* ਭਾਰਤ ਸਰਕਾਰ ਨੂੰ ਕੀਤੀ ਫਾਂਸੀ ਤੁਰੰਤ ਰੋਕਣ ਦੀ ਅਪੀਲ
*ਕਈ ਹੋਰ ਸੰਗਠਨ ਵੀ ਸਰਗਰਮ
*ਫੇਸਬੁਕ ਅਤੇ ਹੋਰ ਸੋਸ਼ਲ ਮੀਡੀਆ ਤੇ ਵੀ ਇਸੇ ਖਬਰ ਦੀ ਚਰਚਾ
ਇੰਟਰਨੈਟ ਤੇ ਵੱਖ ਸਰੋਤਾਂ ਅਤੇ ਵੱਖ ਮੰਚਾਂ ਤੇ ਇਸ ਇੱਕੋ ਸੁਰ ਦੀਆਂ ਖਬਰਾਂ ਆ ਰਹੀਆਂ ਹਨ। ਕਲ੍ਹ ਤੋਂ ਇਸ ਸਿਲਸਿਲੇ ਵਿੱਚ ਜਿਆਦਾ ਤੇਜ਼ੀ ਆਈ ਹੈ। ਅੰਤਰਰਾਸ਼ਟਰੀ ਪੱਧਰ 'ਤੇ ਮਨੁੱਖੀ ਅਧਿਕਾਰਾਂ ਲਈ ਸਰਗਰਮ ਹੋਈ ਐਮਨੈਸਟੀ ਇੰਟਰਨੈਸ਼ਨਲ ਨੇ ਭਾਰਤ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਪ੍ਰੋ. ਦਵਿੰਦਰਪਾਲ ਸਿੰਘ ਭੁੱਲਰ, ਸ਼ਿਵੂ ਅਤੇ ਜਡੇਸਵਾਮੀ ਦੀ ਫਾਂਸੀ ਦੀ ਸਜ਼ਾ ਤੁਰੰਤ ਰੋਕੀ ਜਾਵੇ।
ਕਾਬਿਲੇ ਜ਼ਿਕਰ ਹੈ ਕਿ ਆਪਣੀ ਮੇਲ ਵਿਚ ਐਮਨੈਸਟੀ ਨੇ ਪ੍ਰੋ. ਭੁੱਲਰ ਦੇ ਕੇਸ ਨਾਲ ਸਬੰਧਤ ਸਾਰੀ ਹੀ ਜਾਣਕਾਰੀ ਪ੍ਰਦਾਨ ਕਰਦਿਆਂ ਉਨ੍ਹਾਂ ਖਿਲਾਫ ਹੋਏ ਫੈਸਲੇ 'ਤੇ ਪਟੀਸ਼ਨਾਂ ਰੱਦ ਹੋਣ ਦੇ ਸਾਰੇ ਵੇਰਵੇ ਨਸ਼ਰ ਕੀਤੇ ਹਨ। ਐਮਨੈਸਟੀ ਨੇ ਆਖਿਆ ਹੈ ਕਿ ਪ੍ਰੋ. ਭੁੱਲਰ ਦੀ ਮਾਨਸਿਕ ਦਸ਼ਾ ਠੀਕ ਨਹੀਂ ਹੈ ਅਤੇ ਅੰਤਰਰਾਸ਼ਟਰੀ ਮਾਪਦੰਡਾਂ ਮੁਤਾਬਕ ਮਾਨਸਿਕ ਅਪੰਗਤਾ ਤੋਂ ਪੀਡ਼ਤ ਵਿਅਕਤੀ ਨੂੰ ਫਾਂਸੀ ਦੀ ਸਜ਼ਾ ਦੇਣੀ ਵਰਜਿਤ ਹੈ। ਸ਼ਿਵੂ ਤੇ ਜਡੇਸਵਾਮੀ ਦਾ ਕੇਸ ਕਰਨਾਟਕਾ ਸੂਬੇ ਨਾਲ ਸਬੰਧਤ ਹੈ, ਜਿਨ੍ਹਾਂ ਨੂੰ 2001 ਵਿਚ ਇਕ ਮਹਿਲਾ ਨਾਲ ਜਬਰ-ਜ਼ਨਾਹ ਕਰਨ ਅਤੇ ਉਸਦਾ ਕਤਲ ਕਰਨ ਦੇ ਕੇਸ ਵਿਚ ਜੁਲਾਈ 2005 ਵਿਚ ਫਾਂਸੀ ਦੀ ਸਜ਼ਾ ਸੁਣਾਈ ਗਈ ਸੀ।
Executions have been reportedly scheduled for 22 August
ਕੁਝ ਹੋਰ ਜ਼ਰੂਰੀ ਲਿੰਕ:
No comments:
Post a Comment