਸ਼ਹੀਦ ਹੋਏ। ਸਾਡੀ ਧਰਤੀ ਏਨੀ ਮਹਾਨ ਅਤੇ ਧੰਨ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਇਹਨਾਂ ਮਹਾਨ ਤਿਉਹਾਰਾਂ ਤੋਂ ਪ੍ਰੇਰਨਾ ਲੈਣ ਦੀ ਲੋੜ ਹੈ। ਇਸ ਮੌਕੇ ਮੈਡਮ ਜਸਬੀਰ ਕੌਰ ,ਬਲਬੀਰ ਕੌਰ,ਸੋਨਮ ,ਮੀਨਾਕਸ਼ੀ ,ਬਲਜੀਤ ਕੌਰ ,ਸ਼ਿਵਾਨੀ ,ਸੋਨੀਆ ,ਤੌਸੀਨ ,ਮੀਨਾ ,ਅੰਜੁਬਾਲਾ ਆਦਿ ਹਾਜਰ ਸਨ। 

Sunday, January 14, 2018

ਲੋਕ ਵਿਰੋਧੀ ਬੈਂਕਿੰਗ ਸੁਧਾਰਾਂ ਨੂੰ ਤੁਰੰਤ ਵਾਪਿਸ ਲੈਣ ਦੀ ਮੰਗ

Sun, Jan 14, 2018 at 4:14 PM
ਸੈਂਟਰਲ ਬੈਂਕ ਆਫ ਇੰਡੀਆ ਦੀ ਯੂਨੀਅਨ ਵੱਲੋਂ ਚਲਾਈ ਦਸਖਤੀ ਮੁਹਿੰਮ ਨੂੰ ਭਰਵਾਂ ਹੁੰਗਾਰਾ
ਲੁਧਿਆਣਾ: 14 ਜਨਵਰੀ 2018: (ਪੰਜਾਬ ਸਕਰੀਨ ਬਿਊਰੋ)::
ਆਲ ਇੰਡੀਆ ਬੈਂਕ ਇੰਪਲਾਈਜ਼ ਐਸੋਸੀਏਸ਼ਨ (ਏ ਆਈ ਬੀ ਈ ਏ) ਦੇ ਸੱਦੇ 'ਤੇ ਵੱਡੇ  ਪੱਧਰ ਉੱਤੇ  ਦਸਖਤਾਂ ਵਾਲੀ ਮੁਹਿੰਮ ਦੇ ਤਹਿਤ ਸੈਂਟਰਲ ਬੈਂਕ ਆਫ ਇੰਡੀਆ  ਇੰਪਲਾਈਜ਼ ਯੂਨੀਅਨ (ਨਾਰਥ ਜ਼ੋਨ) ਅਤੇ ਸੈਂਟਰਲ ਬੈਂਕ ਆਫ਼ੀਸਰਜ਼ ਯੂਨੀਅਨ (ਚੰਡੀਗੜ੍ਹ ਜ਼ੋਨ) ਵੱਲੋਂ ਸਾਂਝੇ ਤੌਰ ਤੇ ਇੱਕ ਵਿਸ਼ੇਸ਼ ਕੈਂਪ ਲਾਇਆ ਗਿਆ। ਨਿਜ਼ਾਮ ਰੋਡ 'ਤੇ ਸਥਿਤ ਸੈਂਟਰਲ ਬੈਂਕ ਆਫ ਇੰਡੀਆ ਦੇ ਬਾਹਰ ਇਸ ਕੈਂਪ ਨੂੰ ਲੋਕਾਂ ਨੇ ਭਰਵਾਂ ਹੁੰਗਾਰਾ ਦਿੱਤਾ। ਜ਼ਿਕਰਯੋਗ ਹੈ ਕਿ ਇਹ ਮੁਹਿੰਮ ਬੈਂਕਾਂ ਦੇ ਉਹਨਾਂ ਅਖੌਤੀ ਸੁਧਾਰਾਂ ਦੇ ਖਿਲਾਫ ਚਲਾਈ ਗਈ ਹੈ ਜਿਹਨਾਂ ਨਾਲ ਆਮ ਲੋਕਾਂ ਨੂੰ ਬਹੁਤ ਤਕਲੀਫ ਹੋਵੇਗੀ। ਇਸ ਮੁਹਿੰਮ ਅਧੀਨ ਬੈਂਕਾਂ ਦੇ ਨਿਜੀਕਰਨ ਅਤੇ ਰਲੇਵੇਂ ਦੇ ਖਿਲਾਫ ਵੀ ਆਮ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਇਹ ਮੁਹਿੰਮ 20 ਜਨਵਰੀ ਤੱਕ ਜਾਰੀ ਰਹੇਗੀ। ਇਸ ਮੁਹਿੰਮ ਅਧੀਨ ਪੰਜਾਬ ਵਿੱਚੋਂ ਪੰਜ ਲੱਖ ਅਤੇ ਦੇਸ਼ ਭਰ ਵਿੱਚੋਂ ਇੱਕ ਕਰੋੜ ਦਸਖਤ ਕਰਾਏ ਜਾਣੇ ਹਨ। ਬੈਂਕਾਂ ਨਾਲ ਜੁੜੇ ਗਾਹਕਾਂ ਦੇ ਨਾਲ ਨਾਲ ਆਮ ਲੋਕ ਵੀ ਇਸ ਮੁਹਿੰਮ ਨੂੰ ਭਰਵਾਂ ਹੁੰਗਾਰਾ ਦੇ ਕੇ ਇਸ ਮੁਹਿੰਮ ਦਾ ਸਮਰਥਨ ਕਰ ਰਹੇ ਹਨ। ਅੱਜ ਦੁਪਹਿਰ ਤੱਕ ਤਕਰੀਬਨ ਇੱਕ ਹਜ਼ਾਰ ਲੋਕਾਂ ਕੋਲੋਂ ਦਸਖਤ ਕਰਾਏ ਗਏ। 
ਲੁਧਿਆਣਾ ਵਿੱਚ ਇਸ ਮੁਹਿੰਮ ਦੀ ਅਗਵਾਈ ਕਰਨ ਵਾਲਿਆਂ ਵਿੱਚ ਸੈਂਟਰਲ ਬੈਂਕ ਆਫ ਇੰਡੀਆ  ਇੰਪਲਾਈਜ਼ ਯੂਨੀਅਨ (ਨਾਰਥ ਜ਼ੋਨ) ਦੇ ਜਨਰਲ ਸਕੱਤਰ ਕਾਮਰੇਡ ਰਾਜੇਸ਼ ਵਰਮਾ, ਰੀਜਨਲ ਸਕੱਤਰ ਕਾਮਰੇਡ ਐਮ ਐਸ ਭਾਟੀਆ, ਸੈਂਟਰਲ ਬੈਂਕ ਆਫ਼ੀਸਰਜ਼ ਯੂਨੀਅਨ (ਚੰਡੀਗੜ੍ਹ ਜ਼ੋਨ) ਦੇ ਡਿਪਟੀ ਜਨਰਲ ਸਕੱਤਰ ਕਾਮਰੇਡ ਗੁਰਮੀਤ ਸਿੰਘ ਅਤੇ ਰੀਜਨਲ ਸਕੱਤਰ ਕਾਮਰੇਡ ਸੁਨੀਲ ਗਰੋਵਰ ਦੇ ਨਾਲ ਨਾਲ ਲੁਧਿਆਣਾ ਦੀਆਂ ਸਾਰੀਆਂ ਬ੍ਰਾਂਚਾਂ ਵਿੱਚੋਂ ਸਾਥੀ ਸ਼ਾਮਲ ਹਨ। ਇਸ ਕੈਂਪ ਦੇ ਆਯੋਜਨ ਨਾਲ ਆਮ ਜਨਤਾ ਨੇ ਬੈਂਕਿੰਗ ਸੁਧਾਰਾਂ ਬਾਰੇ ਕਈ ਸੁਆਲ ਪੁੱਛੇ ਅਤੇ ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਲਈ।  
ਇਸ ਸਬੰਧੀ ਦਿੱਤੇ ਗਏ ਮੰਗ ਪੱਤਰ ਵਿੱਚ ਐਫ ਆਰ ਡੀ ਆਈ  ਬਿੱਲ ਨੂੰ ਵਾਪਿਸ ਲੈਣ ਦੀ ਮੰਗ ਵੀ ਸ਼ਾਮਲ ਹੈ ਜਿਸਨੂੰ ਲੈ ਕੇ ਆਮ ਲੋਕ ਬਹੁਤ ਭੈਅਭੀਤ ਹਨ। ਇਸਦੇ ਨਾਲ ਹੀ ਬੈਂਕਾਂ ਤੋਂ ਵੱਡੇ ਵੱਡੇ ਕਰਜ਼ੇ ਲੈ ਕੇ ਹੜੱਪ ਕਰ ਜਾਣ ਵਾਲੇ ਕਾਰਪੋਰੇਟ ਘਰਾਣਿਆਂ ਖਿਲਾਫ ਸਖਤੀ ਦੀ ਮੰਗ ਵੀ ਕੀਤੀ ਗਈ। ਮੰਗ ਕੀਤੀ ਗਈ ਕਿ ਅਜਿਹੇ ਕਰਜ਼ਿਆਂ ਦਾ ਬੋਝ ਆਮ ਜਨਤਾ ਤੇ ਨਹੀਂ ਪਾਇਆ ਜਾਣਾ ਚਾਹੀਦਾ ਜਿਵੇਂ ਕਿ ਬਾਰ ਬਾਰ ਵੱਖ ਵੱਖ ਸਰਵਿਸ ਚਾਰਜਿਜ਼ ਵਧਾ ਕੇ ਕੀਤਾ ਜਾ ਰਿਹਾ ਹੈ। ਮੁਹਿੰਮ ਅਧੀਨ ਰੈਗੂਲਰ ਬੈਂਕ ਸੇਵਾਵਾਂ ਨੂੰ ਠੇਕੇ ਤੇ ਦੇਣ ਦੀਆਂ  ਕੁਚਾਲਾਂ ਦਾ ਵੀ ਤਿੱਖਾ ਵਿਰੋਧ ਕੀਤਾ ਗਿਆ। ਇਸੇ ਤਰ੍ਹਾਂ ਖੇਤਰੀ ਦਿਹਾਤੀ ਬੈਂਕਾਂ ਨੂੰ ਵੀ ਨਿਜੀ ਹੱਥਾਂ ਵਿੱਚ ਦੇਣ ਦੀ ਵਿਰੋਧਤਾ ਕੀਤੀ ਗਈ। ਆਮ ਲੋਕਾਂ ਦੇ ਫਾਇਦਿਆਂ ਲਈ ਬੈਂਕ ਵਿੱਚ ਜਮਾ ਰਕਮਾਂ ਉੱਤੇ ਵਿਆਜ ਦੀ ਦਰ ਵਧਾਉਣ ਦੀ ਗੱਲ ਵੀ ਕਹੀ ਗਈ। ਰੋਜ਼ਗਾਰ ਅਤੇ ਕਿਸਾਨੀ ਲਈ ਕਰਜ਼ਿਆਂ ਦੀਆਂ ਰਕਮਾਂ ਨੂੰ ਸੋਖੀਆਂ ਸ਼ਰਤਾਂ ਮੁਤਾਬਿਕ ਵਧਾਉਣ ਦੀ ਮੰਗ ਵੀ ਉਠਾਈ ਗਈ। 

Saturday, January 13, 2018

ਦਲਿਤ ਜੱਥੇਬੰਦੀਆਂ ਵੱਲੋਂ ਫਿਰ ਪੀਏਯੂ ਅੱਗੇ ਧਰਨੇ ਦੀ ਚੇਤਾਵਨੀ

 Sat, Jan 13, 2018 at 7:00 PM
ਕੈਪਟਨ ਅਮਰਿੰਦਰ ਸਿੰਘ ਦੀ ਰਿਹਾਇਸ਼ 'ਤੇ ਵੀ ਲੱਗੇਗਾ ਧਰਨਾ
ਲੁਧਿਆਣਾ: 13 ਜਨਵਰੀ 2018: (ਪੰਜਾਬ ਸਕਰੀਨ ਬਿਊਰੋ)::
ਅੱਜ ਸਰਕਟ ਹਾਊਸ ਲੁਧਿਆਣਾ ਵਿਖੇ ਪੰਜਾਬ ਦੀਆਂ ਸਮੂ੍ਹ ਦਲਿਤ ਜਥੇਬੰਦੀਆਂ ਵਲੋਂ ਇਕ ਸਾਂਝੀ ਪ੍ਰੈਸ ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ। ਇਹ ਪ੍ਰੈਸ ਕਾਨਫਰੰਸ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲਧਿਆਣਾ ਵਿਚ ਪੰਜਾਬ ਸਰਕਾਰ ਦੀ ਰਿਜ਼ਰਵੇਸ਼ਨ ਨੀਤੀ ਨੂੰ ਅਧਿਆਪਨ (ਟੀਚਿੰਗ) ਪੋਸਟਾਂ ਵਿਚ ਲਾਗੂ ਕਰਵਾਉਣ ਲਈ ਆਯੋਜਿਤ ਕੀਤੀ ਗਈ। ਇਸ ਸਬੰਧੀ ਮਾਮਲਾ/ਸੰਘਰਸ਼ ਪਿਛਲੇ 4 ਸਾਲਾਂ ਤੋਂ ਚਲ ਰਿਹਾ ਹੈ। ਪਿਛਲੇ ਵਰ੍ਹੇ ਮਿਤੀ 21 ਨਵੰਬਰ 2016 ਤੋਂ 24 ਦਸੰਬਰ 2016 ਤੱਕ (35 ਦਿਨ ਲਗਾਤਾਰ) ਪੰਜਾਬ ਐਗ੍ਰੀਕਲਚਰਲ ਯੂਨੀਵਰਸਿਟੀ ਦੇ ਗੇਟ ਨੰਬਰ-2 ਤੇ ਪੰਜਾਬ ਦੀਆਂ ਸਮੂਹ ਦਲਿਤ (ਮੂਲਨਿਵਾਸੀ) ਸੰਗਠਨਾਂ ਨੇ ਧਰਨਾ ਵੀ ਦਿਤਾ ਸੀ। ਇਸਦੇ ਨਤੀਜੇ ਵਜੋਂ ਉਪ-ਕੁਲਪਤੀ ਪੰਜਾਬ ਐਗ੍ਰੀਕਲਚਰਲ ਯੂਨੀਵਰਸਿਟੀ ਵਲੋਂ ਮਿਤੀ 23 ਦਸੰਬਰ 2016 ਨੂੰ ਸਵੇਰੇ 9.00 ਵਜੇ ਸਮੂਹ ਦਲਿਤ ਜਥੇਬੰਦੀਆਂ ਅਤੇ ਯੂਨੀਵਰਸਿਟੀ ਅਧਿਕਾਰੀਆਂ ਦੀ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ। ਇਸ ਮੀਟਿੰਗ ਵਿਚ ਫੈਸਲਾ ਕੀਤਾ ਗਿਆ ਕਿ ਭਵਿਖ ਵਿਚ ਜਲਦੀ ਹੀ ਇਹ ਮਾਮਲਾ ਯੂਨੀਵਰਸਿਟੀ ਦੀ ਬੋਰਡ ਆਫ ਮੈਨੇਜਮੈਂਟ ਦੀ ਪ੍ਰਵਾਨਗੀ ਹਿੱਤ ਪੇਸ਼ ਕੀਤਾ ਜਾਵੇਗਾ, ਪੰਤੂ ਪੂਰਾ ਇਕ ਸਾਲ ਬੀਤਣ ਦੇ ਬਾਵਜੂਦ ਯੂਨੀਵਰਸਿਟੀ ਮੈਨੇਜਮੈਂਟ ਵਲੋਂ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਅੱਜ ਇਸ ਪ੍ਰੈਸ ਕਾਨਫਰੰਸ ਵਿਚ ਪ੍ਰੋਫੈਸਰ ਹਰਨੇਕ ਸਿੰਘ, ਉਪ ਰਾਸ਼ਟਰੀ ਪ੍ਰਧਾਨ ਬਾਰਤ ਮੁਕਤੀ ਮੋਰਚਾ, ਰਾਜਵਿੰਦਰ ਸਿੰਘ ਖੱਤਰੀਵਾਲ ਪ੍ਰਧਾਨ ੳੋ.ਬੀ.ਸੀ. ਫਰੰਟ ਪੰਜਾਬ, ਜੈ ਸਿੰਘ ਬਾਮਸੇਫ, ਸ੍ਰੀ ਗੁਰਮੇਲ ਸਿੰਘ ਸੰਧੂ, ਹਰਜਿੰਦਰ ਸਿੰਘ ਹਾਂਡਾ ੳ.ਬੀ.ਸੀ.ਫਰੰਟ ਪੰਜਾਬ ਮੌਜੂਦ ਸਨ ਅਤੇ ਉਹਨਾਂ ਵਲੋਂ ਦਸਿਆ ਕਿ ਜੇਕਰ ਪੰਜਾਬ ਐਗ੍ਰੀਕਲਚਰਲ ਯੂਨੀਵਰਸਿਟੀ ਅਤੇ ਪੰਜਾਬ ਸਰਕਾਰ ਵਲੋਂ ਕੋਈ ਠੋਸ ਕਦਮ ਨਾ ਚੁਕਿਆ ਗਿਆ ਤਾਂ ਪੰਜਾਬ ਦੀਆਂ ਸਮੂਹ ਜਥੇਬੰਦੀਆਂ ਵਲੋਂ ਦੋਬਾਰਾ ਤੋਂ ਯੂਨੀਵਰਸਿਟੀ ਦੇ ਗੇਟ ਨੰ: 2 ਅਤੇ ਮਾਣਯੋਗ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਦੀ ਰਿਹਾਇਸ਼ ਤੇ ਅਣਮਿਥੇ ਸਮੇਂ ਲਈ ਧਰਨਾ ਲਗਾਇਆ ਜਾਵੇਗਾ। ਇਸ ਵਿਚ ਹੋਣ ਵਾਲੇ ਕਿਸੇ ਵੀ ਲਾਅ ਐਂਡ ਆਰਡਰ ਦੀ ਸਥਿਤੀ ਲਈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਅਤੇ ਪੰਜਾਬ ਸਰਕਾਰ ਦੀ ਜਿੰਮੇਵਾਰ ਹੋਵੇਗੀ। ਉਹਨਾਂ ਵਲੋਂ ਵਾਈਸ ਚਾਂਸਲਰ ਪੰਜਾਬ ਐਗ੍ਰੀਕਲਚਰਲ ਯੂਨੀਵਰਸਿਟੀ ਦੇ ਕਾਰਜਕਾਲ ਦੌਰਾਨ ਹੋਈਆਂ ਬੇਨਿਯਮੀਆਂ ਦੀ ਜਾਂਚ ਕਰਵਾਉਣ ਦੀ ਮੰਗ ਕੀਤੀ ਗਈ।