ਤਨਵੀਰ ਸਿੰਘ: ਪ੍ਰਮਾਤਮਾ ਦੀ ਇੱਕ ਨਵੀ ਉਮੀਦ
ਲੁਧਿਆਣਾ: 26 ਅਗਸਤ 2014: (ਪੰਜਾਬ ਸਕਰੀਨ ਬਿਊਰੋ):
ਕੋਈ ਸਾਡੇ ਨਾਲ ਚੰਗਾ ਨਾ ਕਰੇ ਤਾਂ ਅਸੀਂ ਝੱਟ ਉਸ ਤੋਂ ਨਿਰਾਸ ਹੋ ਜਾਂਦੇ ਹਾਂ। ਜੇ ਸਾਡੀ ਫਰਿਆਦ ਕਬੂਲ ਨਾ ਹੋਵੇ ਤਾਂ ਅਸੀਂ ਭਗਵਾਨ ਬਦਲਦਿਆਂ ਵੀ ਦੇਰ ਨਹੀਂ ਲਾਉਂਦੇ ਪਰ ਦੇਖੋ ਕ੍ਰਿਸ਼ਮਾ। ਦੁਨੀਆ ਵਿੱਚ ਲਗਾਤਾਰ ਵਧ ਰਹੀ ਨਫਰਤ, ਹੇਰਾਫੇਰੀ ਅਤੇ ਹੋਰ ਬੁਰਾਈਆਂ ਦੇ ਬਾਵਜੂਦ ਪ੍ਰਮਾਤਮਾ ਅਜੇ ਵੀ ਇਨਸਾਨ ਤੋਂ ਨਿਰਾਸ਼ ਨਹੀਂ ਹੋਇਆ। ਉਹ ਲਗਾਤਾਰ ਕਿਸੇ ਨ ਕਿਸੇ ਨੂੰ ਭੇਜ ਰਿਹਾ ਹੈ ਇਸ ਆਸ ਨਾਲ ਕਿ ਸ਼ਾਇਦ ਇਹ ਉਸ ਦੀ ਸਿਰਜੀ ਦੁਨੀਆ ਨੂੰ ਰਾਹਤ ਪ੍ਰਦਾਨ ਕਰੇਗਾ। ਰੱਬ ਨੇ ਤਨਵੀਰ ਸਿੰਘ ਨੂੰ ਵੀ ਸ਼ਾਇਦ ਇਸੇ ਉਮੀਦ ਨਾਲ 27 ਅਗਸਤ 2013 ਵਾਲੇ ਦਿਨ ਇਸ ਦੁਨੀਆ ਵਿੱਚ ਭੇਜਿਆ। ਅੱਜ 27 ਅਗਸਤ ਨੂੰ ਉਸਦਾ ਜਨਮ ਦਿਨ ਹੈ। ਉਸਨੇ ਇਸ ਦੁਨੀਆ ਵਿੱਚ ਇੱਕ ਸਾਲ ਦਾ ਸਫਰ ਪੂਰਾ ਕਰਕੇ ਦੂਸਰੇ ਸਾਲ ਵਿੱਚ ਕਦਮ ਰੱਖਣਾ ਹੈ। ਉਸਦੀਆਂ ਅੱਖਾਂ ਦੀ ਚਮਕ ਦੱਸਦੀ ਹੈ ਕਿ ਉਸ ਨੂੰ ਪ੍ਰਮਾਤਮਾ ਦਾ ਸੁਨੇਹਾ ਯਾਦ ਹੈ। ਉਸ ਨੂੰ ਪ੍ਰਮਾਤਮਾ ਦੀ ਉਮੀਦ ਵੀ ਯਾਦ ਹੈ। ਆਓ ਦੁਆ ਕਰੀਏ ਕਿ ਉਹ ਛੇਤੀ ਛੇਤੀ ਵੱਡਾ ਹੋ ਕੇ ਦੁਨੀਆ ਲਈ ਇੱਕ ਮਿਸਾਲ ਬਣੇ। ਮਾਤਾ-ਪਿਤਾ ਦੇ ਨਾਲ ਨਾਲ ਦੇਸ਼-ਦੁਨੀਆ ਅਤੇ ਸਮਾਜ ਲਈ ਵੀ ਇੱਕ ਮਿਸਾਲ ਕਾਇਮ ਕਰੇ। ਤਨਵੀਰ ਸਿੰਘ ਦੀ ਮਾਤਾ ਹਰਨੀਤ ਕੌਰ ਅਤੇ ਪਿਤਾ ਹਰਪ੍ਰੀਤ ਸਿੰਘ ਸਾਰੀਆਂ ਦੀਆਂ ਵਧਾਈਆਂ ਕਬੂਲ ਕਰਦੇ ਹੋਏ ਦੁਆ ਕਰਦੇ ਹਨ ਰੱਬ ਸਾਰੇ ਘਰਾਂ ਵਿੱਚ ਰੌਸ਼ਨ ਚਿਰਾਗ ਦੇਵੇ।
No comments:
Post a Comment